Þráinn Bertelsson, þingmaður VG, hvetur fólk til þess að kaupa ekki nýjasta tölublaðið af Nýju lífi. Í blaðinu er birt grein um samskipti Jóns Baldvins Hannibalssonar, fyrrverandi utanríkisráðherra og sendiherra, við stúlku á unglingsaldri fyrir um áratug síðan. Stúlkan er í fjölskyldu Bryndísar Schram, eiginkonu Jóns.
„Nú er það boðað að glanstímarit ætli í gróðaskyni að hafa æruna af Jóni Baldvini Hannibalssyni út af gömlum fjölskylduharmleik og dómgreindarbresti - sem á engan hátt tengist lögbroti af neinu tagi, og allrasíst „barnaníði" eins og svo svo smekklega er látið liggja að. Það er sorglegt og langt handan mennsku, smekks og dómgreindar þegar miskunnarlaust fólk reynir að gera sér gamalt heimilisböl fólks að féþúfu," segir Þráinn á fésbókarsíðu sinni.
Sjálfur segir Jón Baldvin í aðsendri grein sem birtist í Fréttablaðinu og hér á Vísi að hann hafi gerst sekur um dómgreindarbrest. En það sé álitamál, hvert erindi fjölskylduböl, sem þetta mál sé, eigi við almenning í gegnum fjölmiðla.
Haukar
FH
