Þolinmæði og avókadó kom Atla Guðna á toppinn Tómas Þór Þórðarson skrifar 9. apríl 2019 10:30 Atli Guðnason hefur náð ótrúlegum árangri sjálfur og með FH-liðinu. vísir/bára Þó það sé eflaust hægt er erfitt að mótmæla því að Atli Guðnason, leikmaður FH, sé besti leikmaður síðasta áratugar í efstu deild karla í fótbolta en þessi smái en knái framherji hefur náð gríðarlegum árangri. Hann hefur fjórum sinnum á þessum tíma og sex sinnum í heildina fagnað Íslandsmeistaratitlinum og er eini Íslendingurinn sem kosinn hefur verið besti leikmaður efstu deildar í tvígang, árin 2009 og 2012. Þá er hann stoðsendingahæsti leikmaður síðasta áratugar og næst stoðsendingahæstur í sögunni með 82 stoðsendingar. Hann er fimm stoðsendingum á eftir Guðmundi Benediktssyni og gæti í sumar komist á toppinn á þeim lista. Þá eru hann og Tryggvi Guðmundsson einu leikmennirnir í sögu efstu deildar sem hafa skorað fleiri en 65 mörk og gefið fleiri en 65 stoðsendingar. Hæfileikar Atla eru óumdeildir í dag en það leit ekkert endilega út fyrir að hann fengi tækifæri með uppeldisfélaginu á sínum tíma. Sumarið 2005, á 21. aldurs ári, var hann lánaður til Fjölnis og ári síðar var hann nánast eingöngu notaður sem varamaður hjá FH-liðinu.Atli hefur tvívegis verið kosinn bestur í deildinni af kollegum sínum.vísir/báraHeimir sá ljósið Það var ekki fyrr en Heimir Guðjónsson tók við FH fyrir sumarið 2008 að Atli varð aðalmaðurinn og þá fóru hlutirnir að gerast. Hann stimplaði sig svo rækilega inn árið 2009 með tíu mörkum í 20 leikjum á meistaraári FH og var einnig kosinn bestur í fyrra skiptið. Atli hefur seint verið þekktur fyrir að vera mikill fjölmiðlamatur en hann sagði sögu sína ásamt Atla Viðari Björnssyni í útvarpsþætti Fótbolti.net á X977 síðastliðinn laugardag en báðir voru þeir teknir inn í úrvalslið áratugarins samhliða komu sinni í hljóðver. Atli sagði þar að upphaf velgengninnar árið 2009 var engin tilviljun. „Ég bjóst ekki við þessu en ég sagði við konuna mína fyrir tímabilið 2009 að ég ætlaði að verða bestur. Þetta hafði ég aldrei áður sagt við neinn. Maður velur ekki sjálfur sig bestan, það eru aðrir sem að gera það en ég ákvað að gera nóg til þess að eiga möguleika á því,“ segir Atli. Framherjinn magnaði fór vel af stað sumarið 2009 og fékk mikið sjálfstraust að eigin sögn. Liðið var gott, eða reyndar frábært, og Atli naut naut sín frá fyrstu mínútu. „Ég var í geggjuðu liði. FH-liðið 2009 var sennilega það besta sem ég hef spilað með. Það var allt til alls og við gjörsamlega rústuðum mótinu,“ segir hann.Atli þarf sex stoðsendingar til að komast upp fyrir Gumma Ben.vísir/báraAvókadó breytti öllu Sem fyrr segir stefndi í raun ekkert í að Atli yrði goðsögn í lifanda lífi í Kaplakrika um miðjan síðasta áratug en Atli gafst ekkert upp. „Þolinmæði mín skilaði mér svona langt frekar en hæfileikarnir því ég hefði getað verið farinn fyrir löngu,“ segir Atli, en hvað breyttist fyrir sumarið 2009? „Ég breytti algjörlega um matarræði. Það var enginn byrjaður að pæla í því árið 2009. Ég fór til náttúrúlæknis sem benti mér á hvað ég ætti að borða og hvað ég ætti ekki að borða. Það breytti mér algjörlega og sneri öllu sem ég hafði áður gert á hvolf,“ segir hann. „Ég held að það væri hægt að sjá mun á mér á þeirri dagsetningu sem ég fór til hennar ef einhver ætti myndband af mér fyrir og eftir. Þetta er mjög krefjandi mattarræði en ég hef reynt að halda þessu.“ Tom Brady, leikstjórnandi New England Patriots, er meðal annars frægur fyrir að borða mikið af avókadó en hann er sá besti í sögunni í NFL-deildinni í amerískum fótbolta. Þessi græna ofurfæða hefur sömuleiðis gert kraftaverk fyrir Atla. „Ég fór að gera mikið af hristingum með avókadó og það eiginlega breytti mínu lífi. Þetta virkar. Ég breytti þessu og það virkaði fyrir mig. Ég hef ekki náð að vera alveg nógu grimmur við sjálfan mig til að viðhalda þessu og halda þessu alveg en ég nota alltaf einhvern hluta af þessu,“ segir Atli. „Ég er búinn að vera í tíu eða tólf ár í besta liðinu og það er árangur erfiðisins að öllu leyti. Þolinmæði, vinna og avókadó,“ segir Atli Guðnason. Viðtalið við Atlana tvo má heyra hér að neðan. Þeir mæta til leiks á 1:01:00 en Atli talar um 2009-árið á 1:09:58. Pepsi Max-deild karla Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira
Þó það sé eflaust hægt er erfitt að mótmæla því að Atli Guðnason, leikmaður FH, sé besti leikmaður síðasta áratugar í efstu deild karla í fótbolta en þessi smái en knái framherji hefur náð gríðarlegum árangri. Hann hefur fjórum sinnum á þessum tíma og sex sinnum í heildina fagnað Íslandsmeistaratitlinum og er eini Íslendingurinn sem kosinn hefur verið besti leikmaður efstu deildar í tvígang, árin 2009 og 2012. Þá er hann stoðsendingahæsti leikmaður síðasta áratugar og næst stoðsendingahæstur í sögunni með 82 stoðsendingar. Hann er fimm stoðsendingum á eftir Guðmundi Benediktssyni og gæti í sumar komist á toppinn á þeim lista. Þá eru hann og Tryggvi Guðmundsson einu leikmennirnir í sögu efstu deildar sem hafa skorað fleiri en 65 mörk og gefið fleiri en 65 stoðsendingar. Hæfileikar Atla eru óumdeildir í dag en það leit ekkert endilega út fyrir að hann fengi tækifæri með uppeldisfélaginu á sínum tíma. Sumarið 2005, á 21. aldurs ári, var hann lánaður til Fjölnis og ári síðar var hann nánast eingöngu notaður sem varamaður hjá FH-liðinu.Atli hefur tvívegis verið kosinn bestur í deildinni af kollegum sínum.vísir/báraHeimir sá ljósið Það var ekki fyrr en Heimir Guðjónsson tók við FH fyrir sumarið 2008 að Atli varð aðalmaðurinn og þá fóru hlutirnir að gerast. Hann stimplaði sig svo rækilega inn árið 2009 með tíu mörkum í 20 leikjum á meistaraári FH og var einnig kosinn bestur í fyrra skiptið. Atli hefur seint verið þekktur fyrir að vera mikill fjölmiðlamatur en hann sagði sögu sína ásamt Atla Viðari Björnssyni í útvarpsþætti Fótbolti.net á X977 síðastliðinn laugardag en báðir voru þeir teknir inn í úrvalslið áratugarins samhliða komu sinni í hljóðver. Atli sagði þar að upphaf velgengninnar árið 2009 var engin tilviljun. „Ég bjóst ekki við þessu en ég sagði við konuna mína fyrir tímabilið 2009 að ég ætlaði að verða bestur. Þetta hafði ég aldrei áður sagt við neinn. Maður velur ekki sjálfur sig bestan, það eru aðrir sem að gera það en ég ákvað að gera nóg til þess að eiga möguleika á því,“ segir Atli. Framherjinn magnaði fór vel af stað sumarið 2009 og fékk mikið sjálfstraust að eigin sögn. Liðið var gott, eða reyndar frábært, og Atli naut naut sín frá fyrstu mínútu. „Ég var í geggjuðu liði. FH-liðið 2009 var sennilega það besta sem ég hef spilað með. Það var allt til alls og við gjörsamlega rústuðum mótinu,“ segir hann.Atli þarf sex stoðsendingar til að komast upp fyrir Gumma Ben.vísir/báraAvókadó breytti öllu Sem fyrr segir stefndi í raun ekkert í að Atli yrði goðsögn í lifanda lífi í Kaplakrika um miðjan síðasta áratug en Atli gafst ekkert upp. „Þolinmæði mín skilaði mér svona langt frekar en hæfileikarnir því ég hefði getað verið farinn fyrir löngu,“ segir Atli, en hvað breyttist fyrir sumarið 2009? „Ég breytti algjörlega um matarræði. Það var enginn byrjaður að pæla í því árið 2009. Ég fór til náttúrúlæknis sem benti mér á hvað ég ætti að borða og hvað ég ætti ekki að borða. Það breytti mér algjörlega og sneri öllu sem ég hafði áður gert á hvolf,“ segir hann. „Ég held að það væri hægt að sjá mun á mér á þeirri dagsetningu sem ég fór til hennar ef einhver ætti myndband af mér fyrir og eftir. Þetta er mjög krefjandi mattarræði en ég hef reynt að halda þessu.“ Tom Brady, leikstjórnandi New England Patriots, er meðal annars frægur fyrir að borða mikið af avókadó en hann er sá besti í sögunni í NFL-deildinni í amerískum fótbolta. Þessi græna ofurfæða hefur sömuleiðis gert kraftaverk fyrir Atla. „Ég fór að gera mikið af hristingum með avókadó og það eiginlega breytti mínu lífi. Þetta virkar. Ég breytti þessu og það virkaði fyrir mig. Ég hef ekki náð að vera alveg nógu grimmur við sjálfan mig til að viðhalda þessu og halda þessu alveg en ég nota alltaf einhvern hluta af þessu,“ segir Atli. „Ég er búinn að vera í tíu eða tólf ár í besta liðinu og það er árangur erfiðisins að öllu leyti. Þolinmæði, vinna og avókadó,“ segir Atli Guðnason. Viðtalið við Atlana tvo má heyra hér að neðan. Þeir mæta til leiks á 1:01:00 en Atli talar um 2009-árið á 1:09:58.
Pepsi Max-deild karla Mest lesið „Andlitið á mér var afmyndað“ Fótbolti Íslenskt hugvit á að umbylta golfheiminum Golf Uppgjörið: Víkingur - FH 3-0 | Meistararnir ekki í vandræðum í Víkinni Íslenski boltinn Stálheppinn að vera á lífi og gæti snúið aftur með Aroni Fótbolti Stúkan: Óvenju miklar árásir eða viðkvæmari en aðrir Íslenski boltinn Telur að Valsmenn nenni ekki að dansa tangóinn hans Túfa til lengdar Íslenski boltinn Ten Hag neitaði að kenna Eriksen um jöfnunarmarkið Fótbolti Bragðdauft á Old Trafford Enski boltinn Uppgjörið: KA - HK 3-3 | Bikarþynnka í heimamönnum Íslenski boltinn „Pep Guardiola eyðilagði fótboltann“ Enski boltinn Fleiri fréttir Birkir á leið til Vals á nýjan leik Svona var fundurinn fyrir tugmilljóna leikinn í Laugardal Gætu spilað um titilinn á sunnudegi í Víkinni Telur að Valsmenn nenni ekki að dansa tangóinn hans Túfa til lengdar Linda beindi Sammy Smith til Íslands: „Hugsaði mig ekki tvisvar um“ Stúkan: Óvenju miklar árásir eða viðkvæmari en aðrir Sjáðu glæsimörk táninga og Helga koma Víkingi á toppinn Heimir „hæstánægður með FH-liðið“ eftir 3-0 tap Uppgjörið: Víkingur - FH 3-0 | Meistararnir ekki í vandræðum í Víkinni „Draumur að spila fyrir uppeldisfélagið“ Uppgjörið: KA - HK 3-3 | Bikarþynnka í heimamönnum Óvíst hvort Tryggvi Hrafn verði meira með Val á leiktíðinni Óttast ekki bikarþynnku: „Alvöru sigurvegarar finna sér hvatningu“ Nablinn skellti sér á Kópavogsslaginn: „Leikurinn endar milljón tvö“ „Ótrúlega heilbrigður og flottur hópur“ Fram án þriggja gegn KR Mörkin úr Bestu: Sjáðu perlur Gylfa og Ísaks Hafi rætt við Rúnar og Börk og allir jafn undrandi Uppgjörið, viðtöl og myndir: Breiðablik - ÍA 2-0 | Afbragðsafgreiðsla Ísaks innsiglaði sigurinn „Algjör synd að við fengum ekkert út úr þessum leik“ Uppgjörið: Valur - Stjarnan 2-2 | Gylfi Þór jafnaði með stórkostlegu marki Hafa ekki heyrt frá Hearts: „Kom mér jafn mikið á óvart og þér“ Sjáðu ótrúlega sjö mínútna þrennu Smith og tvennu Nadíu Arnar sagður líklegur til að taka við í Skotlandi „Við Mosfellingar erum öðruvísi, við erum sérstakir“ Fyrirliðinn framlengir og tekur slaginn í Bestu deildinni Uppgjörið: Fjölnir - Afturelding 0-0 | Afturelding fer aftur á Laugardalsvöll Sér eftir að hafa valið Val fram yfir KR Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Uppgjörið: KR - Vestri 2-2 | Guy Smit bjargaði stigi fyrir KR Sjá meira