Úrslitaleikur Meistaradeildarinnar: Leifturhraði Mbappé, há varnarlína Bayern og allt hitt Runólfur Trausti Þórhallsson skrifar 23. ágúst 2020 08:00 RB Leipzig v Paris Saint-Germain F.C - UEFA Champions League Semi Final LISBON, PORTUGAL - AUGUST 18: Kylian Mbappe of Paris Saint-Germain celebrates victory after the UEFA Champions League Semi Final match between RB Leipzig and Paris Saint-Germain F.C at Estadio do Sport Lisboa e Benfica on August 18, 2020 in Lisbon, Portugal. (Photo by Michael Regan - UEFA/UEFA via Getty Images) Klukkan 18:15 í dag hefst upphitun fyrir úrslitaleik Meistaradeildar Evrópu í knattspyrnu. Til að toppa þetta skrýtna tímabil þá hefur Meistaradeildin verið spiluð líkt og stórmót landsliða eru venjulega. Leikurinn milli franska olíuveldisins Paris Saint-Germain og Þýskalandsmeistara Bayern München hefst svo klukkan 19:00. Reikna má með frábærum leik en vart þarf að kynna leikmenn liðanna fyrir lesendum. Michael Cox hjá vefmiðlinum The Athletic hitaði upp fyrir leikinn nýverið. Telur Cox að há varnarlína Bayern gæti verið ástæða þess að sigurinn lendi öðru hvoru megin. Kylian Mbappé, framherji PSG og franska landsliðsins, er töluvert fljótari en hinn hefðbundni maður og hlakkar í honum að spila gegn Bayern ef þeir halda sig við háu varnarlínu sína. Frá því Meistaradeildin fór af stað í Lissabon í Portúgal – þar sem allir leikir síðan í 8-liða úrslitum hafa farið fram – þá hefur einstaklega há og aggressíf varnarlína Bayern vakið athygli. Hún hefur gengið upp – að mestu – þökk sé hinum síunga Manuel Neuer, markverði liðsins. Sá umturnaði markvarðarstöðunni á sínum tíma og spilar oftar en ekki meira sem sweeper heldur en markvörður. Neuer er hins vegar orðinn 34 ára gamall og hefur ekki þurft að glíma við framherja með sama hraða og Kylian Mbappé áður. Hér má sjá skjáskot af hárri varnarlínu Bayern gegn Barcelona.The Athletic/Michael Cox Bayern spilar með mjög lítið bil á milli fremsta og aftasta varnarmanns eins og sjá má á myndinni. Eitthvað sem Börsungar náðu alls ekki að nýta sér í 8-2 tapinu gegn Bæjurum en eflaust má reikna með að Mbappé geri meiri usla heldur en Luis Suarez. Þýskalandsmeistararnir lenti í smá vandræðum með Lyon í upphafi leiks er liðin mættust í undanúrslitum og á öðrum degi hefði Memphis Depay eða Karl Toko Ekambi mögulega refsað. Hvort PSG verði jafn góðhjarta og landar þeirra í Lyon á eftir að koma í ljós. Bayern hafa spilað svona ofarlega á vellinum síðan Hansli Flick tók við af Niko Kovač þann 3. nóvember síðastliðinn. Hefur þetta kostað liðið í einstaka leikjum en mest megnis gengið upp. Stóra spurningin er hvort Flick fórni þessari taktík einfaldlega vegna þess gífurlega hraða sem PSG-liðið býr yfir, þá aðallega títtnefndur Mbappé. Hins vegar gæti Flick viljað halda sig við það leikplan sem hefur virkað fyrir Bayern og því verið hræddur að breyta uppleggi þeirra. Cox tekur töluvert fleiri dæmi í grein sinni fyrir áhugasama. Will Bayern keep using their incredibly aggressive defensive line against Mbappe? https://t.co/Kp43m1C5HF— Michael Cox (@Zonal_Marking) August 21, 2020 PSG þarf þó einnig að hafa áhyggjur af sóknarleik andstæðinganna en Bayern skoraði jú átta mörk gegn Lionel Messi og félögum. Þeir skoruðu síðan þrjú gegn Lyon eftir brösuga byrjun. Þeirra helsta ógn er pólski framherjinn Robert Lewandowski sem ætti undir öllum kringumstæðum að vera fara lyfta Gullknettinum [Ballon d‘Or verðlaununum]. En sökum kórónufaraldursins var hætt við að gefa verðlaunin í ár. Lewandowski er alltaf líklegur til að skora enda búinn að skora hvorki meira né minna en 15 mörk í Meistaradeildinni á þessari leiktíð. Þá skoraði hann 34 mörk í þýsku úrvalsdeildinni, ái aðeins 31 leik. Varnarlína PSG þarf að hafa góðar gætur á þessum tveimur í kvöld.Michael Sohn/Pool via Getty Images Serge Gnabry virðist svo hafa fundið gömlu skóna hans Arjen Robben en Gnabry hefur verið stórkostlegur í þessu hlutverki hægri vængmanns sem fær að sækja inn á völlinn og lúðra knettinum á markið. Úrslitaleikur Meistaradeildar Evrópu hefst klukkan 19:00 og er sýndur í opinni dagskrá á Stöð 2 Sport 2. Fótbolti Meistaradeild Evrópu Mest lesið Liverpool leiði kapphlaupið um Guehi Fótbolti Meiðslin muni að öllum líkindum teygja sig inn í landsleikjapásuna Fótbolti Georgíumenn í góðum málum í íslenska riðlinum Handbolti Ótrúleg endurkoma skaut Börsungum á toppinn Fótbolti Atalanta mistókst að hirða toppsætið af Inter Fótbolti „Við áttum skilið að vinna í dag“ Fótbolti United nálgast efri hlutann Enski boltinn Sjötíu ára titlaþurrð á enda Enski boltinn Gengur út ef hann fær sömu meðferð og Glazerarnir Fótbolti Hinrik farinn til Noregs frá ÍA Fótbolti Fleiri fréttir Liverpool leiði kapphlaupið um Guehi Meiðslin muni að öllum líkindum teygja sig inn í landsleikjapásuna Atalanta mistókst að hirða toppsætið af Inter Fulham nær Evrópu eftir sigur á Tottenham Ótrúleg endurkoma skaut Börsungum á toppinn „Við áttum skilið að vinna í dag“ United nálgast efri hlutann Hinrik farinn til Noregs frá ÍA Stólarnir sóttu sinn fyrsta sigur Albert gulltryggði sigurinn gegn Juventus Sjötíu ára titlaþurrð á enda Brynjólfur í hetjuhlutverkinu í hollenska boltanum Merino aftur hetja Arsenal Karólína Lea lagði upp mark í stórsigri Cecilía fékk á sig tvö sjálfsmörk Fjórtán ára stelpa kom inn á í bandarísku atvinnumannadeildinni Íslendingaliðið tók dýrmæt stig af Napoli í toppbaráttunni Vantar fleiri klukkustundir í sólarhringinn Sjáðu hetjudáðir Stefáns Teits í enska boltanum í gær Fyrsti titill Slot í boði en Newcastle búið að biða í 56 ár Tvíburarnir áttu Arnars og Bjarka stund með unglingaliði Man. Utd Matraðarendurkoma Deli Alli entist bara í níu mínútur „Hver einasti blettur ætti að vera hluti af leiknum“ Gengur út ef hann fær sömu meðferð og Glazerarnir Haaland sló enn eitt metið í gær Býflugurnar kláruðu Bournemouth Stefán Teitur hetja Preston Madrídingar lyftu sér á toppinn Bæjarar töpuðu stigum í Berlín Fanney Inga í undanúrslit sænska bikarsins á fyrsta ári Sjá meira
Klukkan 18:15 í dag hefst upphitun fyrir úrslitaleik Meistaradeildar Evrópu í knattspyrnu. Til að toppa þetta skrýtna tímabil þá hefur Meistaradeildin verið spiluð líkt og stórmót landsliða eru venjulega. Leikurinn milli franska olíuveldisins Paris Saint-Germain og Þýskalandsmeistara Bayern München hefst svo klukkan 19:00. Reikna má með frábærum leik en vart þarf að kynna leikmenn liðanna fyrir lesendum. Michael Cox hjá vefmiðlinum The Athletic hitaði upp fyrir leikinn nýverið. Telur Cox að há varnarlína Bayern gæti verið ástæða þess að sigurinn lendi öðru hvoru megin. Kylian Mbappé, framherji PSG og franska landsliðsins, er töluvert fljótari en hinn hefðbundni maður og hlakkar í honum að spila gegn Bayern ef þeir halda sig við háu varnarlínu sína. Frá því Meistaradeildin fór af stað í Lissabon í Portúgal – þar sem allir leikir síðan í 8-liða úrslitum hafa farið fram – þá hefur einstaklega há og aggressíf varnarlína Bayern vakið athygli. Hún hefur gengið upp – að mestu – þökk sé hinum síunga Manuel Neuer, markverði liðsins. Sá umturnaði markvarðarstöðunni á sínum tíma og spilar oftar en ekki meira sem sweeper heldur en markvörður. Neuer er hins vegar orðinn 34 ára gamall og hefur ekki þurft að glíma við framherja með sama hraða og Kylian Mbappé áður. Hér má sjá skjáskot af hárri varnarlínu Bayern gegn Barcelona.The Athletic/Michael Cox Bayern spilar með mjög lítið bil á milli fremsta og aftasta varnarmanns eins og sjá má á myndinni. Eitthvað sem Börsungar náðu alls ekki að nýta sér í 8-2 tapinu gegn Bæjurum en eflaust má reikna með að Mbappé geri meiri usla heldur en Luis Suarez. Þýskalandsmeistararnir lenti í smá vandræðum með Lyon í upphafi leiks er liðin mættust í undanúrslitum og á öðrum degi hefði Memphis Depay eða Karl Toko Ekambi mögulega refsað. Hvort PSG verði jafn góðhjarta og landar þeirra í Lyon á eftir að koma í ljós. Bayern hafa spilað svona ofarlega á vellinum síðan Hansli Flick tók við af Niko Kovač þann 3. nóvember síðastliðinn. Hefur þetta kostað liðið í einstaka leikjum en mest megnis gengið upp. Stóra spurningin er hvort Flick fórni þessari taktík einfaldlega vegna þess gífurlega hraða sem PSG-liðið býr yfir, þá aðallega títtnefndur Mbappé. Hins vegar gæti Flick viljað halda sig við það leikplan sem hefur virkað fyrir Bayern og því verið hræddur að breyta uppleggi þeirra. Cox tekur töluvert fleiri dæmi í grein sinni fyrir áhugasama. Will Bayern keep using their incredibly aggressive defensive line against Mbappe? https://t.co/Kp43m1C5HF— Michael Cox (@Zonal_Marking) August 21, 2020 PSG þarf þó einnig að hafa áhyggjur af sóknarleik andstæðinganna en Bayern skoraði jú átta mörk gegn Lionel Messi og félögum. Þeir skoruðu síðan þrjú gegn Lyon eftir brösuga byrjun. Þeirra helsta ógn er pólski framherjinn Robert Lewandowski sem ætti undir öllum kringumstæðum að vera fara lyfta Gullknettinum [Ballon d‘Or verðlaununum]. En sökum kórónufaraldursins var hætt við að gefa verðlaunin í ár. Lewandowski er alltaf líklegur til að skora enda búinn að skora hvorki meira né minna en 15 mörk í Meistaradeildinni á þessari leiktíð. Þá skoraði hann 34 mörk í þýsku úrvalsdeildinni, ái aðeins 31 leik. Varnarlína PSG þarf að hafa góðar gætur á þessum tveimur í kvöld.Michael Sohn/Pool via Getty Images Serge Gnabry virðist svo hafa fundið gömlu skóna hans Arjen Robben en Gnabry hefur verið stórkostlegur í þessu hlutverki hægri vængmanns sem fær að sækja inn á völlinn og lúðra knettinum á markið. Úrslitaleikur Meistaradeildar Evrópu hefst klukkan 19:00 og er sýndur í opinni dagskrá á Stöð 2 Sport 2.
Fótbolti Meistaradeild Evrópu Mest lesið Liverpool leiði kapphlaupið um Guehi Fótbolti Meiðslin muni að öllum líkindum teygja sig inn í landsleikjapásuna Fótbolti Georgíumenn í góðum málum í íslenska riðlinum Handbolti Ótrúleg endurkoma skaut Börsungum á toppinn Fótbolti Atalanta mistókst að hirða toppsætið af Inter Fótbolti „Við áttum skilið að vinna í dag“ Fótbolti United nálgast efri hlutann Enski boltinn Sjötíu ára titlaþurrð á enda Enski boltinn Gengur út ef hann fær sömu meðferð og Glazerarnir Fótbolti Hinrik farinn til Noregs frá ÍA Fótbolti Fleiri fréttir Liverpool leiði kapphlaupið um Guehi Meiðslin muni að öllum líkindum teygja sig inn í landsleikjapásuna Atalanta mistókst að hirða toppsætið af Inter Fulham nær Evrópu eftir sigur á Tottenham Ótrúleg endurkoma skaut Börsungum á toppinn „Við áttum skilið að vinna í dag“ United nálgast efri hlutann Hinrik farinn til Noregs frá ÍA Stólarnir sóttu sinn fyrsta sigur Albert gulltryggði sigurinn gegn Juventus Sjötíu ára titlaþurrð á enda Brynjólfur í hetjuhlutverkinu í hollenska boltanum Merino aftur hetja Arsenal Karólína Lea lagði upp mark í stórsigri Cecilía fékk á sig tvö sjálfsmörk Fjórtán ára stelpa kom inn á í bandarísku atvinnumannadeildinni Íslendingaliðið tók dýrmæt stig af Napoli í toppbaráttunni Vantar fleiri klukkustundir í sólarhringinn Sjáðu hetjudáðir Stefáns Teits í enska boltanum í gær Fyrsti titill Slot í boði en Newcastle búið að biða í 56 ár Tvíburarnir áttu Arnars og Bjarka stund með unglingaliði Man. Utd Matraðarendurkoma Deli Alli entist bara í níu mínútur „Hver einasti blettur ætti að vera hluti af leiknum“ Gengur út ef hann fær sömu meðferð og Glazerarnir Haaland sló enn eitt metið í gær Býflugurnar kláruðu Bournemouth Stefán Teitur hetja Preston Madrídingar lyftu sér á toppinn Bæjarar töpuðu stigum í Berlín Fanney Inga í undanúrslit sænska bikarsins á fyrsta ári Sjá meira