Fyrrum heimsmeistarinn Iker Casillas hefur verið fluttur á sjúkrahús í Portúgal vegna hjartaáfalls.
Spænski markvörðurinn, sem verður 38 ára síðar í maímánuði, var fluttur á sjúkrahús beint af æfingasvæði Porto eftir að grunur lék á að hann hefði fengið hjartaáfall á meðan æfingu stóð.
Portúgalskir fjölmilar segja hann ekki lengur vera í hættu en sé haldið undir eftirliti á spítalanum eftir að hafa gengist undir aðgerð.
Porto birti fyrir skemmstu tilkynningu á heimasíðu sinni þar sem segir að „Iker Casillas fékk hjartaáfall í æfingu nú í morgun.“
„Casillas líður vel og er í stöðugu ástandi.“
Casillas kom til Porto árið 2015 en hann skrifaði undir framlengingu við félagið í mars á þessu ári. Áður hafði hann spilað allan sinn feril hjá Real Madrid og unnið fjölda titla.
Þá á hann 167 landsleiki að baki fyrir Spán og varð heimsmeistari með Spánverjum árið 2010.
Casillas á sjúkrahúsi eftir hjartaáfall
