Halda áfram á PGA þrátt fyrir smit – Óróleiki í ráshópnum Sindri Sverrisson skrifar 20. júní 2020 08:00 Nick Watney lék fyrsta hringinn á RBC Heritage mótinu en varð svo að hætta. VÍSIR/GETTY Hinn 39 ára gamli Nick Watney varð að hætta keppni á PGA-mótinu RBC Heritage eftir að hann reyndist smitaður af kórónuveirunni. Aðrir kylfingar munu halda áfram leik þrátt fyrir að málið hafi valdið einhverjum óróleika. Keppni á PGA-mótaröðinni er eitt af fyrstu skrefunum í að íþróttalíf í Bandaríkjunum komist aftur í sama far og fyrir kórónuveirufaraldurinn. Engir áhorfendur eru á mótunum og þurfa keppendur að fara eftir ýmsum reglum til að minnka smithættu. Allir fóru þeir í próf við komuna á mótið í Suður-Karólínu, þar á meðal Watney, en ekkert smit greindist þá. Watney lék fyrsta hring mótsins á fimmtudag en hætti svo. „Á föstudag, áður en hann mætti á mótsstað, sagðist hann finna fyrir einkennum og eftir að hann ráðfærði sig við lækni var tekið próf sem reyndist jákvætt,“ sagði í yfirlýsingu frá PGA-mótaröðinni. „Nick mun njóta fulls stuðnings PGA í bataferlinu og einangruninni sem nú tekur við, í samræmi við leiðbeiningar heilbrigðisyfirvalda. Með heilsu allra sem að mótaröðinni koma í huga hefur PGA-mótaröðin hafið viðbragðsaðgerðir í samráði við heilbrigðissérfræðinga, þar á meðal með þeim sem voru í mestum samskiptum við Nick,“ sagði í yfirlýsingunni. Hjartað sló hraðar og maður varð órólegur Luke List og Vaughn Taylor voru í ráshópi með Watney og héldu áfram keppni í gær. Taylor greindi frá því að starfsmaður mótaraðarinnar hefði sagt þeim frá veikindum Watney eftir fyrri níu holurnar í gær. „Ég fékk smá sjokk, ef ég á að segja eins og er. Hjartað fór að slá hraðar og maður varð svolítið órólegur,“ sagði Taylor. Þeir List og kylfusveinar voru strax teknir í próf til að sjá hvort að þeir hefðu smitast. „Ég var ekki í neinum nánum samskiptum við Nick í gær. Við héldum okkar fjarlægð og tókumst ekki í hendur. Strax eftir hringinn þá þvoði ég mér um hendurnar. Nick hóstaði aldrei eða hnerraði. Þess vegna líður mér ágætlega,“ sagði Taylor. Brooks Koepka veltir fyrir sér pútti á RBC Heritage mótinu.VÍSIR/GETTY Brooks Koepka, sem eitt sinn var efsti maður heimslistans, tók undir að það væri óþægilegt að vita til þess að smit hefði komið upp í keppendahópnum. „Það er óheppilegt að Nick hafi smitast. Á sama tíma vonar maður að þetta sé einangrað tilvik og að þetta dreifist ekki, því við stöndum frammi fyrir miklum vanda ef að þetta heldur svona áfram á komandi vikum,“ sagði Koepka. Mótið í Suður-Karólínu er aðeins annað mótið eftir langt hlé vegna kórónuveirufaraldursins. Í síðustu viku fór fram Charles Schwab Challenge þar sem 487 sýni voru tekin en ekkert reyndist jákvætt. Watney lék á því móti en komst ekki í gegnum niðurskurðinn. Golf Faraldur kórónuveiru (COVID-19) Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Fyrsti svarti dómarinn í ensku úrvalsdeildinni lærir að ganga á ný Enski boltinn Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Fleiri fréttir Tiger hringdi í Trump til að segja honum frá sambandinu McIlroy meiddur í aðdraganda Masters McIlroy annar til að þéna hundrað milljónir á PGA-mótaröðinni Gunnlaugur Árni í hóp fjörutíu bestu í heimi Tiger og Trump staðfesta sambandið Gunnlaugur Árni fagnaði og fer í hóp fimmtíu bestu McIlroy vann einvígið en Spaun fór í vatnið Players endar í einvígi: „Halda allir að hann vinni“ Spaun með naumt forskot á Players en McIlroy á enn möguleika Justin Thomas jafnaði vallarmetið á öðrum degi Players Gjammandi áhorfandinn biður McIlroy afsökunar McIlroy tók síma af gjammandi áhorfanda Tiger Woods sleit hásin Tiger syrgir móður sína og sleppir Players Enn að jafna sig á fráfalli móður sinnar og óviss hvort hann keppir á Players Ryder Cup snýr aftur á Stöð 2 Sport Var í mótorhjólagengi, sat inni en er nú kominn á Opna breska Sjá meira
Hinn 39 ára gamli Nick Watney varð að hætta keppni á PGA-mótinu RBC Heritage eftir að hann reyndist smitaður af kórónuveirunni. Aðrir kylfingar munu halda áfram leik þrátt fyrir að málið hafi valdið einhverjum óróleika. Keppni á PGA-mótaröðinni er eitt af fyrstu skrefunum í að íþróttalíf í Bandaríkjunum komist aftur í sama far og fyrir kórónuveirufaraldurinn. Engir áhorfendur eru á mótunum og þurfa keppendur að fara eftir ýmsum reglum til að minnka smithættu. Allir fóru þeir í próf við komuna á mótið í Suður-Karólínu, þar á meðal Watney, en ekkert smit greindist þá. Watney lék fyrsta hring mótsins á fimmtudag en hætti svo. „Á föstudag, áður en hann mætti á mótsstað, sagðist hann finna fyrir einkennum og eftir að hann ráðfærði sig við lækni var tekið próf sem reyndist jákvætt,“ sagði í yfirlýsingu frá PGA-mótaröðinni. „Nick mun njóta fulls stuðnings PGA í bataferlinu og einangruninni sem nú tekur við, í samræmi við leiðbeiningar heilbrigðisyfirvalda. Með heilsu allra sem að mótaröðinni koma í huga hefur PGA-mótaröðin hafið viðbragðsaðgerðir í samráði við heilbrigðissérfræðinga, þar á meðal með þeim sem voru í mestum samskiptum við Nick,“ sagði í yfirlýsingunni. Hjartað sló hraðar og maður varð órólegur Luke List og Vaughn Taylor voru í ráshópi með Watney og héldu áfram keppni í gær. Taylor greindi frá því að starfsmaður mótaraðarinnar hefði sagt þeim frá veikindum Watney eftir fyrri níu holurnar í gær. „Ég fékk smá sjokk, ef ég á að segja eins og er. Hjartað fór að slá hraðar og maður varð svolítið órólegur,“ sagði Taylor. Þeir List og kylfusveinar voru strax teknir í próf til að sjá hvort að þeir hefðu smitast. „Ég var ekki í neinum nánum samskiptum við Nick í gær. Við héldum okkar fjarlægð og tókumst ekki í hendur. Strax eftir hringinn þá þvoði ég mér um hendurnar. Nick hóstaði aldrei eða hnerraði. Þess vegna líður mér ágætlega,“ sagði Taylor. Brooks Koepka veltir fyrir sér pútti á RBC Heritage mótinu.VÍSIR/GETTY Brooks Koepka, sem eitt sinn var efsti maður heimslistans, tók undir að það væri óþægilegt að vita til þess að smit hefði komið upp í keppendahópnum. „Það er óheppilegt að Nick hafi smitast. Á sama tíma vonar maður að þetta sé einangrað tilvik og að þetta dreifist ekki, því við stöndum frammi fyrir miklum vanda ef að þetta heldur svona áfram á komandi vikum,“ sagði Koepka. Mótið í Suður-Karólínu er aðeins annað mótið eftir langt hlé vegna kórónuveirufaraldursins. Í síðustu viku fór fram Charles Schwab Challenge þar sem 487 sýni voru tekin en ekkert reyndist jákvætt. Watney lék á því móti en komst ekki í gegnum niðurskurðinn.
Golf Faraldur kórónuveiru (COVID-19) Mest lesið Var með skýrar reglur um eiginkonur bræðranna Sport Ellefu Íslendingar hluti af hinu eftirsótta eina prósenti í CrossFit heiminum Sport Ærandi þögn þegar Elías Ingi lenti í lyftu með Skagamönnum Íslenski boltinn Fyrsti svarti dómarinn í ensku úrvalsdeildinni lærir að ganga á ný Enski boltinn Tiger hringdi í Trump til að segja honum frá sambandinu Golf Faðir Arnars og Bjarka fékk nóg og hótaði að berja George Kirby Íslenski boltinn Hefur áhyggjur af Glódísi fyrir EM: „Búinn að vita lengi hvað væri rétt að gera“ Fótbolti Stuðningsmenn Chelsea og Man. City þurfa að afhenda lögreglu vegabréf sín Enski boltinn Skoraði fyrir látinn litla bróður sinn Enski boltinn Versta staða Íslands síðan Lars og Heimir hófu ævintýrið Fótbolti Fleiri fréttir Tiger hringdi í Trump til að segja honum frá sambandinu McIlroy meiddur í aðdraganda Masters McIlroy annar til að þéna hundrað milljónir á PGA-mótaröðinni Gunnlaugur Árni í hóp fjörutíu bestu í heimi Tiger og Trump staðfesta sambandið Gunnlaugur Árni fagnaði og fer í hóp fimmtíu bestu McIlroy vann einvígið en Spaun fór í vatnið Players endar í einvígi: „Halda allir að hann vinni“ Spaun með naumt forskot á Players en McIlroy á enn möguleika Justin Thomas jafnaði vallarmetið á öðrum degi Players Gjammandi áhorfandinn biður McIlroy afsökunar McIlroy tók síma af gjammandi áhorfanda Tiger Woods sleit hásin Tiger syrgir móður sína og sleppir Players Enn að jafna sig á fráfalli móður sinnar og óviss hvort hann keppir á Players Ryder Cup snýr aftur á Stöð 2 Sport Var í mótorhjólagengi, sat inni en er nú kominn á Opna breska Sjá meira