„Meginþungi góðrar stjórnunar eru lærð viðhorf og hegðun“ Rakel Sveinsdóttir skrifar 24. febrúar 2020 09:00 Guðrún Högnadóttir framkvæmdastjóri FranklinCovey hvetur fyrirtæki til að þjálfa stjórnendur þannig að fleiri stjórnendur verði framúrskarandi. Vísir/Vilhelm „Stjórnendur skipta sköpum á öllum vinnustöðum og líkt og öflugir íþróttaþjálfarar leysa úr læðingi sameiginlegan slagkraft góðra leikmanna, þá eru framúrskarandi stjórnendur líklegri til að ná mun meiri árangri með sínum teymum en slakir eða meðalgóðir stjórnendur,“ segir Guðrún Högnadóttir framkvæmdastjóri FranklinCovey. Að hennar sögn skapa framúrskarandi leiðtogar það skilyrði fyrir fólk að það geri sitt besta og við þetta styðja fjöldi rannsókna. „Þannig er fylgni á milli góðrar stjórnunar og helgunar starfsmanna, tryggðar viðskiptavina og árangurs í rekstri,“ segir Guðrún. Nýverið gerði FranklinCovey könnun meðal stjórnenda þar sem gerður var samanburður á viðhorfum og hegðun meðalgóðra stjórnenda og þeirra sem teljast framúrskarandi. Í slembiúrtaki voru 400 framlínustjórnendur en framlínustjórnendur eru fyrirtækjum oft sérstaklega mikilvægir fyrir þær sakir að þeir geta haft svo mikil áhrif á ánægju, tryggð og upplifun viðskiptavina. Í kynningu á niðurstöðum rannsóknar segir meðal annars: „Á öllum vinnustöðum er að finna stjórnendur með frábæra hæfileika – eða „topp 20 prósent framúrskarandi frammistöðu“. Áskorunin felst í því að færa 60 prósentin sem samanstanda af meðalgóðum stjórnendum í átt að hærra frammistöðustigi topp 20 prósentanna.“ Að sögn Guðrúnar sýndu niðurstöður að „mikil gjá“ er á milli þeirra sem teljast meðalgóðir stjórnendur og þeirra sem teljast framúrskarandi. Þar séu meðalgóðir stjórnendur að dragast aftur úr. „Meðal áhugaverðra niðurstaðna eru til dæmis þær að framúrskarandi stjórnendur eru mun líklegri til að markþjálfa sína liðsmenn og eiga við þá dagleg samskipti, þeir eru einnig líklegri til að veita og sækjast eftir endurgjöf, og afgerandi munur er á áherslu þeirra til stefnumarkandi hugsunar og forgangsröðunar,“ segir Guðrún. Eins og sjá má á meðfylgjandi mynd hefur viðhorf stjórnenda til sinna eigin getu mikið að segja. Þá sýndi rannsóknin að stjórnendur eru að fást við sams konar áskoranir en að árangur þeirra væri mismunandi eftir því hvort þeir teljast framúrskarandi eða meðalgóðir. Framúrskarandi hafa meiri trú á því sjálfir að þeir geti náð árangri og eru líklegri til að vilja hjálpa teymum sínum í gegnum breytingar.Vísir/FranklinCovey Framúrskarandi stjórnandi eins og öflugur íþróttaþjálfari „Þegar allt kemur til alls eru leiðtogar einungis jafn góðir og árangurinn sem þeir ná. Framúrskarandi stjórnendur eru nærri þrisvar sinnum líklegri en meðalgóðir stjórnendur til að hafa trú á getu sinni til að ná þeim árangri sem er vænst og þeir eru tvisvar sinnum líklegri til að segja að þeir geti stýrt verkefni með árangursríkum hætti allt til loka þess,“ segir Guðrún. Máli sínu til frekari stuðnings bendir hún á rannsókn Harvard Business Review, „Proof that Good Managers Really Do Make a Difference,“ sem sýndi fram á mikla fylgni betri stjórnunar við umtalsvert aukna framleiðni, verðmætasköpun og vaxandi sölu. Eins bendir Guðrún á rannsókn World Management Survey en þar sýna niðurstöður jákvæða fylgni þeirra þjóða sem leggja rækt við góða stjórnunarhætti og vergrar þjóðarframleiðslu. En hvað þarf til að verða framúrskarandi stjórnandi? „Í stuttu máli má segja að framúrskarandi stjórnendur, líkt og árangursríkir einstaklingar, búa að góðum karakter og góðri færni. Karakter okkar einkennist til dæmis af heilindum, auðmýkt, kjarki og ásetningi en færni okkar einkennist af þekkingu, reynslu og árangri,“ segir Guðrún og bætir við „Sumir eiginleikar forystu kunna að vera meðfæddir, en meginþungi góðrar stjórnunar eru lærð viðhorf og hegðun. Ef þú hugsar um hvernig stjórnandi þú varst fyrir fimm árum og metur sjálfa þig í dag efast ég ekki um að það hafa orðið mikil breyting til batnaðar á þessum árum.“ Guðrún segir auðvelt að líkja stjórnun við íþróttir og bendir líka á að framlínustjórnendur þurfa aðra þjálfun en æðstu stjórnendur. „Mikilvægt er að muna að líkt og í íþróttum verður góð frammistaða ekki bara til með lestri góðra bóka, fjölda háskólagráða, áhorf á myndbönd eða þátttöku í „info-tainment“ fyrirlestrum. Aukin frammistaða byggir á sannreyndum aðferðum, þjálfun, samtölum, 360° mati, æfingum, þjálfun og aðgangi að góðum stuðningi. Einnig er afgerandi að höfða til ólíkra viðfangsefna stjórnenda á mismunandi stigum skipuritsins. Framlínustjórnendur þurfa aðra þjálfun en æðstu stjórnendur.“ Að lokum segir Guðrún að bestu vinnustaðirnir leggi rækt við allan stjórnendahópinn með hliðsjón af stefnu vinnustaðarins og skapa markvisst menningu til árangurs. „Lífstíðarlærdómur þjónar sérstaklega vel árangri stjórnenda.“ Mest lesið Blekking við neytendur eða leið til að halda „þægilegri verðpunkti“? Neytendur Eiginkonan kvartar undan fíflagangi á morgnana Atvinnulíf Óttast að raforkuverð fjórfaldist án inngrips Neytendur Gjaldþrot olíuleitarfélags upp á 12 milljarða Viðskipti innlent Að ná til baka tilfinningunni: Það er gaman í vinnunni Atvinnulíf Réttur og öryggi leigjenda aukast á sunnudaginn Neytendur Pálmasynir selja IKEA-starfsemina í Eystrasaltslöndunum Viðskipti innlent Þessari rafmagnsflugvél er ætlað að flytja 90 farþega Viðskipti erlent Zuckerberg harmar að hafa látið undan þrýstingi Bidens Viðskipti erlent Tapaði 1,2 milljörðum á fyrri hluta ársins Viðskipti innlent Fleiri fréttir Eiginkonan kvartar undan fíflagangi á morgnana Að ná til baka tilfinningunni: Það er gaman í vinnunni Á mannamáli: „Ég er bara einhver „nobody,“ við erum ekki með nein gögn“ Góð ráð til að hvetja starfsfólk til dáða fyrir síðustu spretti ársins Að yfirstíga eitthvað rosalega vandræðalegt atvik Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Að forðast að háma í okkur eftir vinnu Ofuráhersla á umhverfismálin þegar sjálfbærnin snýst í raun um fólk Hugmyndir fyrir tómlega vinnustaði og leiðinlega vinnudaga Sváfu með fullt af evrum undir koddanum fyrir flugmiðum heim ef þyrfti Ástin laðar að: Lúpínugallabuxur markmið næsta árs Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Sjá meira
„Stjórnendur skipta sköpum á öllum vinnustöðum og líkt og öflugir íþróttaþjálfarar leysa úr læðingi sameiginlegan slagkraft góðra leikmanna, þá eru framúrskarandi stjórnendur líklegri til að ná mun meiri árangri með sínum teymum en slakir eða meðalgóðir stjórnendur,“ segir Guðrún Högnadóttir framkvæmdastjóri FranklinCovey. Að hennar sögn skapa framúrskarandi leiðtogar það skilyrði fyrir fólk að það geri sitt besta og við þetta styðja fjöldi rannsókna. „Þannig er fylgni á milli góðrar stjórnunar og helgunar starfsmanna, tryggðar viðskiptavina og árangurs í rekstri,“ segir Guðrún. Nýverið gerði FranklinCovey könnun meðal stjórnenda þar sem gerður var samanburður á viðhorfum og hegðun meðalgóðra stjórnenda og þeirra sem teljast framúrskarandi. Í slembiúrtaki voru 400 framlínustjórnendur en framlínustjórnendur eru fyrirtækjum oft sérstaklega mikilvægir fyrir þær sakir að þeir geta haft svo mikil áhrif á ánægju, tryggð og upplifun viðskiptavina. Í kynningu á niðurstöðum rannsóknar segir meðal annars: „Á öllum vinnustöðum er að finna stjórnendur með frábæra hæfileika – eða „topp 20 prósent framúrskarandi frammistöðu“. Áskorunin felst í því að færa 60 prósentin sem samanstanda af meðalgóðum stjórnendum í átt að hærra frammistöðustigi topp 20 prósentanna.“ Að sögn Guðrúnar sýndu niðurstöður að „mikil gjá“ er á milli þeirra sem teljast meðalgóðir stjórnendur og þeirra sem teljast framúrskarandi. Þar séu meðalgóðir stjórnendur að dragast aftur úr. „Meðal áhugaverðra niðurstaðna eru til dæmis þær að framúrskarandi stjórnendur eru mun líklegri til að markþjálfa sína liðsmenn og eiga við þá dagleg samskipti, þeir eru einnig líklegri til að veita og sækjast eftir endurgjöf, og afgerandi munur er á áherslu þeirra til stefnumarkandi hugsunar og forgangsröðunar,“ segir Guðrún. Eins og sjá má á meðfylgjandi mynd hefur viðhorf stjórnenda til sinna eigin getu mikið að segja. Þá sýndi rannsóknin að stjórnendur eru að fást við sams konar áskoranir en að árangur þeirra væri mismunandi eftir því hvort þeir teljast framúrskarandi eða meðalgóðir. Framúrskarandi hafa meiri trú á því sjálfir að þeir geti náð árangri og eru líklegri til að vilja hjálpa teymum sínum í gegnum breytingar.Vísir/FranklinCovey Framúrskarandi stjórnandi eins og öflugur íþróttaþjálfari „Þegar allt kemur til alls eru leiðtogar einungis jafn góðir og árangurinn sem þeir ná. Framúrskarandi stjórnendur eru nærri þrisvar sinnum líklegri en meðalgóðir stjórnendur til að hafa trú á getu sinni til að ná þeim árangri sem er vænst og þeir eru tvisvar sinnum líklegri til að segja að þeir geti stýrt verkefni með árangursríkum hætti allt til loka þess,“ segir Guðrún. Máli sínu til frekari stuðnings bendir hún á rannsókn Harvard Business Review, „Proof that Good Managers Really Do Make a Difference,“ sem sýndi fram á mikla fylgni betri stjórnunar við umtalsvert aukna framleiðni, verðmætasköpun og vaxandi sölu. Eins bendir Guðrún á rannsókn World Management Survey en þar sýna niðurstöður jákvæða fylgni þeirra þjóða sem leggja rækt við góða stjórnunarhætti og vergrar þjóðarframleiðslu. En hvað þarf til að verða framúrskarandi stjórnandi? „Í stuttu máli má segja að framúrskarandi stjórnendur, líkt og árangursríkir einstaklingar, búa að góðum karakter og góðri færni. Karakter okkar einkennist til dæmis af heilindum, auðmýkt, kjarki og ásetningi en færni okkar einkennist af þekkingu, reynslu og árangri,“ segir Guðrún og bætir við „Sumir eiginleikar forystu kunna að vera meðfæddir, en meginþungi góðrar stjórnunar eru lærð viðhorf og hegðun. Ef þú hugsar um hvernig stjórnandi þú varst fyrir fimm árum og metur sjálfa þig í dag efast ég ekki um að það hafa orðið mikil breyting til batnaðar á þessum árum.“ Guðrún segir auðvelt að líkja stjórnun við íþróttir og bendir líka á að framlínustjórnendur þurfa aðra þjálfun en æðstu stjórnendur. „Mikilvægt er að muna að líkt og í íþróttum verður góð frammistaða ekki bara til með lestri góðra bóka, fjölda háskólagráða, áhorf á myndbönd eða þátttöku í „info-tainment“ fyrirlestrum. Aukin frammistaða byggir á sannreyndum aðferðum, þjálfun, samtölum, 360° mati, æfingum, þjálfun og aðgangi að góðum stuðningi. Einnig er afgerandi að höfða til ólíkra viðfangsefna stjórnenda á mismunandi stigum skipuritsins. Framlínustjórnendur þurfa aðra þjálfun en æðstu stjórnendur.“ Að lokum segir Guðrún að bestu vinnustaðirnir leggi rækt við allan stjórnendahópinn með hliðsjón af stefnu vinnustaðarins og skapa markvisst menningu til árangurs. „Lífstíðarlærdómur þjónar sérstaklega vel árangri stjórnenda.“
Mest lesið Blekking við neytendur eða leið til að halda „þægilegri verðpunkti“? Neytendur Eiginkonan kvartar undan fíflagangi á morgnana Atvinnulíf Óttast að raforkuverð fjórfaldist án inngrips Neytendur Gjaldþrot olíuleitarfélags upp á 12 milljarða Viðskipti innlent Að ná til baka tilfinningunni: Það er gaman í vinnunni Atvinnulíf Réttur og öryggi leigjenda aukast á sunnudaginn Neytendur Pálmasynir selja IKEA-starfsemina í Eystrasaltslöndunum Viðskipti innlent Þessari rafmagnsflugvél er ætlað að flytja 90 farþega Viðskipti erlent Zuckerberg harmar að hafa látið undan þrýstingi Bidens Viðskipti erlent Tapaði 1,2 milljörðum á fyrri hluta ársins Viðskipti innlent Fleiri fréttir Eiginkonan kvartar undan fíflagangi á morgnana Að ná til baka tilfinningunni: Það er gaman í vinnunni Á mannamáli: „Ég er bara einhver „nobody,“ við erum ekki með nein gögn“ Góð ráð til að hvetja starfsfólk til dáða fyrir síðustu spretti ársins Að yfirstíga eitthvað rosalega vandræðalegt atvik Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Að forðast að háma í okkur eftir vinnu Ofuráhersla á umhverfismálin þegar sjálfbærnin snýst í raun um fólk Hugmyndir fyrir tómlega vinnustaði og leiðinlega vinnudaga Sváfu með fullt af evrum undir koddanum fyrir flugmiðum heim ef þyrfti Ástin laðar að: Lúpínugallabuxur markmið næsta árs Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Sjá meira