Héraðið tekur þátt á Toronto kvikmyndahátíðinni Sylvía Hall skrifar 13. ágúst 2019 14:45 Arndís Hrönn Egilsdóttir og Sigurður Sigurjónsson í hlutverkum sínum. Héraðið Kvikmynd Gríms Hákonarsonar, Héraðið, hefur verið valin til þátttöku á alþjóðlegu kvikmyndahátíðinni í Toronto sem hefst þann 5. september. Hátíðin er meðal virtustu kvikmyndahátíða í heiminum. Alþjóðleg frumsýning myndarinnar verður því á hátíðinni en hún verður frumsýnd hér á landi þann 14. ágúst. Myndin mun taka þátt í Contemporary World Cinema hluta hátíðarinnar og segir leikstjóri myndarinnar það vera mikinn heiður að fá að frumsýna myndina á alþjóðavettvangi á hátíðinni. „Þetta er ein af þessum stærri hátíðum og einhverjar þúsundir mynda sem sækja um að komast inn þannig að það er alltaf ákveðinn gæðastimpill að ná að frumsýna þarna. Svo opnar þetta líka möguleika fyrir frekari dreifingu og sölu á myndinni.” segir Grímur. Með í för á hátíðinni verður aðalleikkona myndarinnar, Arndís Hrönn Egilsdóttir, sem og framleiðandinn Grímar Jónsson og aðrir aðstandendur myndarinnar. Myndin hefur nú þegar verið seld til þrjátíu landa og segir Grímur aðalmarkmiðið vera að selja hana til Bandaríkjanna. Þar muni Toronto-hátíðin koma sterk inn. „Svo er maður auðvitað spenntur að sýna hana í fyrsta skipti á erlendri grundu. Ég var koma frá Búðardal þar sem við sýndum myndina fyrir fullu húsi a sunnudagskvöldið. Stemmningin var mjög góð í salnum og það var hlegið mun meira en ég bjóst við. Svo er frumsýning í Háskólabíói í kvöld og á morgun fer hún í almennar sýningar.“ Héraðið gerist í litlu samfélagi og segir sögu Ingu, miðaldra kúabónda, sem gerir uppreisn gegn kaupfélaginu á staðnum. Hún reynir að fá aðra bændur í lið með sér en það gengur erfiðlega þar sem kaupfélagið hefur sterk ítök í sveitinni. Með helstu hlutverk í myndinni fara þau Arndís Hrönn Egilsdóttir, Sveinn Ólafur Gunnarsson, Sigurður Sigurjónsson, Hinrik Ólafsson, Hannes Óli Ágústsson og Edda Björg Eyjólfsdóttir. Hér að neðan má sjá sýnishorn úr Héraðinu. Bíó og sjónvarp Kanada Menning Mest lesið „Ég ætla ekki að þegja lengur“ Lífið Anna Lilja nældi sér í fjárfesti Lífið Íslenskar stjörnur flykkjast í sólina Lífið Ramsay snæddi á Nebraska og lenti í árekstri á Edition Lífið Gagnrýnir varaforsetaefni Trump fyrir ummæli um barnlausar konur Lífið Stikla fyrir nýja íslenska grínþætti: „Þetta er ógeðslega fyndið“ Lífið Borðar ekkert nema kjöt, egg og smjör Lífið „Smávægileg martröð“ að vinna fyrir Olsen systurnar Lífið Græðgi meðleikonu hafi skemmt endurkomuna Lífið Chalamet syngur sem Bob Dylan í nýrri stiklu Lífið Fleiri fréttir „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira
Kvikmynd Gríms Hákonarsonar, Héraðið, hefur verið valin til þátttöku á alþjóðlegu kvikmyndahátíðinni í Toronto sem hefst þann 5. september. Hátíðin er meðal virtustu kvikmyndahátíða í heiminum. Alþjóðleg frumsýning myndarinnar verður því á hátíðinni en hún verður frumsýnd hér á landi þann 14. ágúst. Myndin mun taka þátt í Contemporary World Cinema hluta hátíðarinnar og segir leikstjóri myndarinnar það vera mikinn heiður að fá að frumsýna myndina á alþjóðavettvangi á hátíðinni. „Þetta er ein af þessum stærri hátíðum og einhverjar þúsundir mynda sem sækja um að komast inn þannig að það er alltaf ákveðinn gæðastimpill að ná að frumsýna þarna. Svo opnar þetta líka möguleika fyrir frekari dreifingu og sölu á myndinni.” segir Grímur. Með í för á hátíðinni verður aðalleikkona myndarinnar, Arndís Hrönn Egilsdóttir, sem og framleiðandinn Grímar Jónsson og aðrir aðstandendur myndarinnar. Myndin hefur nú þegar verið seld til þrjátíu landa og segir Grímur aðalmarkmiðið vera að selja hana til Bandaríkjanna. Þar muni Toronto-hátíðin koma sterk inn. „Svo er maður auðvitað spenntur að sýna hana í fyrsta skipti á erlendri grundu. Ég var koma frá Búðardal þar sem við sýndum myndina fyrir fullu húsi a sunnudagskvöldið. Stemmningin var mjög góð í salnum og það var hlegið mun meira en ég bjóst við. Svo er frumsýning í Háskólabíói í kvöld og á morgun fer hún í almennar sýningar.“ Héraðið gerist í litlu samfélagi og segir sögu Ingu, miðaldra kúabónda, sem gerir uppreisn gegn kaupfélaginu á staðnum. Hún reynir að fá aðra bændur í lið með sér en það gengur erfiðlega þar sem kaupfélagið hefur sterk ítök í sveitinni. Með helstu hlutverk í myndinni fara þau Arndís Hrönn Egilsdóttir, Sveinn Ólafur Gunnarsson, Sigurður Sigurjónsson, Hinrik Ólafsson, Hannes Óli Ágústsson og Edda Björg Eyjólfsdóttir. Hér að neðan má sjá sýnishorn úr Héraðinu.
Bíó og sjónvarp Kanada Menning Mest lesið „Ég ætla ekki að þegja lengur“ Lífið Anna Lilja nældi sér í fjárfesti Lífið Íslenskar stjörnur flykkjast í sólina Lífið Ramsay snæddi á Nebraska og lenti í árekstri á Edition Lífið Gagnrýnir varaforsetaefni Trump fyrir ummæli um barnlausar konur Lífið Stikla fyrir nýja íslenska grínþætti: „Þetta er ógeðslega fyndið“ Lífið Borðar ekkert nema kjöt, egg og smjör Lífið „Smávægileg martröð“ að vinna fyrir Olsen systurnar Lífið Græðgi meðleikonu hafi skemmt endurkomuna Lífið Chalamet syngur sem Bob Dylan í nýrri stiklu Lífið Fleiri fréttir „Það er frábært bíóveður“ Íslendingar tilnefndir til Emmy-verðlauna Tobey Maguire er á landinu Fyrsta stiklan úr Gladiator II Jon Landau er látinn Brad Pitt í mynd um Formúlu 1 í framleiðslu Hamilton Donald Sutherland er látinn Heimaleikurinn vann til verðlauna í Ástralíu „Gaman hvað verið er að tala fallega um samstarfsfólkið mitt“ Tengdasonur Íslands trúðaði Simon Cowell upp úr skónum Gerard Butler á klakanum í enn eitt skiptið Íslenskur hryllingstryllir á Vestfjörðum vekur athygli í Tribeca Eltihrellirinn höfðar mál gegn Netflix Þýskur risi í samstarf við ACT4 um gerð Stóra Bróður Sjá meira