Matvælastofnun varar við neyslu á kjúklingum merktum vörumerkjum Holta, Kjörfugls eða Krónunnar með rekjanleikanúmerunum 003-19-31-201 og 001-19-31-302. Fyrirtækið Reykjagarður ehf. hefur stöðvað dreifingu og hafið innköllun eftir greiningu salmonellu í tveimur sláturhópum í innra eftirliti fyrirtækisins.
Svo segir í tilkynningu frá Matvælastofnun.
Innköllunin á eingöngu við um eftirfarandi framleiðslulotur:
Vöruheiti: Holta, Kjörfugl eða Krónan
Rekjanleikanúmer: 003-19-31-201 og 001-19-31-302
Dreifing: Birtur verður dreifingarlisti um leið og hann berst Matvælastofnun
Neytendur sem hafa keypt kjúklinga með þessu rekjanleikanúmeri eru beðnir um að skila vörunni í viðkomandi verslun eða beint til Reykjagarðs að Fosshálsi 1, 110 Reykjavík.
Tekið er fram að ef áprentuðum leiðbeiningum á umbúðum er fylgt og kjúklingurinn steiktur í gegn þá sé hann hættulaus neytendum. Tryggja þurfi að blóðvökvi komist ekki í aðra matvöru.
Ekki liggur fyrir grunur um að aðrar afurðir hjá Reykjagarði séu mengaðar af salmonellu.
