Rússneskur málaliði myndaði aðra pynta, myrða, afhöfða og brenna fanga Samúel Karl Ólason skrifar 22. nóvember 2019 15:30 Skjáskot úr myndbandinu. Rússneskumælandi maður sem myndaði pyntingu og morð sýrlensks fanga er starfsmaður rússneska málaliðafyrirtækisins Wagner Group og Wagner PMC, sem tengist ríkisstjórn Rússlands. Málaliðarnir hafa verið kallaðir skuggaher Rússlands en umsvif fyrirtækisins hafa aukist verulega í Mið-Austurlöndum og Afríku á undanförnum árum. Talið er að myndbandið hafi verið tekið upp árið 2017 í Homs í Sýrlandi. Það sýnir hóp grímuklæddra rússneskumælandi manna berja fanga með ítrekað með stórri sleggju. Að endingu skera þeir af honum höfuðið og hendurnar, hengja líkið upp á hvolfi, stilla sér upp fyrir mynd með því og brenna það. Á meðan á þessu stendur má heyra mennina hlæja og virðast þeir ölvaðir. Þegar einn þeirra er að skera höfuðið af fanganum með hnífi eru hinir að kalla á hann og segja honum að drífa sig. Aðrir ráðleggja honum hvernig best sé að komast í gegnum mænuna. Á meðan líkið brennur heyrast mennirnir grínast með grillveislur og rif. Rússneska dagblaðið Novaya Gazeta hefur borið kennsl á manninn og heitir hann Stanislav D. Blaðamenn hafa ekki birt fullt nafn hans til að verja fjölskyldu hans. Hann er fyrrverandi lögregluþjónn og bjó í suðurhluta Rússlands. Hann skrifaði árið 2016 þegar hann gekk til liðs við Wagner að hann gerði það til að „vernda hagsmuni Rússlands erlendis“. Í umfjöllun Novaya Gazeta segir að svo virðist sem að annað mannshöfuð liggi á jörðinni nærri fanganum umrædda.Sjá einnig: Vopnaðir menn sátu fyrir bíl rússneskra blaðamannaRússneski miðillinn segir fangann hafa heitið Mohammed Taha Ismail Al-Abdullah. Hann hafi fæðist árið 1986 en flúið Sýrland einhvern tímann eftir að borgarastyrjöldin hófst þar. Hann er þó sagður hafa snúið aftur árið 2017 og var hann kallaður í stjórnarher Sýrlands. Hann mun þó hafa gerst liðhlaupi en var gómaður.Birt í lokuðum hópi starfsmanna Wagner Samkvæmt frétt Guardian hafa bútar myndbandsins verið birtir á netinu frá 2017 en myndbandið í heild var birt í síðustu viku. Það var gert á lokuðum hópi fyrir starfsmenn Wagner á rússneska samfélagsmiðlinum VKontakte. Allir mennirnir á myndbandinu, nema einn, voru grímuklæddir en undir lok þess heyrist einn segja: „Hyljið andlit ykkar … eða, það skiptir ekki máli, því þetta myndband verður hvort eð er aldrei birt.“ Blaðamenn Novaya höfðu samband við eiginkonu mannsins sem þeir segja að hafi tekið myndbandið og sendu henni skjáskot af honum og spurðu hvort hún gæti staðfest að þetta væri eiginmaður hennar. Klukkustund eftir að hún sá skilaboðin svaraði hún og sagði það ekki rétt. Skömmu seinna lokaði hún síðu sinni. Dmitry Peskov, talsmaður Vladimir Pútín, forseta Rússlands, segir málið ekki koma rússneskum hermönnum við á nokkurn hátt. Wagner PMC var stofnað af Dmitry Utkin, fyrrverandi sérsveitarmanni innan leyniþjónustu rússneska hersins GRU. Auðjöfurinn Yevgeniy Viktorovich Prigozhin, sem kallaður er „Kokkur“ Vladimir Pútín, forseta Rússlands, er einn þeirra sem fjármagnar Wagner PMC. Hann er einnig sagður fjármagna rekstur Internet Research Agency sem er gjarnan þekkt sem tröllaverksmiðja Rússlands.Sjá einnig: Upplýsingahernaður háður úr „Tröllaverksmiðju“ í PétursborgBandaríkin hafa beitt bæði Wagner og Prigozhin viðskiptaþvingunum vegna aðkomu Rússa að átökunum í Úkraínu. Málaliðar Wagner hafa komið að átökum í Sýrlandi, Úkraínu og víða í Afríku. Prigozhin er veitingamaður sem fæddist í Pétursborg og ólst þar upp. Samkvæmt umfjöllun Washington Post sat hann í fangelsi í níu ár fyrir rán, svik og vændi og slapp hann úr fangelsi árið 1990. Á tíunda áratug síðustu aldar opnaði hann veitingastaði í Pétursborg og þar á meðal veitingastaðinn New Island Reustaurant, sem er á báti. Þar hefur Vladimir Pútín snætt með erlendum erindrekum og stjórnmálamönnum eins og Jacques Chirac, fyrrverandi forseta Frakklands, og George W. Bush, fyrrverandi forseta Bandaríkjanna. Minnst einu sinni hefur Pútín haldið upp á afmæli sitt á veitingastaðnum.Fjármagnaður af ríkinu Í gegnum árin hefur Prigozhin gert umfangsmikla samninga við rússneska ríkið og fæðir hann skólabörn í Moskvu og jafnvel rússneska hermenn. Frá árinu 2012 er talið að Prigozhin hafi gert samninga við ríkið sem verðmetnir eru á minnst 3,1 milljarð dala. Þá hafa einnig borist fregnir af því að Prigozhin sé áhrifamikill í olíuiðnaði Rússland og hann hafi jafnvel fengið prósentu af olíuhagnaði Sýrlands í stað þess að starfsmenn eins fyrirtækis hans hafi verndað olíulindir landsins. Rússland Sýrland Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira
Rússneskumælandi maður sem myndaði pyntingu og morð sýrlensks fanga er starfsmaður rússneska málaliðafyrirtækisins Wagner Group og Wagner PMC, sem tengist ríkisstjórn Rússlands. Málaliðarnir hafa verið kallaðir skuggaher Rússlands en umsvif fyrirtækisins hafa aukist verulega í Mið-Austurlöndum og Afríku á undanförnum árum. Talið er að myndbandið hafi verið tekið upp árið 2017 í Homs í Sýrlandi. Það sýnir hóp grímuklæddra rússneskumælandi manna berja fanga með ítrekað með stórri sleggju. Að endingu skera þeir af honum höfuðið og hendurnar, hengja líkið upp á hvolfi, stilla sér upp fyrir mynd með því og brenna það. Á meðan á þessu stendur má heyra mennina hlæja og virðast þeir ölvaðir. Þegar einn þeirra er að skera höfuðið af fanganum með hnífi eru hinir að kalla á hann og segja honum að drífa sig. Aðrir ráðleggja honum hvernig best sé að komast í gegnum mænuna. Á meðan líkið brennur heyrast mennirnir grínast með grillveislur og rif. Rússneska dagblaðið Novaya Gazeta hefur borið kennsl á manninn og heitir hann Stanislav D. Blaðamenn hafa ekki birt fullt nafn hans til að verja fjölskyldu hans. Hann er fyrrverandi lögregluþjónn og bjó í suðurhluta Rússlands. Hann skrifaði árið 2016 þegar hann gekk til liðs við Wagner að hann gerði það til að „vernda hagsmuni Rússlands erlendis“. Í umfjöllun Novaya Gazeta segir að svo virðist sem að annað mannshöfuð liggi á jörðinni nærri fanganum umrædda.Sjá einnig: Vopnaðir menn sátu fyrir bíl rússneskra blaðamannaRússneski miðillinn segir fangann hafa heitið Mohammed Taha Ismail Al-Abdullah. Hann hafi fæðist árið 1986 en flúið Sýrland einhvern tímann eftir að borgarastyrjöldin hófst þar. Hann er þó sagður hafa snúið aftur árið 2017 og var hann kallaður í stjórnarher Sýrlands. Hann mun þó hafa gerst liðhlaupi en var gómaður.Birt í lokuðum hópi starfsmanna Wagner Samkvæmt frétt Guardian hafa bútar myndbandsins verið birtir á netinu frá 2017 en myndbandið í heild var birt í síðustu viku. Það var gert á lokuðum hópi fyrir starfsmenn Wagner á rússneska samfélagsmiðlinum VKontakte. Allir mennirnir á myndbandinu, nema einn, voru grímuklæddir en undir lok þess heyrist einn segja: „Hyljið andlit ykkar … eða, það skiptir ekki máli, því þetta myndband verður hvort eð er aldrei birt.“ Blaðamenn Novaya höfðu samband við eiginkonu mannsins sem þeir segja að hafi tekið myndbandið og sendu henni skjáskot af honum og spurðu hvort hún gæti staðfest að þetta væri eiginmaður hennar. Klukkustund eftir að hún sá skilaboðin svaraði hún og sagði það ekki rétt. Skömmu seinna lokaði hún síðu sinni. Dmitry Peskov, talsmaður Vladimir Pútín, forseta Rússlands, segir málið ekki koma rússneskum hermönnum við á nokkurn hátt. Wagner PMC var stofnað af Dmitry Utkin, fyrrverandi sérsveitarmanni innan leyniþjónustu rússneska hersins GRU. Auðjöfurinn Yevgeniy Viktorovich Prigozhin, sem kallaður er „Kokkur“ Vladimir Pútín, forseta Rússlands, er einn þeirra sem fjármagnar Wagner PMC. Hann er einnig sagður fjármagna rekstur Internet Research Agency sem er gjarnan þekkt sem tröllaverksmiðja Rússlands.Sjá einnig: Upplýsingahernaður háður úr „Tröllaverksmiðju“ í PétursborgBandaríkin hafa beitt bæði Wagner og Prigozhin viðskiptaþvingunum vegna aðkomu Rússa að átökunum í Úkraínu. Málaliðar Wagner hafa komið að átökum í Sýrlandi, Úkraínu og víða í Afríku. Prigozhin er veitingamaður sem fæddist í Pétursborg og ólst þar upp. Samkvæmt umfjöllun Washington Post sat hann í fangelsi í níu ár fyrir rán, svik og vændi og slapp hann úr fangelsi árið 1990. Á tíunda áratug síðustu aldar opnaði hann veitingastaði í Pétursborg og þar á meðal veitingastaðinn New Island Reustaurant, sem er á báti. Þar hefur Vladimir Pútín snætt með erlendum erindrekum og stjórnmálamönnum eins og Jacques Chirac, fyrrverandi forseta Frakklands, og George W. Bush, fyrrverandi forseta Bandaríkjanna. Minnst einu sinni hefur Pútín haldið upp á afmæli sitt á veitingastaðnum.Fjármagnaður af ríkinu Í gegnum árin hefur Prigozhin gert umfangsmikla samninga við rússneska ríkið og fæðir hann skólabörn í Moskvu og jafnvel rússneska hermenn. Frá árinu 2012 er talið að Prigozhin hafi gert samninga við ríkið sem verðmetnir eru á minnst 3,1 milljarð dala. Þá hafa einnig borist fregnir af því að Prigozhin sé áhrifamikill í olíuiðnaði Rússland og hann hafi jafnvel fengið prósentu af olíuhagnaði Sýrlands í stað þess að starfsmenn eins fyrirtækis hans hafi verndað olíulindir landsins.
Rússland Sýrland Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Öflugur skjálfti í Bárðarbungu Innlent „Ég veit ekki hvort að ég sé sammála um að rokið sé auðlind“ Innlent „Þetta var bara okkar líf og nú er það farið“ Innlent Sagði Pétri Jökli að skipta um síma í snarheitum Innlent Láglaunakonur neiti sér um mat svo að börn þeirra fái að borða Innlent Skotvopnaleyfi afturkallað og byssa gerð upptæk Innlent Sérsveitin aðstoðaði vegna hnífaburðar í Vesturbæ Innlent Kerlingadráttur í 120 ára afmælisveislu í Borgarnesi Innlent Fleiri fréttir Trump gerði lítið úr æðstu heiðursorðu bandarískra hermanna Rússar saka Nató og Vesturlönd um aðild að áhlaupi Úkraínumanna Landtökumenn á Vesturbakkanum kveiktu í húsum og bifreiðum Dóttir Thaksin verður yngsti forsætisráðherra Taílands Apabóla greinist í Svíþjóð Úkraínumenn hafa náð valdi yfir Súdsja Gæsluvarðhald yfir Paul Watson framlengt Tólf ára fangelsi fyrir að styrkja Úkraínu um þúsundkalla Sagðir hafa lagt á ráðin um skemmdarverkin á Nord Stream í ölæði Óttast aukna útbreiðslu sýklalyfjaónæmra lekandabaktería Gena Rowlands er látin Neyðarástandi lýst yfir vegna apabólu í hluta Afríku Rannsaka innbrot og mögulega vatnsmengun á herstöð í Þýskalandi Nýfæddir tvíburar létust í sprengjuárás á meðan faðirinn brá sér frá Úkraínumenn halda sókn sinni handan landamæranna áfram Fjögurra daga gamlir tvíburar drepnir í árás Ísraela Segja sjónvarpsáskrift koma í veg fyrir lögsókn vegna dauðsfalls SÞ fordæma ógegnsæi í kosningunum í Venesúela Erlendir þrjótar reyna að brjótast inn til Harris og Trump „Hélt ég væri að fara að drepast. Þú heyrir i sprengjunni koma“ Forsætisráðherra Japan sækist ekki eftir endurkjöri Handtökuskipun gefin út vegna Nord Stream skemmdarverkanna Hamas segjast ekki munu senda fulltrúa til viðræðna á morgun Hafa ekki í hyggju að halda Kúrsk Tugir þúsunda létust af völdum hita í Evrópu Mannréttindastjóri gagnrýnir óhóflega beitingu valds í Venesúela Gera sér ekki mat úr lekanum úr framboði Trump Netanyahu og Gallant í hár saman undir hótunum frá Íran Maður ákærður fyrir stunguárás á ellefu ára stúlku í Lundúnum í gær Fyrsta dauðfallið staðfest í eldunum á Grikklandi Sjá meira