Umfjöllun Bein lýsing Miðstöð Liðin Tölfræði Stöðutafla

Stórkostlegt mark Aduriz tryggði Bilbao sigur á Barcelona | Myndband

Ingvi Þór Sæmundsson skrifar
Hetja kvöldsins, Artiz Aduriz.
Hetja kvöldsins, Artiz Aduriz. vísir/getty
Hinn 38 ára Aritz Aduriz tryggði Athletic Bilbao sigur á Spánarmeisturum Barcelona með stórkostlegu marki í upphafsleik spænsku úrvalsdeildarinnar á Sam Mamés í kvöld. Lokatölur 1-0, Athletic Bilbao í vil.

Aduriz kom inn á sem varamaður á 88. mínútu. Aðeins mínútu síðar klippti hann boltann glæsilega í netið eftir fyrirgjöf frá Ander Capa. Þetta var fyrsta snerting Aduriz eftir að hann kom inn á. Markið má sjá hér fyrir neðan.





Lionel Messi var ekki með Barcelona í kvöld og Luis Suárez fór meiddur af velli á 37. mínútu. Skömmu áður hafði hann átt skot í stöngina. Rafinha kom inn á fyrir Suárez og hann átti skot í slá á 44. mínútu.

Baskarnir fengu einnig sín færi í fyrri hálfleik en Marc-André ter Stegen varði tvisvar vel í marki gestanna.

Fátt markvert gerðist í seinni hálfleik þangað til Aduriz skoraði markið glæsilega.

Antoine Griezmann og Frenkie de Jong léku báðir sinn fyrsta deildarleik fyrir Barcelona í kvöld.

Bein lýsing

Leikirnir

    Sjá alla

    Mest lesið


    Fleiri fréttir

    Sjá meira

    Mest lesið