Skiptum er lokið í þrotabúi Ingunnarstaða ehf í Reykhólahreppi en félagið var úrskurðað gjaldþrota í maí 2014. Lýstar kröfur í búið námu 171 milljón króna og voru kröfur upp á 163 milljónir króna samþykktar.
Forgangskröfur að fjárhæð 118 milljónum króna voru samþykktar og fengust að fullu greiddar. Þá fengust átján milljónir króna til viðbótar greiddar í almennar kröfur. Alls voru því 136 milljónir króna greiddar úr búinu eða 83% af samþykktum kröfum.
Daníel Jónsson, bóndi á Ingunnarstöðum, stóð um árabil í deilum við Landsbankann vegna jarðarinnar.
171 milljóna króna gjaldþrot Ingunnarstaða ehf
Tengdar fréttir
Daníel bóndi ekki borinn út
Héraðsdómur Vestfjarða hefur hafnað kröfu dótturfélags Landsbankans um að Daníel Jónsson, bóndi á Ingunnarstöðum í Reykhólahreppi, verði borinn út af jörðinni.
Bóndi reiður og sár út í Bændasamtökin
Daníel bóndi rak upp stór augu þegar hann sá að Bændasamtökin styrkja það sem þeim sýnist, því þar hefur hann ávallt komið að lokuðum dyrum.
