Guðrún sér ekki eftir því að hafa þverneitað að ræða við Ron Jeremy Jakob Bjarnar skrifar 24. júní 2020 11:53 Ron Jeremy klámmyndaleikari mætti til Íslands árið 2002. Gríðarlega athygli vakti þegar Guðrún Gunnarsdóttir neitaði að taka viðtal við manninn. Það dæmdist á Snorra Má að ræða við Ron Jeremy og það gerði hann með óbragð í munni. Ron Jeremy klámmyndaleikari, sem nú hefur af saksóknurum í Bandaríkjunum verið ákærður fyrir að hafa nauðgað þremur konum og ráðist á þá fjórðu, kom til Íslands árið 2002. Þetta var í tengslum við heimildarmynd sem gerð hafi verið um „líf hans og störf“ eins og það var orðað. Almennt og heilt yfir var honum tekið með kostum og kynjum. Nánast eins og þjóðhöfðingi væri á ferð. Þó ekki af öllum. Guðrún Gunnarsdóttir útvarpsmaður, sem þá starfaði sem sjónvarpsmaður á Stöð 2, þverneitaði að taka viðtal við manninn þegar það kom óvænt á borð hennar. Fannst þetta bara ekki í lagi Samstarfsmaður Guðrúnar, en þau höfðu umsjón með Íslandi í dag sem var beintengd fréttastofu Stöðvar 2, var Snorri Már Skúlason og það kom í hans hlut að ræða við Ron Jeremy. „Ég vildi ekki taka viðtal við manninn af því að ég … vildi það ekki,“ segir Guðrún í samtali við Vísi og hlær. Hún segir að það hafi hreinlega strítt gegn allri hennar sannfæringu og siðferðisviðmiðunum. Guðrún Gunnarsdóttir ásamt samstarfsmanni sínum Gunnari Hanssyni á Rás 1. Það stríddi gegn samvisku hennar að taka viðtal við Ron Jeremy á sínum tíma og hún sér ekki eftir þeirri ákvörðun sinni.Samtónn /Ásta Kristjánsdóttir „Mér fannst fáránlegt að vera að hampa einhverjum klámmyndaleikara í svona þætti. Og nú er ég ekki að segja að tilgangurinn hafi verið að hampa honum en á þessum tíma þótti eðlilegt að taka viðtal við manninn. Ég var bara mótfallin því. Ég vildi ekki vera í þeim sporum. Mér fannst það alveg súrrealískt,“ segir Guðrún sem rifjar upp þetta atvik sem kom upp fyrir heilum 18 árum. Hún segir að hann hafi farið víða við kynningu á myndinni, farið í einhverja framhaldsskóla og setið þar fyrir svörum. „Mér fannst þetta bara ekki í lagi.“ Gríðarlega umdeild ákvörðun Guðrúnar Guðrún segir að þessi afstaða hennar hafi ekki verið sett fram sem nein yfirlýsing af hennar hálfu. Það hafi bara komið fram í viðtalinu og það sem slíkt vakti gríðarlega athygli. Sem segir sína sögu. „Ég held að tímarnir hafi sem betur fer breyst,“ segir Guðrún sem telur ákvörðun hennar hafi elst ágætlega. „En ég tók mér þann rétt að vera ekki með í viðtali sem ég vildi ekki vera með í. Það var alveg samþykkt. Það er ekki hægt að pína mann til að vera í einhverju viðtali sem maður vill ekki vera með í.“ Arnar Eggert Thoroddsen blaðamaður Morgunblaðsins ræddi við „kappann“ og birtist viðtalið 24. október 2002. Þar lýsir Arnar Eggert honum sem „búlduleitum vinnuþjarki“ en fram kemur að hann muni vera á ferð og flugi á Íslandi. Jeremy svari spurningum úr sal eftir sýningu myndarinnar „Pornstar: The Legend of Ron Jeremy. „Þá verður hann með miðnæturuppistand á föstudagskvöldinu ásamt Jóni Gnarr og Pétri „Ding Dong“ Sigfússyni. Á laugardagskvöld verða svo tónleikar með XXX Rotweiler þar sem Jeremy kemur einnig fram.“ Og við eftirgrennslan á tímarit.is og með googli má sjá að það eru engar ýkjur, afstaða Guðrúnar vakti mikla athygli. En hún hlaut einnig hrós og meira að segja viðurkenningu vegna þessarar ákvörðunar. Urðu nokkur blaðaskrif um málið sem var ekki síst umdeilt meðal blaðamanna. Guðrún varð fyrir aðkasti og kölluð tepra Sigmar Guðmundsson fjölmiðlamaður var í hópi þeirra sem voru gagnrýnir á afstöðu Guðrúnar og það að hún hefði fengið sérstaka viðurkenningu fyrir að neita að taka viðtal. Sigmar skrifaði grein í Morgunblaðið af þessu tilefni undir fyrirsögninni: „Viðurkenningarvæðing í fréttum“. Sigmar segir að flestir fréttamenn hafi séð fréttefni í þessum manni. „Meira að segja Morgunblaðið tók viðtal við Ron Jeremy. Varð Morgunblaðið við það þátttakandi í klámvæðingu? Mogginn!!! Þessi sanni boðberi kristilegs siðferðis…“ Sigmar taldi vitleysuna hafa náð áður óþekktum hæðum. „Ég var krafin svara og varð fyrir aðkasti fyrir þessa afstöðu mína. Sem er sérstakt,“ segir Guðrún. „Ég man enn eftir því. Fór í einhver viðtöl vegna þessa: „Hvað er að þér?“ Maður var kölluð tepra og allt þetta: Hvaða voða viðkvæmni og bla bla, í þessum dúr. Hvað væri að mér að vilja ekki taka viðtal við þennan mann.“ Guðrún segist ekki sjá eftir ákvörðun sinni og stendur við hana enn þann dag í dag. „Ég hef aldrei séð eftir þessu.“ Ræddi með óbragð í munni við Ron Jeremy Það féll því í hlut Snorra Más að ræða við þennan einkennilega og umdeilda mann sem gerði það að æfistarfi sínu að leika í klámmyndum og er nú í haldi ákærður fyrir nauðgun. Snorri Már segir að á dauða sínum hafi hann átt von en ekki því að þurfa að svara fyrir þetta viðtal átján árum síðar. Hann segist ekki muna mikið eftir viðtali efnislega. En þó því að hann hafi verið afar krítískur. Snorri Már segist hafa virt afstöðu Guðrúnar enda hafi hann haft svipaða tilfinningu og hún gagnvart þessu verkefni.visir/vilhelm „Já, ég reyndi að vera krítískur á hann og þennan iðnað. Sem var hans veruleiki og honum fannst sjálfsagðasti hlutur í heimi. Ég fór með krítískt hugarfar í þetta viðtal, ekki síst vegna þess að samstarfskonan neitaði að vera með í viðtalinu,“ segir Snorri Már. Hann segist hafa virt ákvörðun Guðrúnar og hafi haft mjög svipaða tilfinningu fyrir þessu verkefni. „Ég man að ég var krítískur á þennan klámiðnað sem hann stóð fyrir, eða var að tala fyrir. Og normalisera. Hann var í þeim gír. Ég reyndi að standa á móti eins og fréttamenn reyna að vera, að vera krítískir einkum á umdeilda menn sem þessi maður var vissulega.“ Ekki stoltur af spjalli sínu við klámhundinn Snorra rekur ekki minni til þess að hafa haft neitt af Ron Jeremy að segja, hann kom í húsið þar sem Stöð 2 og fjöldi útvarpsstöðva höfðu bækistöðvar sínar. Mætti í viðtalið og var farinn. Þetta kom óvænt upp, Snorri Már var hluti af fréttastofunni og það kom í hans hlut að ræða við manninn. Þetta sé einkennileg staða að vera í sem blaðamaður að ræða við einhvern þann sem maður hefur jafnvel óbeit á. Snorri Már segist svo sem ekkert stoltur af því að hafa rætt við þennan klámhund þarna fyrir 18 árum. „Mig langaði ekkert til að taka þetta viðtal, en maður var í þessu starfi. Stundum þarf að gera fleira en gott þykir. Smá óbragð en þetta var vinnan mín og stundum fær maður verkefni sem maður er ekkert endilega dús við,“ segir Snorri Már. Einu sinni var... Fjölmiðlar Mest lesið „Mér líður eins og þeir hafi kúkað á leiðið“ Innlent Gekk fram á sofandi ferðamann á heilsugæslunni Innlent Kourani þurfti undanþágu til að heita Jóhannesson Innlent Bráðabirgðamælingar sýna heitasta dag jarðar frá upphafi mælinga Erlent Lögreglumaður skaut konu í höfuðið á heimili hennar Erlent Geta ekki selt hús því ókunnugt fólk er með skráð lögheimili í því Innlent Aukin hætta á eldgosi innan bæjarmarka Grindavíkur Innlent Kári vandar um við heimsfrægan rithöfundinn Innlent Það getur skipt máli fyrir heilsuna hvar þú situr í flugvél Innlent Umboðsmaður Alþingis áminnir ríkislögreglustjóra Innlent Fleiri fréttir Röng skilaboð að Yaris borgi það sama og stór jeppi Man ekki eftir öðru eins í sinni búskapartíð Gríðarlegir hagsmunir í húfi fyrir sjávarútveg að Skaginn 3X lifi Mikil hætta á gosi í Grindavík og óvissa í flugrekstri Geta ekki selt hús því ókunnugt fólk er með skráð lögheimili í því Aukin hætta á eldgosi innan bæjarmarka Grindavíkur Slapp með skrámur eftir veltu á Reykjanesbraut Gekk fram á sofandi ferðamann á heilsugæslunni Hlutfall nýnema sem útskrifast aldrei verið hærra Sóttu veikan göngumann á Hornstrandir „Þetta eru ekki bara viðvörunarbjöllur heldur rauð ljós“ Áskorun fyrir konu úti á landi að tjá sig um menntamál „Mér líður eins og þeir hafi kúkað á leiðið“ Borgi sig ekki að reisa nýja varnargarða nær Grindavík Kourani þurfti undanþágu til að heita Jóhannesson Hættumat og nafnabreytingar brotamanna Margt enn á huldu um sprenginguna á flugvellinum Kári vandar um við heimsfrægan rithöfundinn Þurftu ekki að greiða í Strætó vegna bilunar Umboðsmaður Alþingis áminnir ríkislögreglustjóra Handtökur í tengslum við slagsmál og líkamsárás Það getur skipt máli fyrir heilsuna hvar þú situr í flugvél Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar Sjá meira
Ron Jeremy klámmyndaleikari, sem nú hefur af saksóknurum í Bandaríkjunum verið ákærður fyrir að hafa nauðgað þremur konum og ráðist á þá fjórðu, kom til Íslands árið 2002. Þetta var í tengslum við heimildarmynd sem gerð hafi verið um „líf hans og störf“ eins og það var orðað. Almennt og heilt yfir var honum tekið með kostum og kynjum. Nánast eins og þjóðhöfðingi væri á ferð. Þó ekki af öllum. Guðrún Gunnarsdóttir útvarpsmaður, sem þá starfaði sem sjónvarpsmaður á Stöð 2, þverneitaði að taka viðtal við manninn þegar það kom óvænt á borð hennar. Fannst þetta bara ekki í lagi Samstarfsmaður Guðrúnar, en þau höfðu umsjón með Íslandi í dag sem var beintengd fréttastofu Stöðvar 2, var Snorri Már Skúlason og það kom í hans hlut að ræða við Ron Jeremy. „Ég vildi ekki taka viðtal við manninn af því að ég … vildi það ekki,“ segir Guðrún í samtali við Vísi og hlær. Hún segir að það hafi hreinlega strítt gegn allri hennar sannfæringu og siðferðisviðmiðunum. Guðrún Gunnarsdóttir ásamt samstarfsmanni sínum Gunnari Hanssyni á Rás 1. Það stríddi gegn samvisku hennar að taka viðtal við Ron Jeremy á sínum tíma og hún sér ekki eftir þeirri ákvörðun sinni.Samtónn /Ásta Kristjánsdóttir „Mér fannst fáránlegt að vera að hampa einhverjum klámmyndaleikara í svona þætti. Og nú er ég ekki að segja að tilgangurinn hafi verið að hampa honum en á þessum tíma þótti eðlilegt að taka viðtal við manninn. Ég var bara mótfallin því. Ég vildi ekki vera í þeim sporum. Mér fannst það alveg súrrealískt,“ segir Guðrún sem rifjar upp þetta atvik sem kom upp fyrir heilum 18 árum. Hún segir að hann hafi farið víða við kynningu á myndinni, farið í einhverja framhaldsskóla og setið þar fyrir svörum. „Mér fannst þetta bara ekki í lagi.“ Gríðarlega umdeild ákvörðun Guðrúnar Guðrún segir að þessi afstaða hennar hafi ekki verið sett fram sem nein yfirlýsing af hennar hálfu. Það hafi bara komið fram í viðtalinu og það sem slíkt vakti gríðarlega athygli. Sem segir sína sögu. „Ég held að tímarnir hafi sem betur fer breyst,“ segir Guðrún sem telur ákvörðun hennar hafi elst ágætlega. „En ég tók mér þann rétt að vera ekki með í viðtali sem ég vildi ekki vera með í. Það var alveg samþykkt. Það er ekki hægt að pína mann til að vera í einhverju viðtali sem maður vill ekki vera með í.“ Arnar Eggert Thoroddsen blaðamaður Morgunblaðsins ræddi við „kappann“ og birtist viðtalið 24. október 2002. Þar lýsir Arnar Eggert honum sem „búlduleitum vinnuþjarki“ en fram kemur að hann muni vera á ferð og flugi á Íslandi. Jeremy svari spurningum úr sal eftir sýningu myndarinnar „Pornstar: The Legend of Ron Jeremy. „Þá verður hann með miðnæturuppistand á föstudagskvöldinu ásamt Jóni Gnarr og Pétri „Ding Dong“ Sigfússyni. Á laugardagskvöld verða svo tónleikar með XXX Rotweiler þar sem Jeremy kemur einnig fram.“ Og við eftirgrennslan á tímarit.is og með googli má sjá að það eru engar ýkjur, afstaða Guðrúnar vakti mikla athygli. En hún hlaut einnig hrós og meira að segja viðurkenningu vegna þessarar ákvörðunar. Urðu nokkur blaðaskrif um málið sem var ekki síst umdeilt meðal blaðamanna. Guðrún varð fyrir aðkasti og kölluð tepra Sigmar Guðmundsson fjölmiðlamaður var í hópi þeirra sem voru gagnrýnir á afstöðu Guðrúnar og það að hún hefði fengið sérstaka viðurkenningu fyrir að neita að taka viðtal. Sigmar skrifaði grein í Morgunblaðið af þessu tilefni undir fyrirsögninni: „Viðurkenningarvæðing í fréttum“. Sigmar segir að flestir fréttamenn hafi séð fréttefni í þessum manni. „Meira að segja Morgunblaðið tók viðtal við Ron Jeremy. Varð Morgunblaðið við það þátttakandi í klámvæðingu? Mogginn!!! Þessi sanni boðberi kristilegs siðferðis…“ Sigmar taldi vitleysuna hafa náð áður óþekktum hæðum. „Ég var krafin svara og varð fyrir aðkasti fyrir þessa afstöðu mína. Sem er sérstakt,“ segir Guðrún. „Ég man enn eftir því. Fór í einhver viðtöl vegna þessa: „Hvað er að þér?“ Maður var kölluð tepra og allt þetta: Hvaða voða viðkvæmni og bla bla, í þessum dúr. Hvað væri að mér að vilja ekki taka viðtal við þennan mann.“ Guðrún segist ekki sjá eftir ákvörðun sinni og stendur við hana enn þann dag í dag. „Ég hef aldrei séð eftir þessu.“ Ræddi með óbragð í munni við Ron Jeremy Það féll því í hlut Snorra Más að ræða við þennan einkennilega og umdeilda mann sem gerði það að æfistarfi sínu að leika í klámmyndum og er nú í haldi ákærður fyrir nauðgun. Snorri Már segir að á dauða sínum hafi hann átt von en ekki því að þurfa að svara fyrir þetta viðtal átján árum síðar. Hann segist ekki muna mikið eftir viðtali efnislega. En þó því að hann hafi verið afar krítískur. Snorri Már segist hafa virt afstöðu Guðrúnar enda hafi hann haft svipaða tilfinningu og hún gagnvart þessu verkefni.visir/vilhelm „Já, ég reyndi að vera krítískur á hann og þennan iðnað. Sem var hans veruleiki og honum fannst sjálfsagðasti hlutur í heimi. Ég fór með krítískt hugarfar í þetta viðtal, ekki síst vegna þess að samstarfskonan neitaði að vera með í viðtalinu,“ segir Snorri Már. Hann segist hafa virt ákvörðun Guðrúnar og hafi haft mjög svipaða tilfinningu fyrir þessu verkefni. „Ég man að ég var krítískur á þennan klámiðnað sem hann stóð fyrir, eða var að tala fyrir. Og normalisera. Hann var í þeim gír. Ég reyndi að standa á móti eins og fréttamenn reyna að vera, að vera krítískir einkum á umdeilda menn sem þessi maður var vissulega.“ Ekki stoltur af spjalli sínu við klámhundinn Snorra rekur ekki minni til þess að hafa haft neitt af Ron Jeremy að segja, hann kom í húsið þar sem Stöð 2 og fjöldi útvarpsstöðva höfðu bækistöðvar sínar. Mætti í viðtalið og var farinn. Þetta kom óvænt upp, Snorri Már var hluti af fréttastofunni og það kom í hans hlut að ræða við manninn. Þetta sé einkennileg staða að vera í sem blaðamaður að ræða við einhvern þann sem maður hefur jafnvel óbeit á. Snorri Már segist svo sem ekkert stoltur af því að hafa rætt við þennan klámhund þarna fyrir 18 árum. „Mig langaði ekkert til að taka þetta viðtal, en maður var í þessu starfi. Stundum þarf að gera fleira en gott þykir. Smá óbragð en þetta var vinnan mín og stundum fær maður verkefni sem maður er ekkert endilega dús við,“ segir Snorri Már.
Einu sinni var... Fjölmiðlar Mest lesið „Mér líður eins og þeir hafi kúkað á leiðið“ Innlent Gekk fram á sofandi ferðamann á heilsugæslunni Innlent Kourani þurfti undanþágu til að heita Jóhannesson Innlent Bráðabirgðamælingar sýna heitasta dag jarðar frá upphafi mælinga Erlent Lögreglumaður skaut konu í höfuðið á heimili hennar Erlent Geta ekki selt hús því ókunnugt fólk er með skráð lögheimili í því Innlent Aukin hætta á eldgosi innan bæjarmarka Grindavíkur Innlent Kári vandar um við heimsfrægan rithöfundinn Innlent Það getur skipt máli fyrir heilsuna hvar þú situr í flugvél Innlent Umboðsmaður Alþingis áminnir ríkislögreglustjóra Innlent Fleiri fréttir Röng skilaboð að Yaris borgi það sama og stór jeppi Man ekki eftir öðru eins í sinni búskapartíð Gríðarlegir hagsmunir í húfi fyrir sjávarútveg að Skaginn 3X lifi Mikil hætta á gosi í Grindavík og óvissa í flugrekstri Geta ekki selt hús því ókunnugt fólk er með skráð lögheimili í því Aukin hætta á eldgosi innan bæjarmarka Grindavíkur Slapp með skrámur eftir veltu á Reykjanesbraut Gekk fram á sofandi ferðamann á heilsugæslunni Hlutfall nýnema sem útskrifast aldrei verið hærra Sóttu veikan göngumann á Hornstrandir „Þetta eru ekki bara viðvörunarbjöllur heldur rauð ljós“ Áskorun fyrir konu úti á landi að tjá sig um menntamál „Mér líður eins og þeir hafi kúkað á leiðið“ Borgi sig ekki að reisa nýja varnargarða nær Grindavík Kourani þurfti undanþágu til að heita Jóhannesson Hættumat og nafnabreytingar brotamanna Margt enn á huldu um sprenginguna á flugvellinum Kári vandar um við heimsfrægan rithöfundinn Þurftu ekki að greiða í Strætó vegna bilunar Umboðsmaður Alþingis áminnir ríkislögreglustjóra Handtökur í tengslum við slagsmál og líkamsárás Það getur skipt máli fyrir heilsuna hvar þú situr í flugvél Skólabílstjóri og hestamálari úr Hvalfjarðarsveit Þróunin sé merki um að afleiðingar Covid séu betur að koma í ljós Jákvæðar hliðar færri ferðamanna og vendingar í bandarískum stjórnmálum Fínn hvítur salli gerir íbúum Laugarneshverfis lífið leitt Kourani tekur upp íslenskt nafn Lenti í ofbeldissambandi með frönskum bíl Hafa áhyggjur af auknu ofbeldi, áhættuhegðun og vopnaburði barna Ná síður að hirða salernispappír vegna niðurskurðar Sjá meira