Nýtt Alzheimerlyf sem virkar á þarmana Sandra Guðrún Guðmundsdóttir skrifar 12. nóvember 2019 08:00 Sérfræðingar segja að nýja lyfið þarfnist frekari rannsókna. NORDICPHOTOS/GETTY Lyfið kallast Oligomannate og er búið til úr ákveðinni tegund brúnþörunga. Það var þróað af fyrirtækinu Shanghai Green Valley Pharmaceuticals. Lyfið er hugsað til meðferðar á fyrri stigum Alzheimersjúkdómsins samkvæmt upplýsingum frá heilsufréttasíðunni healthline.com. Erfiðlega hefur gengið að fá ný Alzheimerslyf samþykkt undanfarin ár en hátt í 150 lyf hafa verið þróuð við sjúkdómnum sem ekki hafa fengið samþykki. Það veitir því vissa von að lyfið Oligomannate hafi fengið samþykki en ýmsum spurningum er þó ósvarað. Sérfræðingar segja að ekki liggi fyrir niðurstöður úr stórum rannsóknum um virkni lyfsins. Það þurfi að rannsaka það betur. Alzheimersamtök í Bandaríkjunum mæla ekki með að lyfið sé tekið inn fyrr en það hefur staðist allar kröfur bandaríska heilbrigðiseftirlitsins. Í Kína má reikna með að lyfið standi sjúklingum til boða í lok þessa árs en þar fékk það forsamþykki í nóvember á síðasta ári. Rannsakendur þar segja niðurstöður úr nýlegri rannsókn, þar sem 818 sjúklingar tóku þátt og notaður var samanburðarhópur sem tók inn lyfleysu, vera jákvæðar. Jákvæðar niðurstöður á sjúklingum sem tóku inn Oligomannate í kínversku rannsókninni komu strax í ljós eftir fjórar vikur. Sjúklingarnir sem tóku lyfið sýndu áframhaldandi vitsmunalega bætingu út þessar 36 vikur sem rannsóknin stóð yfir. Einnig leiddi rannsóknin í ljós að sjúklingarnir fundu ekki fyrir miklum aukaverkunum. Þær aukaverkarnir sem sjúklingarnir sögðust finna fyrir voru svipaðar þeim aukaverkunum sem þeir sem tóku lyfleysu fundu fyrir.Skiptar skoðanir um lyfið Dr. Gayatri Devi, geðlæknir og taugasérfræðingur við Lenox Hill sjúkrahúsið í New York, segir að sérstaða þessa lyfs sé að það hefur ekki bein áhrif á heilann sjálfan eins og önnur lyf við Alzheimer. Hún segir að einkenni Alzheimer séu afleiðing ýmiss konar vandamála sem geta átt upptök sín á fleiri stöðum en í heilanum. Bólgur og meltingarfæri hafi margvísleg áhrif á einkenni sjúkdómsins og lyf sem hafi áhrif á meltingarfærin geti minnkað bólgur í líkamanum og þannig mögulega haft áhrif á heilastarfsemi. En lyfið hefur áhrif á bakteríur í þörmunum sem á að gera það að verkum að bólgur í heila minnka. Ýmsir sérfræðingar efast þó um gæði lyfsins og segja að þrátt fyrir að lyfið hafi verið rannsakað á fólki hafi rannsóknin ekki verið birt í læknablaði þar sem utanaðkomandi sérfræðingar rannsaka og gagnrýna hana áður en niðurstöðurnar eru birtar almenningi. Dr. Aaron Ritter, læknir og stjórnandi klínískra rannsókna við læknamiðstöð í Las Vegas sem sérhæfir sig í heilasjúkdómum, bendir á að niðurstöður rannsóknarinnar sýni að ávinningur af notkun lyfsins sé svipaður og af öðrum lyfjum sem nú þegar eru í notkun samkvæmt upplýsingum frá læknasíðunni webmd.com. Hann segir að þó það sé vissulega áhugaverð hugmynd að hægt sé að lækna heilasjúkdóma með því að breyta þarmabakteríum þurfi mun fleiri rannsóknir til að sanna að lyfið hafi raunveruleg áhrif á Alzheimer Margir læknar hafa látið í ljós efasemdir um raunverulega virkni lyfsins þar sem rannsóknin sem framkvæmd var í Kína sýnir árangur á ótrúlega skömmum tíma. Derek Lowe hefur rannsakað ný lyf og heldur úti bloggi um efnið. Hann bendir á að Alzheimersjúkdómurinn sé þess eðlis að fólk búist ekki við svona snöggum framförum. Hann minnir á að áður hafi verið reynt að búa til lyf sem hafi áhrif á bólgur í taugum sem meðferð við Alzheimer án árangurs. Birtist í Fréttablaðinu Heilbrigðismál Lyf Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Google leiðin: Fjögur atvinnuviðtöl yfirdrifið nóg Atvinnulíf Verðstríð að hefjast á matvörumarkaði Neytendur Ummæli Trump vekja áhyggjur af sjálfstæði seðlabanka Viðskipti erlent Telja minni líkur á samdrætti í ferðaþjónustu með aukinni kortaveltu Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira
Lyfið kallast Oligomannate og er búið til úr ákveðinni tegund brúnþörunga. Það var þróað af fyrirtækinu Shanghai Green Valley Pharmaceuticals. Lyfið er hugsað til meðferðar á fyrri stigum Alzheimersjúkdómsins samkvæmt upplýsingum frá heilsufréttasíðunni healthline.com. Erfiðlega hefur gengið að fá ný Alzheimerslyf samþykkt undanfarin ár en hátt í 150 lyf hafa verið þróuð við sjúkdómnum sem ekki hafa fengið samþykki. Það veitir því vissa von að lyfið Oligomannate hafi fengið samþykki en ýmsum spurningum er þó ósvarað. Sérfræðingar segja að ekki liggi fyrir niðurstöður úr stórum rannsóknum um virkni lyfsins. Það þurfi að rannsaka það betur. Alzheimersamtök í Bandaríkjunum mæla ekki með að lyfið sé tekið inn fyrr en það hefur staðist allar kröfur bandaríska heilbrigðiseftirlitsins. Í Kína má reikna með að lyfið standi sjúklingum til boða í lok þessa árs en þar fékk það forsamþykki í nóvember á síðasta ári. Rannsakendur þar segja niðurstöður úr nýlegri rannsókn, þar sem 818 sjúklingar tóku þátt og notaður var samanburðarhópur sem tók inn lyfleysu, vera jákvæðar. Jákvæðar niðurstöður á sjúklingum sem tóku inn Oligomannate í kínversku rannsókninni komu strax í ljós eftir fjórar vikur. Sjúklingarnir sem tóku lyfið sýndu áframhaldandi vitsmunalega bætingu út þessar 36 vikur sem rannsóknin stóð yfir. Einnig leiddi rannsóknin í ljós að sjúklingarnir fundu ekki fyrir miklum aukaverkunum. Þær aukaverkarnir sem sjúklingarnir sögðust finna fyrir voru svipaðar þeim aukaverkunum sem þeir sem tóku lyfleysu fundu fyrir.Skiptar skoðanir um lyfið Dr. Gayatri Devi, geðlæknir og taugasérfræðingur við Lenox Hill sjúkrahúsið í New York, segir að sérstaða þessa lyfs sé að það hefur ekki bein áhrif á heilann sjálfan eins og önnur lyf við Alzheimer. Hún segir að einkenni Alzheimer séu afleiðing ýmiss konar vandamála sem geta átt upptök sín á fleiri stöðum en í heilanum. Bólgur og meltingarfæri hafi margvísleg áhrif á einkenni sjúkdómsins og lyf sem hafi áhrif á meltingarfærin geti minnkað bólgur í líkamanum og þannig mögulega haft áhrif á heilastarfsemi. En lyfið hefur áhrif á bakteríur í þörmunum sem á að gera það að verkum að bólgur í heila minnka. Ýmsir sérfræðingar efast þó um gæði lyfsins og segja að þrátt fyrir að lyfið hafi verið rannsakað á fólki hafi rannsóknin ekki verið birt í læknablaði þar sem utanaðkomandi sérfræðingar rannsaka og gagnrýna hana áður en niðurstöðurnar eru birtar almenningi. Dr. Aaron Ritter, læknir og stjórnandi klínískra rannsókna við læknamiðstöð í Las Vegas sem sérhæfir sig í heilasjúkdómum, bendir á að niðurstöður rannsóknarinnar sýni að ávinningur af notkun lyfsins sé svipaður og af öðrum lyfjum sem nú þegar eru í notkun samkvæmt upplýsingum frá læknasíðunni webmd.com. Hann segir að þó það sé vissulega áhugaverð hugmynd að hægt sé að lækna heilasjúkdóma með því að breyta þarmabakteríum þurfi mun fleiri rannsóknir til að sanna að lyfið hafi raunveruleg áhrif á Alzheimer Margir læknar hafa látið í ljós efasemdir um raunverulega virkni lyfsins þar sem rannsóknin sem framkvæmd var í Kína sýnir árangur á ótrúlega skömmum tíma. Derek Lowe hefur rannsakað ný lyf og heldur úti bloggi um efnið. Hann bendir á að Alzheimersjúkdómurinn sé þess eðlis að fólk búist ekki við svona snöggum framförum. Hann minnir á að áður hafi verið reynt að búa til lyf sem hafi áhrif á bólgur í taugum sem meðferð við Alzheimer án árangurs.
Birtist í Fréttablaðinu Heilbrigðismál Lyf Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Susan Wojcicki er látin Viðskipti erlent Google leiðin: Fjögur atvinnuviðtöl yfirdrifið nóg Atvinnulíf Verðstríð að hefjast á matvörumarkaði Neytendur Ummæli Trump vekja áhyggjur af sjálfstæði seðlabanka Viðskipti erlent Telja minni líkur á samdrætti í ferðaþjónustu með aukinni kortaveltu Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Tónleikastöðum fækkar: „Þetta er bara sorgleg þróun“ Viðskipti innlent Fleiri fréttir Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Stærstu fyrirtækin orðið af 747 milljörðum Taylor Swift talin valda verðbólgu í Bretlandi Flytur fyrirtækin vegna löggjafar um trans börn Boeing samþykkir að játa sök og greiða 34 milljarða sekt Sjá meira