Guðmundur Guðmundsson landsliðsþjálfari segir að leikurinn gegn Dönum í gær hafi verið einn besti leikur í sögu landsliðsins. Hann er líka ofarlega á hans eigin afrekalista.
„Þetta er einn besti landsleikur Íslands frá. Við vorum að spila við besta landslið heims og það er mælikvarðinn. Ef við getum unnið þá nánast á sínum heimavelli þá hlýtur þessi leikur að fara í sögubækurnar sem einn besti landsleikur Íslands fyrr og síðar,“ sagði Guðmundur á blaðamannafundi íslenska liðsins í dag.
„Þessi er á topp fimm hjá mér. Alveg klárlega. Það var mikilvægt að byrja mótið vel og persónulega fyrir mig var þetta mikilvægt svar. Mér leið mjög vel er ég sofnaði og var hálfklökkur eftir leikinn. Ég var búinn að undirbúa þennan leik í marga mánuði.“
Guðmundur: Þessi sigur er á topp fimm hjá mér
Tengdar fréttir
Uppgjör Henrys: Galdramaðurinn Gullmundur launaði Dönum lambið gráa
Guðmundur Þórður Guðmundsson skilaði Dönum Ólympíugulli en fékk aldrei þá virðingu sem hann átti skilið þar í landi. Danir læra kannski að bera almennilega virðingu fyrir manninum eftir leik kvöldsins sem Íslendingar unnu með glæsibrag, 31-30.
Svona var stemmningin í stúkunni þegar sigurinn var í höfn | Myndband
Ísland byrjaði Evrópumótið 2020 á því að vinna heims- og Ólympíumeistara Danmerkur.
Sjáðu magnað mark Kára og fagnaðarlætin í leikslok
Kári Kristján Kristjánsson stóð heldur betur fyrir sínu í sigri Íslands á Danmörku á EM 2020.
Martröð, hefnd Guðmundar og þjófnaður meðal umsagna dönsku miðlanna eftir tapið gegn Íslandi
Danskir miðlar voru ekki hrifnir af leik danska landsliðsins í kvöld gegn Íslandi en Ísland vann leik nágrannaþjóðanna með einu marki.
