Nýtt lag frá MAMMÚT: „Lærðum að þekkja okkur betur sem hópur“ Sylvía Rut Sigfúsdóttir skrifar 13. ágúst 2020 17:00 Nýjasta plata MAMMÚT var unnin í tveimur löndum, sem styrkti samband hljómsveitarmeðlima. Mynd/Saga Sig Hljómsveitin MAMMÚT gaf út smáskífuna Prince í dag, en laginu lýsa þau sem leikandi indí-goth með hljóðheim sem minnir á fantasíuferðalag frá níunda áratugnum. Lagið er að finna á tilvonandi plötu þeirra, Ride The Fire, sem kemur út 23. október næstkomandi. „Platan er tekin upp af Árna Hjörvari úr hljómsveitinni The Vaccines, en hann ljáir einmitt Prince ómþýða barítónrödd sína,“ segir í tilkynningu frá hljómsveitinni. Katrína Mogensen, söngkona MAMMÚT, segir að Prince hafi orðið til snemma í upptökuferlinu en þau hafi haldið að það myndi aldrei enda á plötunni: „Þegar við vorum hins vegar að leggja lokahönd á upptökurnar þá lifnaði það skyndilega við og varð mikilvægur partur af henni. Prince varð því til á hárréttu augnabliki á algjörlega áreynslulausan hátt.“ Prince fylgir eftir lögunum Sun and Me og Fire sem komu út í síðasta mánuði, en sú smáskífa var einnig gefin út á 7” vínyl í takmörkuðu upplagi í gegnum heimasíðu MAMMÚT og í öllum betri plötubúðum, en aðeins eru örfá eintök eftir af henni. Myndefni vínylsins eru dúkristur eftir Ásu Dýradóttur bassaleikara hljómsveitarinnar, hannað og silkiprentað af hljómsveitarmeðlimum. Mynd eftir ljósmyndarann og listakonuna Sögu Sig prýðir bakhliðina. Hljóðblönduð af Sam Slater Platan Ride The Fire var tekin upp á Íslandi og London af Árna Hjörvari. Sam Slater hljóðblandaði plötuna en hann hefur meðal annars unnið með Hildi Guðnadóttir og upptökustýrt tónlistinni fyrir Joker og Chernobyl. Mandy Parnell, sem hefur meðal annars unnið með Björk og Sigur Rós sá síðan um hljóðjöfnun. „Ride The Fire er fyrsta útgáfa hljómsveitarinnar síðan platan Kinder Versions kom út árið 2017. Sú plata var tilnefnd til sex verðlauna á íslensku tónlistarverðlaununum það árið og hlaut þrjú þeirra. Katrína, Alexandra og Arnar stofnuðu MAMMÚT sem unglingar árið 2003 og fljótlega bættist Ása Dýradóttir í hópinn. Trommuleikarinn Valgeir Skorri Vernharðsson hefur nú gengið til liðs við hljómsveitina og þeytir frumraun sína sem meðlimur MAMMÚT á Ride the Fire en tilfinningaríkur og hljómmikill trommuleikur hans passar vel við leitandi hljóðheim sveitarinnar,“ segir í tilkynningunni. „Það kveður að mörgu leyti við nýjan hljóm hjá MAMMÚT á Ride The Fire en er þetta í fyrsta skiptið sem hljómsveitin tekur upp plötu á milli tveggja landa, Íslands og Bretlands. Þetta óhefðbundna upptökuferli leiddi til þess að hljómsveitarmeðlimir unnu að lagahlutum í sitt hvoru lagi, en ferlið skapaði þó ekki fjarlægð á milli hljómsveitarmeðlima heldur þvert á móti styrkti það traustið á milli þeirra og gaf þeim meira frelsi og vald til þess að spinna og umbreyta jafnvel lagasmíðum hvors annars. Plötuumslag Ride the Fire. Leikgleðin mikilvægt þema „Það var gagnkvæm virðing og frelsi í þessari vegferð,“ segir Ása. „Allar hugmyndir voru velkomnar. Þetta varð að hálfgerðri rannsóknarvinnu. Við lærðum að þekkja okkur betur sem hópur.“ Lögin á Ride The Fire eru sérstaklega myndræn og út frá þeim heimi skapaði hljómsveitin „persónur“ sem fylgja plötunni og eru hluti af sjónrænni umgjörð hennar. Ása lýsir þessu sem einskonar aðferð til að búa til strúktúr úr sköpunverki þeirra. Það mætti jafnvel líkja þessum persónulega sagnaheim við trúarbrögð en hann er þó glettinn í grunninn og er leikgleðin einmitt mikilvægt þema á plötunni. „Stjörnuspeki og trúarbrögð eru leið fyrir fullorðna til að leika sér og búa til nýtt myndmál. Við vorum mikið að hugsa um galdrana í því að búa til eigin sögur.“ Lögin tíu á Ride The Fire bjóða hlustandanum að stíga inn í þennan heim hljómsveitarinnar og upplifa það óvænta sem á vegi þeirra verður. Menning Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira
Hljómsveitin MAMMÚT gaf út smáskífuna Prince í dag, en laginu lýsa þau sem leikandi indí-goth með hljóðheim sem minnir á fantasíuferðalag frá níunda áratugnum. Lagið er að finna á tilvonandi plötu þeirra, Ride The Fire, sem kemur út 23. október næstkomandi. „Platan er tekin upp af Árna Hjörvari úr hljómsveitinni The Vaccines, en hann ljáir einmitt Prince ómþýða barítónrödd sína,“ segir í tilkynningu frá hljómsveitinni. Katrína Mogensen, söngkona MAMMÚT, segir að Prince hafi orðið til snemma í upptökuferlinu en þau hafi haldið að það myndi aldrei enda á plötunni: „Þegar við vorum hins vegar að leggja lokahönd á upptökurnar þá lifnaði það skyndilega við og varð mikilvægur partur af henni. Prince varð því til á hárréttu augnabliki á algjörlega áreynslulausan hátt.“ Prince fylgir eftir lögunum Sun and Me og Fire sem komu út í síðasta mánuði, en sú smáskífa var einnig gefin út á 7” vínyl í takmörkuðu upplagi í gegnum heimasíðu MAMMÚT og í öllum betri plötubúðum, en aðeins eru örfá eintök eftir af henni. Myndefni vínylsins eru dúkristur eftir Ásu Dýradóttur bassaleikara hljómsveitarinnar, hannað og silkiprentað af hljómsveitarmeðlimum. Mynd eftir ljósmyndarann og listakonuna Sögu Sig prýðir bakhliðina. Hljóðblönduð af Sam Slater Platan Ride The Fire var tekin upp á Íslandi og London af Árna Hjörvari. Sam Slater hljóðblandaði plötuna en hann hefur meðal annars unnið með Hildi Guðnadóttir og upptökustýrt tónlistinni fyrir Joker og Chernobyl. Mandy Parnell, sem hefur meðal annars unnið með Björk og Sigur Rós sá síðan um hljóðjöfnun. „Ride The Fire er fyrsta útgáfa hljómsveitarinnar síðan platan Kinder Versions kom út árið 2017. Sú plata var tilnefnd til sex verðlauna á íslensku tónlistarverðlaununum það árið og hlaut þrjú þeirra. Katrína, Alexandra og Arnar stofnuðu MAMMÚT sem unglingar árið 2003 og fljótlega bættist Ása Dýradóttir í hópinn. Trommuleikarinn Valgeir Skorri Vernharðsson hefur nú gengið til liðs við hljómsveitina og þeytir frumraun sína sem meðlimur MAMMÚT á Ride the Fire en tilfinningaríkur og hljómmikill trommuleikur hans passar vel við leitandi hljóðheim sveitarinnar,“ segir í tilkynningunni. „Það kveður að mörgu leyti við nýjan hljóm hjá MAMMÚT á Ride The Fire en er þetta í fyrsta skiptið sem hljómsveitin tekur upp plötu á milli tveggja landa, Íslands og Bretlands. Þetta óhefðbundna upptökuferli leiddi til þess að hljómsveitarmeðlimir unnu að lagahlutum í sitt hvoru lagi, en ferlið skapaði þó ekki fjarlægð á milli hljómsveitarmeðlima heldur þvert á móti styrkti það traustið á milli þeirra og gaf þeim meira frelsi og vald til þess að spinna og umbreyta jafnvel lagasmíðum hvors annars. Plötuumslag Ride the Fire. Leikgleðin mikilvægt þema „Það var gagnkvæm virðing og frelsi í þessari vegferð,“ segir Ása. „Allar hugmyndir voru velkomnar. Þetta varð að hálfgerðri rannsóknarvinnu. Við lærðum að þekkja okkur betur sem hópur.“ Lögin á Ride The Fire eru sérstaklega myndræn og út frá þeim heimi skapaði hljómsveitin „persónur“ sem fylgja plötunni og eru hluti af sjónrænni umgjörð hennar. Ása lýsir þessu sem einskonar aðferð til að búa til strúktúr úr sköpunverki þeirra. Það mætti jafnvel líkja þessum persónulega sagnaheim við trúarbrögð en hann er þó glettinn í grunninn og er leikgleðin einmitt mikilvægt þema á plötunni. „Stjörnuspeki og trúarbrögð eru leið fyrir fullorðna til að leika sér og búa til nýtt myndmál. Við vorum mikið að hugsa um galdrana í því að búa til eigin sögur.“ Lögin tíu á Ride The Fire bjóða hlustandanum að stíga inn í þennan heim hljómsveitarinnar og upplifa það óvænta sem á vegi þeirra verður.
Menning Mest lesið Færeyjaferð endaði á Hotel Cabin: „Búnar að hlæja viðstöðulaust síðan við fórum upp á völl“ Lífið Bannað að ræða fótbolta og heimilisfjármálin á stefnumótum Makamál Smakkaði skötu í beinni: „Sjitturinn, kött!“ Matur Falska söngkonan á leið í meðferð Lífið Íslendingar tilnefndir til Emmy-verðlauna Bíó og sjónvarp Eva segir lífið betra með Kára Stefáns Lífið „Unun að troðið sé á manni þegar svona er“ Lífið Gísli Pálmi í fótbolta með Barry Keoghan Lífið Erfið lífsreynsla að þurfa að yfirgefa heimili sitt Lífið Hélt niðri í sér hlátrinum yfir fölskum þjóðsöngnum Lífið Fleiri fréttir Myndaveisla: Almennilegt rigningardjamm á Kótelettunni Iceguys dansandi í handjárnum Retro Stefson koma aftur saman Portú-galin stemning hjá Villa Netó Herbert og Patrik leika við hvern sinn fingur í nýju myndbandi Þurfti að vinda skyrtuna eftir tryllt gigg í Víetnam Lætur langþráðan draum rætast og gefur út óð til grínsins Hugmyndin var að kveikja bókstaflega í Emmsjé Gauta Lesbíska dragdrottningin sem er að sigra tónlistarheiminn Sterk sumarást í sveitinni kveikti áhugann á þýskunni Kenndi Kelly Clarkson að bera fram Laufey og Björk Ungstirni gefur út sitt fyrsta lag DJ goðsögn stýrði trylltum dansi „Fólkið er kjarni Þjóðhátíðar og ég vildi sýna það“ Er ósigrandi á sviði og sækir orkuna niður í jörð Nýjasta súperstjarna heimsins „Stefni út í heim og er með stóra drauma“ Scooter til landsins með risatónleika í Laugardalshöll Maðurinn sem uppgötvaði Bieber kveður bransann Öxar við ána nú til í salsaútgáfu Lofar svakalegri veislu „Ég hef aldrei reynt að verða nokkur skapaður hlutur“ Frikki Dór er til í allt í þriðja skiptið Frikki fellir heimsmetið á miðnætti með Steinda jr. beran að ofan Lykilmaður íslensku rappsenunnar stígur inn í sviðsljósið „Country tónlist er ekki lengur bara sakbitin sæla“ Björgvin Halldórs kveður jólagesti í desember Myndaveisla: Patrik fagnaði PBT 2.0 með tónlistarveislu við höfnina Króli gat ekki hugsað um neitt annað en Bjór Leitt að geta ekki auglýst leynivopnið sem myndi trekkja að Sjá meira