
Arinbjörn segist aldrei hafa séð annað eins innan lögreglunnar

Að undanförnu hefur mikið verið fjallað um óánægju með Harald Johannessen ríkislögreglustjóra en landssamband lögreglumanna og nokkur félög innan þess hafa greint frá mikilli óánægju með nokkra þætti í rekstri embættisins meðal annars í bíla- og fatamálum. Leggja á niður bílamiðstöð ríkislögreglustjóra um áramótin og stendur til að ríkisendurskoðun geri stjórnsýsluúttekt á embætti ríkislögreglustjóra.Þá hefur því verið haldið fram að Haraldur gangi fram með ógnar- og óttastjórnun.
Fréttastofa hefur ítrekað reynt að fá Harald í viðtal vegna málsins sem hann hefur ekki gefið kost á. Hann er þó í viðtali í Morgunblaðinu í dag þar sem hann segir að markvisst sé reynt að hrekja sig úr embætti. Til þess sé farið fram með rógburð og ósannindi þar sem lögreglumenn kunni ekki að meta þegar tekið sé á þeirra málum hjá embættinu. Arinbjörn Snorrason er formaður Lögreglufélags Reykjavíkur segir í viðtali við fréttastofu Vísis að hann hafi aldrei vitað um aðra eins hegðun innan embættisins: „þá hef ég, og ég hef nú starfað í lögreglunni í þó nokkur ár, aldrei nokkurn tíma séð annað eins. Framkoma viðkomandi er náttúrulega honum langt í frá til framdráttar.“
Sjá einnig: Ríkislögreglustjóri og dómsmálaráðherra funda í næstu viku
Sjá einnig: Haraldur ríkislögreglustjóri: Það líðst engin spilling
Þá segir Haraldur í viðtalinu að ef til starfsloka kemur muni það kalla á enn ítarlegri umfjöllun af hans hálfu um valdabaráttuna á bak við tjöldin. „Þetta eru bara óbeinar hótanir, „ef að ég fell þá tek ég fleiri með mér í fallinu.“ Síðan er hann að segja að það sé þarna hópur lögreglumanna innan hans embættis sem hann talar niður til á mjög ósvífinn og niðrandi hátt,“ segir Arinbjörn.
Þá segir Haraldur að sagðar séu sögur af honum persónulega, sögur sem séu búnar til og hans nánustu samstarfsmenn kannist ekki við. Sögurnar komi frá fólki sem hann hafi þurft að taka á, oft á tíðum.
„Ég held að þetta endurspegli bara það sem lögreglumenn hafa verið að segja, þetta eru hans viðbrögð við því þegar að menn hafa leitað til hans eða komið fram með athugasemdir, þá eru þetta viðbrögðin. Það að svona hátt settur maður í embættisgeiranum skuli koma fram með svona hluti, ég bara trúi því ekki að þessi maður geti mætt til vinnu á mánudaginn og brosað framan í samstarfsfólk sitt. Ég bara trúi því ekki,“ segir Arinbjörn Snorrason.
Tengdar fréttir

Sérsveitarmönnum bannað að beita bílum í aðgerðum
Sérsveitarmenn mega ekki nota lögreglubíla til að stöðva ökutæki samkvæmt ákvörðun sem Haraldur Jóhannessen, ríkislögreglustjóri tók fyrr á þessu ári.

Ríkislögreglustjóra skylt að innheimta 200 milljónir umfram rekstrarkostnað
Ríkislögreglustjóra er skylt að innheimta árlega um 200 milljónir króna umfram rekstrarkostnað lögreglubifreiða í ríkissjóð.

Ríkislögreglustjóri furðar sig á yfirlýsingu lögregluþjóna
Embætti ríkislögreglustjóra furðar sig á yfirlýsingu frá Landssambandi lögreglumanna, þar sem fram kom að um langt skeið hafi ríkt mikil óánægja meðal lögregluþjóna með störf yfirstjórnar ríkislögreglustjóra.

Úttekt gerð á embætti Ríkislögreglustjóra í heild sinni
Ríkisendurskoðun hefur fallist á beiðni um stjórnsýsluúttekt á embætti Ríkislögreglustjóra í heild sinni.

Segir yfirlýsingar lögreglufélaga ámælisverðar
Ríkislögreglustjóri segir að ályktanir lögreglufélaga ekki til þess fallnar að skapa frið um störf lögreglunnar og yfirlýsingar til að ala á ótta um að ágreiningur geti bitnað á endanum á öryggi almennings eru ámælisverðar.

Blöskraði ummælin og er hættur í lögreglufélaginu eftir fjóra áratugi
Ásgeir Karlsson, yfirmaður greiningardeildar Ríkislögreglustjóra, hefur ákveðið að segja sig úr Lögreglufélagi Reykjavíkur eftir að hafa verið í því í fjörutíu og eitt ár.

Vilja að Haraldur Johannessen víki á meðan úttekt fer fram
Formaður Lögreglufélags Reykjavíkur vill að Haraldur Johannessen ríkislögreglustjóri stígi til hliðar á meðan Ríkisendurskoðun gerir heildarúttekt á embættinu.