Fluttur á slysadeild eftir umferðarslys á Miklubraut

Einn var fluttur slasaður á slysadeild eftir umferðarslys á Miklubraut við Grensásveg í Reykjavík nú í kvöld. 

Tilkynning barst um atvikið um klukkan 17:30 og var lögregla og slökkvilið sent á vettvang. 

Ekki liggja fyrir upplýsingar um málsatvik en svo virðist sem að bílstjórinn hafi keyrt í gegnum girðingu sem aðskilur aksturstefnur. Hann olli ekki skemmdum á öðrum bifreiðum. 

Unnið var að því að fjarlægja bifreiðina af vettvangi á sjötta tímanum í kvöld.