Þegar þér finnst yfirmaðurinn ekki kunna að meta þig Rakel Sveinsdóttir skrifar 29. maí 2020 09:00 Það er mannlegt að vilja fá hrós og góða endurgjöf fyrir störf sín og framlag til vinnu. Vísir/Getty Það getur verið allur gangur á því hvort starfsfólki finnist þeirra framlag vera metið af yfirmönnum eða samstarfsfólki í vinnu. Þá er ójafnræði í álagi á vinnustöðum staðreynd, sumir upplifa sig þannig að þeir séu að kikna undan álagi og fjölda verkefna á meðan aðrir virðast komast frekar rólega í gegnum daginn og jafnvel með færri verkefni á sinni könnu. Í grein Harvard Business Review segir álitsgjafi það mannlegt að hafa þörf á hrósi eða jákvæðri endurgjöf og það eigi við um alla. Annað getur valdið vanlíðan, jafnvel ótta og oft fer fólk að efast um sína eigin getu eða virði sem starfsmaður. Hér eru nokkur ráð fyrir fólk sem upplifir sig ekki metið af yfirmanni. 1. Sjálfskoðun Fyrsta atriðið er sjálfskoðun og þar þarf hver og einn að spyrja sig heiðarlega: Hversu mikið hrós er eðlilegt að ég fái? Er vinnan sem ég legg fram framúrskarandi og á hún meiri athygli skilið? Er hún betri en sambærileg vinna samstarfsfélaga minna? Um leið skaltu taka smá mat á umhverfinu og velta fyrir þér hvort staðan sé kannski þannig að bæði yfirmenn og samstarfsfélagar eru á hvolfi sjálfir, allir eiga nóg með sitt og þeirra framlag kannski ekkert síður en þitt. Mundu einnig að til þess að vera metinn að verðleikum þarf framlagið þitt að vera sýnilegt öðrum. Ef það er það ekki, settu þér það þá sem markmið að gera þitt framlag sýnilegra yfirmönnum og samstarfsfólki. 2. Talaðu við yfirmanninn: En ekki biðja um hrós Ef staðan er samt þannig að þér finnst þú eiga skilið meiri og betri endurgjöf frá yfirmanni þínum, er næsta skref að velta fyrir sér hver sé líklegasta leiðin til að svo verði. Yfirmaðurinn þinn getur til dæmis verið týpan sem í dagsins önn man ekkert sérstaklega eftir því að huga að öllum mannlegu þáttum starfsmanna sinna og eitt er víst að þú ert ekki að fara að breyta viðkomandi. Þegar þú talar við yfirmanninn skaltu ekki setjast niður til að biðja um hrós. Óskaðu frekar eftir samtali með yfirmanninum þar sem þú ferð yfir helstu verkefni síðustu vikna eða mánaða. Óskaðu eftir endurgjöf frá yfirmanninum um hvaða verkefni gengu vel og hvaða verkefni hefðu mátt ganga betur. Vertu hreinskilin/n og spurðu hvar yfirmaðurinn þinn telur þína styrleika liggja helst og hvernig þeir nýtast sem best. Spurðu líka hvaða atriði þú mættir ná betri tökum á. Fyrir þetta samtal þarft þú að vera búin/n að skrifa niður lista með helstu verkefnum og þar máttu alls ekki velja aðeins þau bestu. Almennt mælast svona listar og yfirferð vel fyrir hjá yfirmönnum og þeim finnst ánægjulegt að sjá hversu mikið eða mörgu starfsfólkið hefur áorkað. 3. Ef þú ert í forsvari fyrir teymi Ef þú ferð fyrir teymi eða verkefnahópi sem þér finnst ekki metið að verðleikum er eitt mikilvægasta atriðið að upplýsa betur um það hvað teymið er að gera, hver verkefni eru og hvaða ávinningar hljótast af þeim fyrir heildina. Að láta yfirmenn vita um framgang verkefna, áskoranir og áfangasigra þarf að vera eitthvað sem unnið er að markvisst og reglubundið. 4. Vertu leiðandi í að viðurkenna framlag annarra Að vilja viðurkenningu fyrir störf sín þýðir líka að þú þarft að vera meðvitaður um að virða og viðurkenna störf annarra. Þetta á við um bæði samstarfsfólk, undirmenn eða yfirmenn. Ef yfirmaðurinn er til dæmis ekki duglegur að hrósa eða koma með jákvæða endurgjöf inn í hópinn, er ekkert sem segir að þú ættir ekki að gera það enda hefur jákvæðni oftast einhver smitandi og góð áhrif á samstarfshópa og teymi. Það besta býr í sjálfum þér En hvað sem yfirmönnunum líður eða þeirra framkoma gagnvart þér, felst besta og dýrmætasta viðurkenningin í því hvernig þú metur og upplifir þína eigin frammistöðu og framlag. Gott ráð er að gefa sér smá tíma í lok hverrar viku og fara yfir verkefni vikunnar, hvernig gekk, hvað gekk mjög vel og hvað ertu ánægðastur/ánægðust með. Ef eitthvað fór ekki eins vel og þú hefðir viljað, nýttu það þá sem lærdóm til að gera enn betur næst en passaðu þig á því að hugsa meira um það sem jákvætt er en það sem miður fór. Góðu ráðin Mest lesið „Sérkennileg“ hækkun íbúðaverðs á tímum hárra vaxta Viðskipti innlent Áföstu tapparnir stóðust ekki gæðapróf Neytendur Taylor Swift talin valda verðbólgu í Bretlandi Viðskipti erlent Flytur fyrirtækin vegna löggjafar um trans börn Viðskipti erlent Leiguverð heldur áfram að hækka Viðskipti innlent Umferðarofsi stofnar vegfarendum í hættu Samstarf Dýr smjörvi á Egilsstöðum vekur mikla athygli Neytendur Ólöglegt bleikiefni í hveitinu Neytendur „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Fleiri fréttir Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira
Það getur verið allur gangur á því hvort starfsfólki finnist þeirra framlag vera metið af yfirmönnum eða samstarfsfólki í vinnu. Þá er ójafnræði í álagi á vinnustöðum staðreynd, sumir upplifa sig þannig að þeir séu að kikna undan álagi og fjölda verkefna á meðan aðrir virðast komast frekar rólega í gegnum daginn og jafnvel með færri verkefni á sinni könnu. Í grein Harvard Business Review segir álitsgjafi það mannlegt að hafa þörf á hrósi eða jákvæðri endurgjöf og það eigi við um alla. Annað getur valdið vanlíðan, jafnvel ótta og oft fer fólk að efast um sína eigin getu eða virði sem starfsmaður. Hér eru nokkur ráð fyrir fólk sem upplifir sig ekki metið af yfirmanni. 1. Sjálfskoðun Fyrsta atriðið er sjálfskoðun og þar þarf hver og einn að spyrja sig heiðarlega: Hversu mikið hrós er eðlilegt að ég fái? Er vinnan sem ég legg fram framúrskarandi og á hún meiri athygli skilið? Er hún betri en sambærileg vinna samstarfsfélaga minna? Um leið skaltu taka smá mat á umhverfinu og velta fyrir þér hvort staðan sé kannski þannig að bæði yfirmenn og samstarfsfélagar eru á hvolfi sjálfir, allir eiga nóg með sitt og þeirra framlag kannski ekkert síður en þitt. Mundu einnig að til þess að vera metinn að verðleikum þarf framlagið þitt að vera sýnilegt öðrum. Ef það er það ekki, settu þér það þá sem markmið að gera þitt framlag sýnilegra yfirmönnum og samstarfsfólki. 2. Talaðu við yfirmanninn: En ekki biðja um hrós Ef staðan er samt þannig að þér finnst þú eiga skilið meiri og betri endurgjöf frá yfirmanni þínum, er næsta skref að velta fyrir sér hver sé líklegasta leiðin til að svo verði. Yfirmaðurinn þinn getur til dæmis verið týpan sem í dagsins önn man ekkert sérstaklega eftir því að huga að öllum mannlegu þáttum starfsmanna sinna og eitt er víst að þú ert ekki að fara að breyta viðkomandi. Þegar þú talar við yfirmanninn skaltu ekki setjast niður til að biðja um hrós. Óskaðu frekar eftir samtali með yfirmanninum þar sem þú ferð yfir helstu verkefni síðustu vikna eða mánaða. Óskaðu eftir endurgjöf frá yfirmanninum um hvaða verkefni gengu vel og hvaða verkefni hefðu mátt ganga betur. Vertu hreinskilin/n og spurðu hvar yfirmaðurinn þinn telur þína styrleika liggja helst og hvernig þeir nýtast sem best. Spurðu líka hvaða atriði þú mættir ná betri tökum á. Fyrir þetta samtal þarft þú að vera búin/n að skrifa niður lista með helstu verkefnum og þar máttu alls ekki velja aðeins þau bestu. Almennt mælast svona listar og yfirferð vel fyrir hjá yfirmönnum og þeim finnst ánægjulegt að sjá hversu mikið eða mörgu starfsfólkið hefur áorkað. 3. Ef þú ert í forsvari fyrir teymi Ef þú ferð fyrir teymi eða verkefnahópi sem þér finnst ekki metið að verðleikum er eitt mikilvægasta atriðið að upplýsa betur um það hvað teymið er að gera, hver verkefni eru og hvaða ávinningar hljótast af þeim fyrir heildina. Að láta yfirmenn vita um framgang verkefna, áskoranir og áfangasigra þarf að vera eitthvað sem unnið er að markvisst og reglubundið. 4. Vertu leiðandi í að viðurkenna framlag annarra Að vilja viðurkenningu fyrir störf sín þýðir líka að þú þarft að vera meðvitaður um að virða og viðurkenna störf annarra. Þetta á við um bæði samstarfsfólk, undirmenn eða yfirmenn. Ef yfirmaðurinn er til dæmis ekki duglegur að hrósa eða koma með jákvæða endurgjöf inn í hópinn, er ekkert sem segir að þú ættir ekki að gera það enda hefur jákvæðni oftast einhver smitandi og góð áhrif á samstarfshópa og teymi. Það besta býr í sjálfum þér En hvað sem yfirmönnunum líður eða þeirra framkoma gagnvart þér, felst besta og dýrmætasta viðurkenningin í því hvernig þú metur og upplifir þína eigin frammistöðu og framlag. Gott ráð er að gefa sér smá tíma í lok hverrar viku og fara yfir verkefni vikunnar, hvernig gekk, hvað gekk mjög vel og hvað ertu ánægðastur/ánægðust með. Ef eitthvað fór ekki eins vel og þú hefðir viljað, nýttu það þá sem lærdóm til að gera enn betur næst en passaðu þig á því að hugsa meira um það sem jákvætt er en það sem miður fór.
Góðu ráðin Mest lesið „Sérkennileg“ hækkun íbúðaverðs á tímum hárra vaxta Viðskipti innlent Áföstu tapparnir stóðust ekki gæðapróf Neytendur Taylor Swift talin valda verðbólgu í Bretlandi Viðskipti erlent Flytur fyrirtækin vegna löggjafar um trans börn Viðskipti erlent Leiguverð heldur áfram að hækka Viðskipti innlent Umferðarofsi stofnar vegfarendum í hættu Samstarf Dýr smjörvi á Egilsstöðum vekur mikla athygli Neytendur Ólöglegt bleikiefni í hveitinu Neytendur „Það er verið að ríkisvæða húsnæðismarkaðinn“ Viðskipti innlent Leggja upp laupana í Lundúnum Viðskipti innlent Fleiri fréttir Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira