Stefnir í einn áhugaverðasta Óskar síðustu ára Stefán Þór Hjartarson skrifar 26. janúar 2017 10:30 Nú fer að styttast í Óskarinn, virtustu verðlaunin í heimi kvikmyndanna, og hátíðin í ár stefnir í að vera nokkuð spennandi. NORDICPHOTOS/GETTY Tilnefningar til Óskarsverðlaunanna eru nú orðnar opinberar og þar er ýmislegt að frétta eins og yfirleitt. Ótvíræður „sigurvegari“ er söngleikurinn La La Land með Emmu Stone og Ryan Gosling í aðalhlutverkum, en einhvern veginn kemur það nú ekki mikið á óvart þó að fjöldi tilnefninga sé kannski svolítið rosalegur – en myndin hlaut alls fjórtán tilnefningar og jafnar þar með sjálfa Titanic. Annað sem er tengdara okkur Íslendingum er að tónlistin úr myndinni Arrival er ekki tilnefnd til Óskarsins. Ástæðan er sú að tónverkið On the Nature of Daylight eftir Max Richter var notað á nokkrum stöðum í myndinni og taldi Akademían að það myndi hafa áhrif á það hvernig tónverk Jóhanns Jóhannssonar yrði dæmt. Ótrúlega svekkjandi enda tónsporið í Arrival algjörlega frábært.Mikill fjöldi mynda sem eru ekki framleiddar af stóru Hollywood-stúdíóunum er líka athyglisverður. Af þeim níu myndum sem keppa um titilinn besta myndin, eru heilar fimm framleiddar annars staðar. Þetta eru myndirnar Arrival, Manchester by sea, Lion, Hell or high water og Hacksaw ridge. Talandi um Hacksaw ridge – þá er leikstjóri hennar Mel nokkur Gibson sem hefur nú ekki verið vinsæll í bransanum síðustu árin, en hann hefur verið vægast sagt erfiður náungi, þá sérstaklega þegar hann níddi gyðinga árið 2006. En í ár er hann tilnefndur sem besti leikstjórinn öllum að óvörum og kannski má líta á það sem lok tíu ára útlegðar hans?Það sem eru samt stærstu jákvæðu fréttirnar og það áhugaverðasta við tilnefningar ársins er að sex svartir leikarar eru tilnefndir og auk þess eru þrjár myndir sem fjalla á einhvern hátt um líf og reynslu svartra tilnefndar sem besta myndin. Þetta eru myndirnar Moonlight, Fences og Hidden figures. Sú síðastnefnda er sönn saga þriggja kvenna sem sinntu útreikningum fyrir NASA á tímum geimkapphlaupsins, Fences er fjölskyldudrama sem gerist á sjötta áratugnum og fjallar um brostna drauma og síðan er það Moonlight þar sem fylgst er með lífi samkynhneigðs manns í Miami frá æsku til fullorðinsára. Í Moonlight er tekið á ýmsum áhugaverðum málefnum; lífi svartra í Bandaríkjunum, samkynhneigð í kúltúr fátækrahverfa og mismunun. Það er áhugavert og gleðilegt að líf minnihlutahópa sé að koma sterkt inn á Óskarinn í ár. Síðustu tvö ár fór ekki mikið fyrir þeim á verðlaunahátíðinni og kassamerkið #OscarsSoWhite var vinsælt á samfélagsmiðlum á sama tíma. Vonum að um breytta stefnu sé að ræða en ekki bara einhvers konar friðþægingu hjá hinni stundum frekar duttlungafullu Óskarsakademíu. Bíó og sjónvarp Mest lesið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Umdeilt uppáhald arkitekts við Austurvöll Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Hvað gerði Diddy? Mansal, ofbeldi og samsæriskenningar um Justin Bieber Lífið Húðrútína ekki síður fyrir karlmenn Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Skilnaður Step Up hjóna genginn í gegn Lífið Úr Idolinu yfir í útvarpið Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira
Tilnefningar til Óskarsverðlaunanna eru nú orðnar opinberar og þar er ýmislegt að frétta eins og yfirleitt. Ótvíræður „sigurvegari“ er söngleikurinn La La Land með Emmu Stone og Ryan Gosling í aðalhlutverkum, en einhvern veginn kemur það nú ekki mikið á óvart þó að fjöldi tilnefninga sé kannski svolítið rosalegur – en myndin hlaut alls fjórtán tilnefningar og jafnar þar með sjálfa Titanic. Annað sem er tengdara okkur Íslendingum er að tónlistin úr myndinni Arrival er ekki tilnefnd til Óskarsins. Ástæðan er sú að tónverkið On the Nature of Daylight eftir Max Richter var notað á nokkrum stöðum í myndinni og taldi Akademían að það myndi hafa áhrif á það hvernig tónverk Jóhanns Jóhannssonar yrði dæmt. Ótrúlega svekkjandi enda tónsporið í Arrival algjörlega frábært.Mikill fjöldi mynda sem eru ekki framleiddar af stóru Hollywood-stúdíóunum er líka athyglisverður. Af þeim níu myndum sem keppa um titilinn besta myndin, eru heilar fimm framleiddar annars staðar. Þetta eru myndirnar Arrival, Manchester by sea, Lion, Hell or high water og Hacksaw ridge. Talandi um Hacksaw ridge – þá er leikstjóri hennar Mel nokkur Gibson sem hefur nú ekki verið vinsæll í bransanum síðustu árin, en hann hefur verið vægast sagt erfiður náungi, þá sérstaklega þegar hann níddi gyðinga árið 2006. En í ár er hann tilnefndur sem besti leikstjórinn öllum að óvörum og kannski má líta á það sem lok tíu ára útlegðar hans?Það sem eru samt stærstu jákvæðu fréttirnar og það áhugaverðasta við tilnefningar ársins er að sex svartir leikarar eru tilnefndir og auk þess eru þrjár myndir sem fjalla á einhvern hátt um líf og reynslu svartra tilnefndar sem besta myndin. Þetta eru myndirnar Moonlight, Fences og Hidden figures. Sú síðastnefnda er sönn saga þriggja kvenna sem sinntu útreikningum fyrir NASA á tímum geimkapphlaupsins, Fences er fjölskyldudrama sem gerist á sjötta áratugnum og fjallar um brostna drauma og síðan er það Moonlight þar sem fylgst er með lífi samkynhneigðs manns í Miami frá æsku til fullorðinsára. Í Moonlight er tekið á ýmsum áhugaverðum málefnum; lífi svartra í Bandaríkjunum, samkynhneigð í kúltúr fátækrahverfa og mismunun. Það er áhugavert og gleðilegt að líf minnihlutahópa sé að koma sterkt inn á Óskarinn í ár. Síðustu tvö ár fór ekki mikið fyrir þeim á verðlaunahátíðinni og kassamerkið #OscarsSoWhite var vinsælt á samfélagsmiðlum á sama tíma. Vonum að um breytta stefnu sé að ræða en ekki bara einhvers konar friðþægingu hjá hinni stundum frekar duttlungafullu Óskarsakademíu.
Bíó og sjónvarp Mest lesið Minnast Bryndísar Klöru á tónleikum: „Pínulítil hugmynd sem stækkaði og stækkaði“ Lífið Umdeilt uppáhald arkitekts við Austurvöll Lífið Tökumenn LXS yfirheyrðir í 90 mínútur og áttu ekki að fá inngöngu inn í landið Lífið Fyndnustu dýralífsmyndir ársins Lífið Hvað gerði Diddy? Mansal, ofbeldi og samsæriskenningar um Justin Bieber Lífið Húðrútína ekki síður fyrir karlmenn Lífið Lakkrískóngurinn Bülow selur sveitasetrið Lífið „Siðlausi siðfræðingurinn“ hreyfir ekki við Stefáni Einari Lífið Skilnaður Step Up hjóna genginn í gegn Lífið Úr Idolinu yfir í útvarpið Lífið Fleiri fréttir Ný kitla: Ellie og Joel komast aftur í hann krappan Hjem til jul aftur á skjáinn Segir Murphy gera lítið úr kynferðisofbeldi Frumsýning á Vísi: Helga Braga í kolsvartri kómedíu Tæpur helmingur íbúa hefur séð myndina Kynntu dagskrá RIFF 2024 Þakkaði fyrir sig á íslensku Shogun á spjöld sögunnar á Emmy verðlaunahátíðinni Snerting framlag Íslands til Óskarsins „Myndin byggir á minni eigin lífsreynslu“ Hlátur og grátur á Ljósvíkingum Ljósbrot valin besta norræna kvikmyndin Frumsýning á Vísi: Fyrsta stiklan úr Svörtu söndum 2 Ældi næstum úr stressi á Cannes Myndaveisla: Rauður dregill og troðfullt hús á Ljósbroti Snerting hlaut eftirsótt verðlaun Snerting tilnefnd til kvikmyndaverðlauna Norðurlandaráðs Jökull í Kaleo í Glæstar vonir Ljósbrot í forvali til Evrópsku kvikmyndaverðlaunanna Ólafur Darri og Hera Hilmars saman á skjánum í fyrsta sinn Lynch ólíklegur til að leikstýra aftur vegna Covidhræðslu Stórstjörnur í kvikmynd um fundinn í Höfða Sjá meira