Rufu 43 ára einokun KR og Víkings Ingvi Þór Sæmundsson skrifar 6. febrúar 2019 18:45 Verðlaunahafarnir. „Þetta er ansi langur tími. Fyrst var keppt í efstu deild karla 1973 og fyrstu þrjú árin vann Örninn. Svo tók við sigurganga KR á árunum 1976-94 og ég er nokkuð viss um að faðir minn hafi verið í öllum þeim liðum. Frá 1995 til 2007 vann Víkingur alltaf en síðan þá hafa Víkingur og KR skipst á að vinna,“ sagði Pétur Marteinn Urbancic Tómasson í samtali við Fréttablaðið. Pétur er hluti af liði BH sem tryggði sér um helgina sigur í Raflandsdeild karla í borðtennis. Þetta er í fyrsta sinn sem annað lið en KR eða Víkingur vinnur efstu deild í karlaflokki síðan 1975. Auk Péturs var sigurlið BH skipað bróður hans, Jóhannesi Bjarka Urbancic Tómassyni, Birgi Ívarssyni og Magnúsi Gauta Úlfarssyni. Þjálfari þeirra BH-inga er Tómas Ingi Shelton. „Við erum 5-6 sem æfum með meistaraflokki karla og svo er slatti af krökkum í yngri flokkunum,“ sagði Pétur. Höfuðstöðvar BH eru í íþróttahúsinu við Strandgötu í Hafnarfirði en Pétur segir að félagið sé nánast búið að sprengja æfingaaðstöðuna utan af sér. Það horfi þó til betri vegar í þeim efnum. Bræðurnir Pétur og Jóhannes léku áður með KR sem og Tómas þjálfari þeirra. Magnús Gauti, sem er uppalinn hjá BH, er ríkjandi Íslandsmeistari í einliðaleik karla en hann varð fyrsti BH-ingurinn sem vinnur þann titil. Birgir hóf ferilinn hjá HK en færði sig síðan yfir í BH. Hann var fjarri góðu gamni um helgina þar sem hann er við æfingar hjá sænsku liði. „Þetta eru nokkrar túrneringar og í hverri þeirra spilarðu tvo liðaleiki. Í heildina eru þetta tíu leikir en þú spilar tvisvar sinnum við öll liðin. Félögin skiptast á að halda túrneringarnar,“ sagði Pétur um fyrirkomulag deildarkeppninnar. BH-ingar unnu allar tíu viðureignir sínar í deildinni og fengu alls 20 stig, fjórum stigum meira en Víkingur. KR varð í 3. sæti með tólf stig og HK í því fjórða með sex stig. Þessi lið komust í úrslitakeppni um Íslandsmeistaratitilinn. Víkingur á þar titil að verja en liðið bar sigurorð af BH í úrslitunum í fyrra. Í undanúrslitum í karlaflokki mætast BH og HK annars vegar og Víkingur og KR hins vegar. Kvennalið BH tók í fyrsta sinn þátt í efstu deild og endaði í 4. sæti. Þær mæta Víkingum í undanúrslitum. Víkingar urðu deildarmeistarar með 18 stig. Lið Víkings skipuðu þær Nevana Tasic, Stella Karen Kristjánsdóttir, Þórunn Ásta Árnadóttir og Agnes Brynjarsdóttir. Sú síðastnefnda er aðeins tólf ára gömul og er yngsti deildarmeistarinn í borðtennis hér á landi. „Þetta var einu sinni sami titillinn, deildar- og Íslandsmeistaratitillinn, en þessu var breytt 2010. Þá var úrslitakeppninni bætt við,“ sagði Pétur. Hann hefur trú á því að BH nái að landa Íslandsmeistaratitlinum; þeim fyrsta í sögu félagsins. „Ég er nokkuð bjartsýnn. Við fórum í gegnum deildina án þess að tapa leik. Okkar leikmenn voru allir með góða tölfræði. Magnús Gauti tapaði t.a.m. ekki stökum leik,“ sagði Pétur en undanúrslitin fara fram 6. apríl og úrslitin þrettánda sama mánaðar í Strandgötunni. Aðrar íþróttir Borðtennis Mest lesið Íslenska íþróttafólkið fékk gefins síma og smokka Sport Þórir fékk gleðifréttir í gær Handbolti Skilur ekkert í skipuleggjendum: „Alveg út í hött“ Sport Áfrýja stigafrádrættinum en ekki leikbanni þjálfarans fyrrverandi Fótbolti Anton Sveinn vitnaði í Egil Skalla-Grímsson: „Höggva mann ok annan“ Sport Þríþrautinni frestað um sólarhring vegna skítugrar Signu Sport Fagnaði sigri á Ólympíuleikunum komin sjö mánuði á leið Sport Glódís Perla bætti meistaraskildinum við í ótrúlegt bikarsafn Bayern Fótbolti Skipuleggjendur ÓL biðjast afsökunar á atriði á setningarhátíðinni Sport Orri Steinn í bréfaskiptum við framherja sem einnig vill gullskóinn Fótbolti Fleiri fréttir Logi snýr aftur í Njarðvíkurliðið: „Ofboðslega spennandi tími” Nimrod með KR í Bónusdeildinni Steve Bruce gæti tekið við gamla starfi Heimis Hallgríms Fagnaði sigri á Ólympíuleikunum komin sjö mánuði á leið Sjáðu Viðar Örn skora loksins fyrir KA og Finn Tómas bjarga KR í blálokin Íslandsmeistararnir fá til sín fyrrum WNBA leikmann Íslenska íþróttafólkið fékk gefins síma og smokka Anton Sveinn vitnaði í Egil Skalla-Grímsson: „Höggva mann ok annan“ Þórir fékk gleðifréttir í gær Áfrýja stigafrádrættinum en ekki leikbanni þjálfarans fyrrverandi Þríþrautinni frestað um sólarhring vegna skítugrar Signu Dagskráin í dag: Blikar þurfa sigur í Kósovó Matthías frá keppni næstu átta vikurnar Orri Steinn í bréfaskiptum við framherja sem einnig vill gullskóinn Glódís Perla bætti meistaraskildinum við í ótrúlegt bikarsafn Bayern Grétar Snær rifbeinsbrotinn „Þurfum að fara að spila fyrir merkið“ Áframhaldandi meiðslavandræði KR: Stefán tognaður Greindist með kórónuveiruna degi eftir að vinna til silfurverðlauna Uppgjör: KR - KA 2-2 | Finnur Tómas bjargaði stigi fyrir KR á síðustu stundu Heldur kyrru fyrir í Kópavogi Skytturnar kynna Calafiori til leiks Frakkar enn fúlir út í Embiid og púuðu linnulaust á hann Eftirsóttur Sainz fer til Williams eftir tímabilið Skilur ekkert í skipuleggjendum: „Alveg út í hött“ Spánverjar bættu við enn einu fótboltagullinu í gær Töpuðu með 26 stigum þær níu mínútur sem Jokic hvíldi Fjórtán ára Ólympíumeistari og samfélagsmiðlastjarna á palli Sóknarmaður á leið í Lambhagann Djokovic lagði leirkónginn Nadal Sjá meira
„Þetta er ansi langur tími. Fyrst var keppt í efstu deild karla 1973 og fyrstu þrjú árin vann Örninn. Svo tók við sigurganga KR á árunum 1976-94 og ég er nokkuð viss um að faðir minn hafi verið í öllum þeim liðum. Frá 1995 til 2007 vann Víkingur alltaf en síðan þá hafa Víkingur og KR skipst á að vinna,“ sagði Pétur Marteinn Urbancic Tómasson í samtali við Fréttablaðið. Pétur er hluti af liði BH sem tryggði sér um helgina sigur í Raflandsdeild karla í borðtennis. Þetta er í fyrsta sinn sem annað lið en KR eða Víkingur vinnur efstu deild í karlaflokki síðan 1975. Auk Péturs var sigurlið BH skipað bróður hans, Jóhannesi Bjarka Urbancic Tómassyni, Birgi Ívarssyni og Magnúsi Gauta Úlfarssyni. Þjálfari þeirra BH-inga er Tómas Ingi Shelton. „Við erum 5-6 sem æfum með meistaraflokki karla og svo er slatti af krökkum í yngri flokkunum,“ sagði Pétur. Höfuðstöðvar BH eru í íþróttahúsinu við Strandgötu í Hafnarfirði en Pétur segir að félagið sé nánast búið að sprengja æfingaaðstöðuna utan af sér. Það horfi þó til betri vegar í þeim efnum. Bræðurnir Pétur og Jóhannes léku áður með KR sem og Tómas þjálfari þeirra. Magnús Gauti, sem er uppalinn hjá BH, er ríkjandi Íslandsmeistari í einliðaleik karla en hann varð fyrsti BH-ingurinn sem vinnur þann titil. Birgir hóf ferilinn hjá HK en færði sig síðan yfir í BH. Hann var fjarri góðu gamni um helgina þar sem hann er við æfingar hjá sænsku liði. „Þetta eru nokkrar túrneringar og í hverri þeirra spilarðu tvo liðaleiki. Í heildina eru þetta tíu leikir en þú spilar tvisvar sinnum við öll liðin. Félögin skiptast á að halda túrneringarnar,“ sagði Pétur um fyrirkomulag deildarkeppninnar. BH-ingar unnu allar tíu viðureignir sínar í deildinni og fengu alls 20 stig, fjórum stigum meira en Víkingur. KR varð í 3. sæti með tólf stig og HK í því fjórða með sex stig. Þessi lið komust í úrslitakeppni um Íslandsmeistaratitilinn. Víkingur á þar titil að verja en liðið bar sigurorð af BH í úrslitunum í fyrra. Í undanúrslitum í karlaflokki mætast BH og HK annars vegar og Víkingur og KR hins vegar. Kvennalið BH tók í fyrsta sinn þátt í efstu deild og endaði í 4. sæti. Þær mæta Víkingum í undanúrslitum. Víkingar urðu deildarmeistarar með 18 stig. Lið Víkings skipuðu þær Nevana Tasic, Stella Karen Kristjánsdóttir, Þórunn Ásta Árnadóttir og Agnes Brynjarsdóttir. Sú síðastnefnda er aðeins tólf ára gömul og er yngsti deildarmeistarinn í borðtennis hér á landi. „Þetta var einu sinni sami titillinn, deildar- og Íslandsmeistaratitillinn, en þessu var breytt 2010. Þá var úrslitakeppninni bætt við,“ sagði Pétur. Hann hefur trú á því að BH nái að landa Íslandsmeistaratitlinum; þeim fyrsta í sögu félagsins. „Ég er nokkuð bjartsýnn. Við fórum í gegnum deildina án þess að tapa leik. Okkar leikmenn voru allir með góða tölfræði. Magnús Gauti tapaði t.a.m. ekki stökum leik,“ sagði Pétur en undanúrslitin fara fram 6. apríl og úrslitin þrettánda sama mánaðar í Strandgötunni.
Aðrar íþróttir Borðtennis Mest lesið Íslenska íþróttafólkið fékk gefins síma og smokka Sport Þórir fékk gleðifréttir í gær Handbolti Skilur ekkert í skipuleggjendum: „Alveg út í hött“ Sport Áfrýja stigafrádrættinum en ekki leikbanni þjálfarans fyrrverandi Fótbolti Anton Sveinn vitnaði í Egil Skalla-Grímsson: „Höggva mann ok annan“ Sport Þríþrautinni frestað um sólarhring vegna skítugrar Signu Sport Fagnaði sigri á Ólympíuleikunum komin sjö mánuði á leið Sport Glódís Perla bætti meistaraskildinum við í ótrúlegt bikarsafn Bayern Fótbolti Skipuleggjendur ÓL biðjast afsökunar á atriði á setningarhátíðinni Sport Orri Steinn í bréfaskiptum við framherja sem einnig vill gullskóinn Fótbolti Fleiri fréttir Logi snýr aftur í Njarðvíkurliðið: „Ofboðslega spennandi tími” Nimrod með KR í Bónusdeildinni Steve Bruce gæti tekið við gamla starfi Heimis Hallgríms Fagnaði sigri á Ólympíuleikunum komin sjö mánuði á leið Sjáðu Viðar Örn skora loksins fyrir KA og Finn Tómas bjarga KR í blálokin Íslandsmeistararnir fá til sín fyrrum WNBA leikmann Íslenska íþróttafólkið fékk gefins síma og smokka Anton Sveinn vitnaði í Egil Skalla-Grímsson: „Höggva mann ok annan“ Þórir fékk gleðifréttir í gær Áfrýja stigafrádrættinum en ekki leikbanni þjálfarans fyrrverandi Þríþrautinni frestað um sólarhring vegna skítugrar Signu Dagskráin í dag: Blikar þurfa sigur í Kósovó Matthías frá keppni næstu átta vikurnar Orri Steinn í bréfaskiptum við framherja sem einnig vill gullskóinn Glódís Perla bætti meistaraskildinum við í ótrúlegt bikarsafn Bayern Grétar Snær rifbeinsbrotinn „Þurfum að fara að spila fyrir merkið“ Áframhaldandi meiðslavandræði KR: Stefán tognaður Greindist með kórónuveiruna degi eftir að vinna til silfurverðlauna Uppgjör: KR - KA 2-2 | Finnur Tómas bjargaði stigi fyrir KR á síðustu stundu Heldur kyrru fyrir í Kópavogi Skytturnar kynna Calafiori til leiks Frakkar enn fúlir út í Embiid og púuðu linnulaust á hann Eftirsóttur Sainz fer til Williams eftir tímabilið Skilur ekkert í skipuleggjendum: „Alveg út í hött“ Spánverjar bættu við enn einu fótboltagullinu í gær Töpuðu með 26 stigum þær níu mínútur sem Jokic hvíldi Fjórtán ára Ólympíumeistari og samfélagsmiðlastjarna á palli Sóknarmaður á leið í Lambhagann Djokovic lagði leirkónginn Nadal Sjá meira