Afar sérstakt að spila í þrumuveðri Kristinn Páll Teitsson skrifar 21. júní 2019 14:00 Guðmundur Ágúst slær hér af teig í Grafarholtinu þar sem Íslandsmótið fer fram í ágúst. Mynd/GSÍmyndir.net/Seth Guðmundur Ágúst Kristjánsson sem leikur fyrir hönd GR er næststigahæstur á Ecco Nordic Tour mótaröðinni, sterkustu mótaröð Skandinavíu í golfi, eftir að hafa unnið annað mót sitt á árinu á dögunum. Hann varð fyrr á þessu ári annar íslenski kylfingurinn sem nær að vinna mót á þessari mótaröð á eftir Axel Bóassyni og bætti við öðrum sigri á dögunum á PGA Championship / Ingelsta Kalkon, atvinnumótinu sem fór fram á Österlens-vellinum í Svíþjóð. Guðmundur er búinn að koma sér í vænlega stöðu í öðru sæti á stigalistanum þar sem fimm efstu kylfingarnir í lok tímabils öðlast þátttökurétt á Áskorendamótaröð Evrópu, næststerkustu mótaröð Evrópu, á næsta tímabili. Þá á hann annan möguleika á að tryggja sér þátttökurétt á Áskorendamótaröðinni fyrir næsta tímabil með því að vinna eitt mót til viðbótar í Skandinavíu. Guðmundur var á leiðinni aftur til Íslands í stutt stopp þegar Fréttablaðið náði á hann eftir annað mót þar sem hann náði sér ekki jafn vel á strik enda aðeins þrír dagar á milli móta. „Þetta er búið að ganga mjög vel til þessa á árinu, þessir tveir sigrar telja ansi mikið þegar kemur að stigalistanum og verðlaunafénu,“ segir Guðmundur sem hefur bætt högglengdina og það er að skila sér. „Það er minni stöðugleiki í spilamennskunni í ár en undanfarin ár en ég er að slá lengra. Ég hef unnið með þjálfaranum mínum, Arnari Má, sem á allt lof skilið fyrir vinnuna sína. Ég slæ talsvert lengra en í fyrra og á auðveldara með að stýra boltafluginu í vindinum sem gefur mér fleiri færi á fuglum,“ segir Guðmundur aðspurður út í muninn á milli ára. Ef Guðmundi tekst að vinna eitt mót til viðbótar getur hann fært sig yfir á Áskorendamótaröðina. „Það er ekki bara næsta tímabil, ef mér tekst að vinna eitt mót til viðbótar fæ ég þátttökurétt það sem eftir lifir tímabilsins ásamt því að komast ofar á forgangslistann fyrir mótin á næsta tímabili.“ Guðmundur Ágúst tók þátt í móti á Evrópumótaröðinni, sterkustu mótaröð Evrópu, á dögunum. „Þetta var annað mótið mitt á Evrópumótaröðinni og ég fann aftur strax að þetta var stigið sem maður vill vera á. Það er annar gæðastimpill þar.“ Undir lok mótsins sem Guðmundur vann á dögunum komu þrumur og eldingar þegar hann var að klára síðustu holuna. Hann deildi efsta sæti með Christian Bæch Christinsen í lok móts og voru þeir því sendir út í bráðabana til að skera úr um sigurvegara. Eftir bráðabanann kom hellidemba og völlurinn var á floti og var ákveðið að þeir yrðu úrskurðaðir sameiginlegir sigurvegarar. „Það var afar sérstakt, við spiluðum þrjár holur í bráðabana þegar það voru eldingar. Maður hélt að það yrði engin áhætta tekin og þetta var fullnálægt manni fyrir minn smekk,“ segir hann hlæjandi og heldur áfram: „Maður er svo sem vanur hinum ýmsu truflunum og það þurfti bara að ná upp einbeitingu þegar kom að höggunum þó að maður hafi orðið smeykur á milli högga. Þegar það var allt jafnt eftir bráðabanann kom steypiregn og völlurinn var á floti og þá var ákveðið að blása þetta af og úrskurðað að við ynnum báðir mótið.“ Íslandsmótið í höggleik fer fram í Grafarholtinu og segist hann stefna á að gera atlögu að fyrsta Íslandsmeistaratitlinum á heimavellinum. „Það er á dagskránni að koma heim og taka þátt.“ Birtist í Fréttablaðinu Golf Mest lesið England: Hver er kominn, að koma, farinn og að fara? Enski boltinn Víkingar á leið til Albaníu Fótbolti Enn ein stjarnan slítur krossband í hné Fótbolti „Verður að dæmast af því hvernig við högum okkur í Evrópu í ár“ Fótbolti Grátlegt tap niðurstaðan og barátta um sæti í A-deild framundan Körfubolti Dagskráin í dag: Örlög Vals og Breiðabliks ráðast Sport Hin reynda Dinkins í raðir Njarðvíkur Körfubolti Mahomes með skýr skilaboð: „Tími til að spila betur“ Sport Líflátshótunum rignir yfir Víkinga: „Djöfull er þetta lasið“ Fótbolti Guðmundur Bragi til Danmerkur Handbolti Fleiri fréttir Tiger svaf ekki eftir morðtilræðið gegn Trump Einn sá skrautlegasti mættur á Opna breska Ótrúleg hola í höggi: Meira en hálfa mínútu að fara niður Íslenska karlalandsliðið í golfi í deild þeirra bestu Sturluðust allir úr gleði þegar myndband náðist af Ágústi fara holu í höggi Keegan Bradley útnefndur fyrirliði eftir að Tiger Woods sagði nei takk Missir af milljónum af því að hann er ekki atvinnumaður Tiger sagður hafa afþakkað fyrirliðastöðuna Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Nýkrýndur meistari á Opna bandaríska: „Pirraður og vonsvikinn“ McIlroy tekur sér í frí frá golfi eftir „erfiðasta daginn“ á ferlinum Anna Júlía Íslandsmeistari í holukeppni DeChambeau hljóp um og leyfði áhorfendum að snerta bikarinn DeChambeau leiðir með þremur fyrir lokadaginn Åberg með eins höggs forskot Fór fyrst í stöngina en síðan holu í höggi Rory og Cantlay leiða á US Open Woods segir að Opna bandaríska muni reyna líkamlega á kylfinga „Fylgir því þvílík sæla að koma hingað aftur“ Hætt við að skilja: „Framtíð okkar er best varið saman“ „Loksins koma jákvæðar fréttir frá Grindavík“ Sýking í litlu tá heldur Jon Rahm frá keppni á opna bandaríska „Þurfum að fylgjast betur með andlegri heilsu annarra“ Ótrúlegt gengi Scott í hættu og eina sem hann getur gert er að bíða Masters-sigurvegarinn brotnaði saman þegar hann minntist Murrays Brjálaður út í British Airways fyrir að skilja kylfurnar sínar eftir Vann sitt fyrsta PGA-mót með pabba sinn sem kylfusvein Sjá meira
Guðmundur Ágúst Kristjánsson sem leikur fyrir hönd GR er næststigahæstur á Ecco Nordic Tour mótaröðinni, sterkustu mótaröð Skandinavíu í golfi, eftir að hafa unnið annað mót sitt á árinu á dögunum. Hann varð fyrr á þessu ári annar íslenski kylfingurinn sem nær að vinna mót á þessari mótaröð á eftir Axel Bóassyni og bætti við öðrum sigri á dögunum á PGA Championship / Ingelsta Kalkon, atvinnumótinu sem fór fram á Österlens-vellinum í Svíþjóð. Guðmundur er búinn að koma sér í vænlega stöðu í öðru sæti á stigalistanum þar sem fimm efstu kylfingarnir í lok tímabils öðlast þátttökurétt á Áskorendamótaröð Evrópu, næststerkustu mótaröð Evrópu, á næsta tímabili. Þá á hann annan möguleika á að tryggja sér þátttökurétt á Áskorendamótaröðinni fyrir næsta tímabil með því að vinna eitt mót til viðbótar í Skandinavíu. Guðmundur var á leiðinni aftur til Íslands í stutt stopp þegar Fréttablaðið náði á hann eftir annað mót þar sem hann náði sér ekki jafn vel á strik enda aðeins þrír dagar á milli móta. „Þetta er búið að ganga mjög vel til þessa á árinu, þessir tveir sigrar telja ansi mikið þegar kemur að stigalistanum og verðlaunafénu,“ segir Guðmundur sem hefur bætt högglengdina og það er að skila sér. „Það er minni stöðugleiki í spilamennskunni í ár en undanfarin ár en ég er að slá lengra. Ég hef unnið með þjálfaranum mínum, Arnari Má, sem á allt lof skilið fyrir vinnuna sína. Ég slæ talsvert lengra en í fyrra og á auðveldara með að stýra boltafluginu í vindinum sem gefur mér fleiri færi á fuglum,“ segir Guðmundur aðspurður út í muninn á milli ára. Ef Guðmundi tekst að vinna eitt mót til viðbótar getur hann fært sig yfir á Áskorendamótaröðina. „Það er ekki bara næsta tímabil, ef mér tekst að vinna eitt mót til viðbótar fæ ég þátttökurétt það sem eftir lifir tímabilsins ásamt því að komast ofar á forgangslistann fyrir mótin á næsta tímabili.“ Guðmundur Ágúst tók þátt í móti á Evrópumótaröðinni, sterkustu mótaröð Evrópu, á dögunum. „Þetta var annað mótið mitt á Evrópumótaröðinni og ég fann aftur strax að þetta var stigið sem maður vill vera á. Það er annar gæðastimpill þar.“ Undir lok mótsins sem Guðmundur vann á dögunum komu þrumur og eldingar þegar hann var að klára síðustu holuna. Hann deildi efsta sæti með Christian Bæch Christinsen í lok móts og voru þeir því sendir út í bráðabana til að skera úr um sigurvegara. Eftir bráðabanann kom hellidemba og völlurinn var á floti og var ákveðið að þeir yrðu úrskurðaðir sameiginlegir sigurvegarar. „Það var afar sérstakt, við spiluðum þrjár holur í bráðabana þegar það voru eldingar. Maður hélt að það yrði engin áhætta tekin og þetta var fullnálægt manni fyrir minn smekk,“ segir hann hlæjandi og heldur áfram: „Maður er svo sem vanur hinum ýmsu truflunum og það þurfti bara að ná upp einbeitingu þegar kom að höggunum þó að maður hafi orðið smeykur á milli högga. Þegar það var allt jafnt eftir bráðabanann kom steypiregn og völlurinn var á floti og þá var ákveðið að blása þetta af og úrskurðað að við ynnum báðir mótið.“ Íslandsmótið í höggleik fer fram í Grafarholtinu og segist hann stefna á að gera atlögu að fyrsta Íslandsmeistaratitlinum á heimavellinum. „Það er á dagskránni að koma heim og taka þátt.“
Birtist í Fréttablaðinu Golf Mest lesið England: Hver er kominn, að koma, farinn og að fara? Enski boltinn Víkingar á leið til Albaníu Fótbolti Enn ein stjarnan slítur krossband í hné Fótbolti „Verður að dæmast af því hvernig við högum okkur í Evrópu í ár“ Fótbolti Grátlegt tap niðurstaðan og barátta um sæti í A-deild framundan Körfubolti Dagskráin í dag: Örlög Vals og Breiðabliks ráðast Sport Hin reynda Dinkins í raðir Njarðvíkur Körfubolti Mahomes með skýr skilaboð: „Tími til að spila betur“ Sport Líflátshótunum rignir yfir Víkinga: „Djöfull er þetta lasið“ Fótbolti Guðmundur Bragi til Danmerkur Handbolti Fleiri fréttir Tiger svaf ekki eftir morðtilræðið gegn Trump Einn sá skrautlegasti mættur á Opna breska Ótrúleg hola í höggi: Meira en hálfa mínútu að fara niður Íslenska karlalandsliðið í golfi í deild þeirra bestu Sturluðust allir úr gleði þegar myndband náðist af Ágústi fara holu í höggi Keegan Bradley útnefndur fyrirliði eftir að Tiger Woods sagði nei takk Missir af milljónum af því að hann er ekki atvinnumaður Tiger sagður hafa afþakkað fyrirliðastöðuna Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Nýkrýndur meistari á Opna bandaríska: „Pirraður og vonsvikinn“ McIlroy tekur sér í frí frá golfi eftir „erfiðasta daginn“ á ferlinum Anna Júlía Íslandsmeistari í holukeppni DeChambeau hljóp um og leyfði áhorfendum að snerta bikarinn DeChambeau leiðir með þremur fyrir lokadaginn Åberg með eins höggs forskot Fór fyrst í stöngina en síðan holu í höggi Rory og Cantlay leiða á US Open Woods segir að Opna bandaríska muni reyna líkamlega á kylfinga „Fylgir því þvílík sæla að koma hingað aftur“ Hætt við að skilja: „Framtíð okkar er best varið saman“ „Loksins koma jákvæðar fréttir frá Grindavík“ Sýking í litlu tá heldur Jon Rahm frá keppni á opna bandaríska „Þurfum að fylgjast betur með andlegri heilsu annarra“ Ótrúlegt gengi Scott í hættu og eina sem hann getur gert er að bíða Masters-sigurvegarinn brotnaði saman þegar hann minntist Murrays Brjálaður út í British Airways fyrir að skilja kylfurnar sínar eftir Vann sitt fyrsta PGA-mót með pabba sinn sem kylfusvein Sjá meira