Hjaltalín vaknar af dvala Steingerður Sonja Þórisdóttir skrifar 12. júlí 2019 07:00 Högni segir titil plötunnar tengjast eftirför úlfa en heiti hennar verður opinberað síðar. Fréttablaðið/Valli Hljómsveitin Hjaltalín er að vakna af dvala og gefur úr nýtt lag í dag, en það heitir Love from 99. Högni Egilsson, annar söngvara sveitarinnar, segir lagið vera um æskuástir. Hljómsveitin stendur einnig fyrir tónleikum í Hörpu þann 7. september, en þeir verða stærstu tónleikar sveitarinnar til þessa og öllu verður tjaldað til. Síðasta plata sveitarinnar, Enter 4, kom út 2012. Högni segir ferlið við gerð þeirrar plötu hafa tekið á tilfinningalega, persónulega og tónlistarlega. Í kjölfarið lagðist hljómsveitin tímabundið í dvala á meðan meðlimirnir sinntu öðrum verkefnum. „Við erum smá að púsla bandinu aftur saman. Við höfum þannig tengingu okkar á milli að það var alltaf ljóst að við myndum spila aftur saman. Okkur líður eins og fjölskyldu og erum tengd slíkum tryggðaböndum að það var aldrei vafamál að við myndum taka upp þráðinn að nýju. Ég var fyrst mikið að spila með GusGus og að gera mitt sólóverkefni og hinir meðlimirnir líka með nóg á sinni könnu,“ segir Högni. Hann segir að þau séu í raun að koma með efnið upp á yfirborðið því nýja platan hefur verið fimm ár í vinnslu með hléum. „Þessa plötu unnum við í lotum og komum saman öðru hvoru. Platan er nokkuð löng miðað við hvað gengur og gerist í dag, heil 15 lög. Þetta voru í heildina margir klukkutímar af upptökum.Guðmundur Óskar, Sigríður og Viktor í stúdíóinu að vinna að gerð nýju plötunnar. Hún kemur út á næstu misserum.Einar Óskar SigurðssonHögni segir það algengara í dag að tónlistarfólk gefi út eitt lag í einu, líkt og að það haldi að fólki hafi mögulega ekki næga athygli fyrir heila plötu. „Það viðhorf finnst mér hálfgerð synd. Að nálgast tónlist á þann hátt frekar en að geta skapað í það form sem hún kallar á. Það er ekki gott fyrir tónlistarmann að þurfa að upplifa sig sem einhvers konar vöru, eins og list sé neysla. List er ekki neysla. Listin er það sem við trúum á, vísbending að sálinni. Við erum ekki að búa til vöru, við erum að búa til sögu,“ segir Högni Nýja platan kemur út á geisladisk og vínyl. „Ég lít einhvern veginn á plötu sem heila hugsun. Platan spannar ákveðið tímabil hjá okkur sem skapandi einstaklingum. Eitthvað sem við búum til í sameiningu og útkoman sýnir svo dýnamíkina. Tónlistin er afsprengi okkar sambands sem manneskja. Tónarnir eru andrúmsloftið okkar.“Lagið Love from 99 kemur út á öllum helstu steymisveitum í dag.Högni segir hljómsveitina kynna til leiks ákveðinn heim á nýju plötunni en mikil leynd hvílir yfir heiti hennar. „Titillinn á eftir að koma. Hann sveimar þarna einhvers staðar fyrir ofan, en einhverra hluta vegna finnst okkur eins og það séu úlfar í eftirför, vitum ekki af hverju en þeir fylgja okkur.” Högni segir nýja lagið gleðilegt og þeirra poppaðasta til þessa. „Það fjallar um strák sem horfir til baka til æskuástar og minnist táningsdrauma. En þetta er fyrst og fremst lag til að hlusta á og drekka ódýrt Chardonnay á meðan,“ segir Högni að lokum. Nýja lagið, Love from 99, er hægt að nálgast á öllum helstu streymisveitum. Miða á tónleikana í Hörpu er svo hægt að nálgast á harpa.is/hjaltalin. Birtist í Fréttablaðinu Menning Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira
Hljómsveitin Hjaltalín er að vakna af dvala og gefur úr nýtt lag í dag, en það heitir Love from 99. Högni Egilsson, annar söngvara sveitarinnar, segir lagið vera um æskuástir. Hljómsveitin stendur einnig fyrir tónleikum í Hörpu þann 7. september, en þeir verða stærstu tónleikar sveitarinnar til þessa og öllu verður tjaldað til. Síðasta plata sveitarinnar, Enter 4, kom út 2012. Högni segir ferlið við gerð þeirrar plötu hafa tekið á tilfinningalega, persónulega og tónlistarlega. Í kjölfarið lagðist hljómsveitin tímabundið í dvala á meðan meðlimirnir sinntu öðrum verkefnum. „Við erum smá að púsla bandinu aftur saman. Við höfum þannig tengingu okkar á milli að það var alltaf ljóst að við myndum spila aftur saman. Okkur líður eins og fjölskyldu og erum tengd slíkum tryggðaböndum að það var aldrei vafamál að við myndum taka upp þráðinn að nýju. Ég var fyrst mikið að spila með GusGus og að gera mitt sólóverkefni og hinir meðlimirnir líka með nóg á sinni könnu,“ segir Högni. Hann segir að þau séu í raun að koma með efnið upp á yfirborðið því nýja platan hefur verið fimm ár í vinnslu með hléum. „Þessa plötu unnum við í lotum og komum saman öðru hvoru. Platan er nokkuð löng miðað við hvað gengur og gerist í dag, heil 15 lög. Þetta voru í heildina margir klukkutímar af upptökum.Guðmundur Óskar, Sigríður og Viktor í stúdíóinu að vinna að gerð nýju plötunnar. Hún kemur út á næstu misserum.Einar Óskar SigurðssonHögni segir það algengara í dag að tónlistarfólk gefi út eitt lag í einu, líkt og að það haldi að fólki hafi mögulega ekki næga athygli fyrir heila plötu. „Það viðhorf finnst mér hálfgerð synd. Að nálgast tónlist á þann hátt frekar en að geta skapað í það form sem hún kallar á. Það er ekki gott fyrir tónlistarmann að þurfa að upplifa sig sem einhvers konar vöru, eins og list sé neysla. List er ekki neysla. Listin er það sem við trúum á, vísbending að sálinni. Við erum ekki að búa til vöru, við erum að búa til sögu,“ segir Högni Nýja platan kemur út á geisladisk og vínyl. „Ég lít einhvern veginn á plötu sem heila hugsun. Platan spannar ákveðið tímabil hjá okkur sem skapandi einstaklingum. Eitthvað sem við búum til í sameiningu og útkoman sýnir svo dýnamíkina. Tónlistin er afsprengi okkar sambands sem manneskja. Tónarnir eru andrúmsloftið okkar.“Lagið Love from 99 kemur út á öllum helstu steymisveitum í dag.Högni segir hljómsveitina kynna til leiks ákveðinn heim á nýju plötunni en mikil leynd hvílir yfir heiti hennar. „Titillinn á eftir að koma. Hann sveimar þarna einhvers staðar fyrir ofan, en einhverra hluta vegna finnst okkur eins og það séu úlfar í eftirför, vitum ekki af hverju en þeir fylgja okkur.” Högni segir nýja lagið gleðilegt og þeirra poppaðasta til þessa. „Það fjallar um strák sem horfir til baka til æskuástar og minnist táningsdrauma. En þetta er fyrst og fremst lag til að hlusta á og drekka ódýrt Chardonnay á meðan,“ segir Högni að lokum. Nýja lagið, Love from 99, er hægt að nálgast á öllum helstu streymisveitum. Miða á tónleikana í Hörpu er svo hægt að nálgast á harpa.is/hjaltalin.
Birtist í Fréttablaðinu Menning Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira