Að segja yfirmanninum að þú sért honum ósammála Rakel Sveinsdóttir skrifar 25. ágúst 2020 11:11 Það getur verið mismunandi hversu aðgengilegir stjórnendur eru fyrir því að hlusta á skoðanir starfsmanna sinna. Vísir/Getty Það er ekkert endilega á færi allra að segja yfirmanninum sínum að þeir séu honum ósammála. Að minnsta kosti veigra sér margir við það og eins þarf fólk líka að velta því fyrir sér hvenær það er rétt að láta sína skoðun í ljós og hvenær ekki. Því auðvitað er það yfirmaðurinn sem ræður ef út í það er farið. Í umfjöllun Harvard Business Review segir að það sé í mannlegu eðli okkar að forðast það að vera ósammála yfirmanni okkar eða einhverjum sem er okkur æðri. Hins vegar er fólk hvatt til þess að segja yfirmönnum sínum það oftar ef það er honum ekki sammála. Til dæmis þegar yfirmaðurinn hefur boðað einhverjar aðgerðir eða fyrirætlanir sem þú ert hreinlega sannfærð/ur um að séu ekki rétt ákvörðun. Hér eru nokkur góð ráð um það hvernig best er að bera okkur að. Áhættan Áður en farið er af stað er ágætt að velta því fyrir okkur hvort samtalið er líklegt til að hafa einhverjar afleiðingar. Mjög líklega verða viðbrögð yfirmannsins ekkert slæm en það er þó mælt með því að við veltum því fyrir okkur hvort einhver áhætta sé fyrir hendi og ef já, í hverju væri hún fólgin? Tímasetningin Að mótmæla yfirmanni sínum þarf að gerast á réttum stað og á réttum tíma. Mælt er með því að taka samtalið í einrúmi með yfirmanninum en ekki á fundi eða fyrir opnum tjöldum. Markmiðið Það getur ekki verið markmið í sjálfu sér að láta einungis skoðun sína í ljós. Þannig þarf samtalið að fela í sér einhvers konar tillögur eða lausnir af þinni hálfu þannig að ekki þurfi að efast um það að þú berð hag vinnustaðarins fyrir brjósti. Að vera sammála um að vera ósammála Þá velja sumir þá leið að láta skoðun sína í ljós undir því fororði að fá „að vera sammála um að vera ósammála.“ Þannig getur þú látið yfirmann þinn vita að þú sért kannski ekki sannfærður um að hans leið sé sú rétta að fara en ætlir þó að virða það. Ekkert uppnám Þá er mikilvægt að taka samtalið ekki í uppnámi. Auðvitað gæti það svo sem verið að þú finnir roða færast yfir andlitið eða einhvern kvíðahnút vera í maganum en því rólegri og yfirvegaðari sem þú ert, því betra. Að draga andann djúpt og telja upp á tíu er því gott ráð áður en farið er af stað. Passaðu þig líka á að tala hægt og verða ekki óðamála af stressi. Berðu virðingu fyrir skoðun yfirmannsins Þótt ætlunin sé að láta yfirmann þinn vita að þú sért honum ekki sammála, er mikilvægt að það komi fram í þínu tali að þú berir virðingu fyrir því sem hann er að boða. Kurteis leið til að hefja samtalið er að spyrja hreinlega „Má ég eiga við þig orð um X…..?“ Þá þarftu líka að fara yfir það í huganum hvort þú sért ekki örugglega að skilja í hverju boðun yfirmannsins felst þannig að samtalið falli nánast um sjálft sig í byrjun því þú varst að misskilja eitthvað. Vandaðu orðavalið Rökstuddu mál þitt vel og vandlega og passaðu það vel að slá ekki fram einhverjum dómhörðum fullyrðingum. Haltu þig við staðreyndir og því meira sem þú getur týnt til með gögnum því betra. Auðmýkt og kurteisi Þótt þú sért yfirmanninum ósammála er ekki þar með sagt að þú hafir rétt fyrir þér. Mögulega mun yfirmaðurinn skýra eitthvað út þannig að þú skilur betur það sjónarmið sem ræður för. Sýndu auðmýkt og kurteisi í rökræðum. Til dæmis gæti verið góð leið að segja ,,leiðréttu mig ef ég hef rangt fyrir mér….“ Þannig heyrir yfirmaður þinn strax að þú ætlar þér engan yfirgang þótt þú viljir ræða málin. Virtu stjórnendamörkin Loks er á það bent að þegar allt kemur til alls, er það yfirmaðurinn sem ræður. Kannski blasa við aðstæður sem kalla á erfiðar ákvarðanir af hans hálfu og kannski er yfirmaðurinn þinn undir pressu frá sínum yfirmanni. Þegar allt kemur til alls, liggur ábyrgðin hjá yfirmanninum en ekki þér sem þýðir að þótt þín skoðun muni ekki hljóta hljómgrunn er ekki þar með sagt að yfirmaðurinn þinn meti það ekki við þig að hafa látið þína skoðun í ljós. Góðu ráðin Mest lesið Nýjustu vísbendingar bendi til komandi kólnunar Viðskipti innlent Aðstoðarforstjóri Play hættur Viðskipti innlent Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Dæmi um fimmtíu prósenta hækkun á matvöru Neytendur Hugmyndir fyrir tómlega vinnustaði og leiðinlega vinnudaga Atvinnulíf Rukkaður um 2800 króna aukagjald í Reynisfjöru Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Horfurnar versna hjá Play sem kippir afkomuspá úr gildi Neytendur Stærstu fyrirtækin orðið af 747 milljörðum Viðskipti erlent Fleiri fréttir Ofuráhersla á umhverfismálin þegar sjálfbærnin snýst í raun um fólk Hugmyndir fyrir tómlega vinnustaði og leiðinlega vinnudaga Sváfu með fullt af evrum undir koddanum fyrir flugmiðum heim ef þyrfti Ástin laðar að: Lúpínugallabuxur markmið næsta árs Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira
Það er ekkert endilega á færi allra að segja yfirmanninum sínum að þeir séu honum ósammála. Að minnsta kosti veigra sér margir við það og eins þarf fólk líka að velta því fyrir sér hvenær það er rétt að láta sína skoðun í ljós og hvenær ekki. Því auðvitað er það yfirmaðurinn sem ræður ef út í það er farið. Í umfjöllun Harvard Business Review segir að það sé í mannlegu eðli okkar að forðast það að vera ósammála yfirmanni okkar eða einhverjum sem er okkur æðri. Hins vegar er fólk hvatt til þess að segja yfirmönnum sínum það oftar ef það er honum ekki sammála. Til dæmis þegar yfirmaðurinn hefur boðað einhverjar aðgerðir eða fyrirætlanir sem þú ert hreinlega sannfærð/ur um að séu ekki rétt ákvörðun. Hér eru nokkur góð ráð um það hvernig best er að bera okkur að. Áhættan Áður en farið er af stað er ágætt að velta því fyrir okkur hvort samtalið er líklegt til að hafa einhverjar afleiðingar. Mjög líklega verða viðbrögð yfirmannsins ekkert slæm en það er þó mælt með því að við veltum því fyrir okkur hvort einhver áhætta sé fyrir hendi og ef já, í hverju væri hún fólgin? Tímasetningin Að mótmæla yfirmanni sínum þarf að gerast á réttum stað og á réttum tíma. Mælt er með því að taka samtalið í einrúmi með yfirmanninum en ekki á fundi eða fyrir opnum tjöldum. Markmiðið Það getur ekki verið markmið í sjálfu sér að láta einungis skoðun sína í ljós. Þannig þarf samtalið að fela í sér einhvers konar tillögur eða lausnir af þinni hálfu þannig að ekki þurfi að efast um það að þú berð hag vinnustaðarins fyrir brjósti. Að vera sammála um að vera ósammála Þá velja sumir þá leið að láta skoðun sína í ljós undir því fororði að fá „að vera sammála um að vera ósammála.“ Þannig getur þú látið yfirmann þinn vita að þú sért kannski ekki sannfærður um að hans leið sé sú rétta að fara en ætlir þó að virða það. Ekkert uppnám Þá er mikilvægt að taka samtalið ekki í uppnámi. Auðvitað gæti það svo sem verið að þú finnir roða færast yfir andlitið eða einhvern kvíðahnút vera í maganum en því rólegri og yfirvegaðari sem þú ert, því betra. Að draga andann djúpt og telja upp á tíu er því gott ráð áður en farið er af stað. Passaðu þig líka á að tala hægt og verða ekki óðamála af stressi. Berðu virðingu fyrir skoðun yfirmannsins Þótt ætlunin sé að láta yfirmann þinn vita að þú sért honum ekki sammála, er mikilvægt að það komi fram í þínu tali að þú berir virðingu fyrir því sem hann er að boða. Kurteis leið til að hefja samtalið er að spyrja hreinlega „Má ég eiga við þig orð um X…..?“ Þá þarftu líka að fara yfir það í huganum hvort þú sért ekki örugglega að skilja í hverju boðun yfirmannsins felst þannig að samtalið falli nánast um sjálft sig í byrjun því þú varst að misskilja eitthvað. Vandaðu orðavalið Rökstuddu mál þitt vel og vandlega og passaðu það vel að slá ekki fram einhverjum dómhörðum fullyrðingum. Haltu þig við staðreyndir og því meira sem þú getur týnt til með gögnum því betra. Auðmýkt og kurteisi Þótt þú sért yfirmanninum ósammála er ekki þar með sagt að þú hafir rétt fyrir þér. Mögulega mun yfirmaðurinn skýra eitthvað út þannig að þú skilur betur það sjónarmið sem ræður för. Sýndu auðmýkt og kurteisi í rökræðum. Til dæmis gæti verið góð leið að segja ,,leiðréttu mig ef ég hef rangt fyrir mér….“ Þannig heyrir yfirmaður þinn strax að þú ætlar þér engan yfirgang þótt þú viljir ræða málin. Virtu stjórnendamörkin Loks er á það bent að þegar allt kemur til alls, er það yfirmaðurinn sem ræður. Kannski blasa við aðstæður sem kalla á erfiðar ákvarðanir af hans hálfu og kannski er yfirmaðurinn þinn undir pressu frá sínum yfirmanni. Þegar allt kemur til alls, liggur ábyrgðin hjá yfirmanninum en ekki þér sem þýðir að þótt þín skoðun muni ekki hljóta hljómgrunn er ekki þar með sagt að yfirmaðurinn þinn meti það ekki við þig að hafa látið þína skoðun í ljós.
Góðu ráðin Mest lesið Nýjustu vísbendingar bendi til komandi kólnunar Viðskipti innlent Aðstoðarforstjóri Play hættur Viðskipti innlent Gapandi hissa að sjá túrista skipta á milli sín mat: „Ég sárlega vorkenndi þeim“ Neytendur Dæmi um fimmtíu prósenta hækkun á matvöru Neytendur Hugmyndir fyrir tómlega vinnustaði og leiðinlega vinnudaga Atvinnulíf Rukkaður um 2800 króna aukagjald í Reynisfjöru Neytendur Tælenskt hveiti úr umferð Neytendur Ofuráhersla á umhverfismálin þegar sjálfbærnin snýst í raun um fólk Atvinnulíf Horfurnar versna hjá Play sem kippir afkomuspá úr gildi Neytendur Stærstu fyrirtækin orðið af 747 milljörðum Viðskipti erlent Fleiri fréttir Ofuráhersla á umhverfismálin þegar sjálfbærnin snýst í raun um fólk Hugmyndir fyrir tómlega vinnustaði og leiðinlega vinnudaga Sváfu með fullt af evrum undir koddanum fyrir flugmiðum heim ef þyrfti Ástin laðar að: Lúpínugallabuxur markmið næsta árs Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Betra en ekki að viðurkenna mistökin Sjálfbærniskólinn: Mörg fyrirtæki að gera geggjað góða hluti án þess að átta sig á því Sjálfbærniskólinn opnar: Reglugerðin mun líka hafa áhrif á lítil og meðalstór fyrirtæki Hafa þróað kerfi til að auka á gagnsæi viðskipta með kolefniseiningar „Hef ítrekað verið ásakaður af eiginkonunni að vera morgunfúll“ Óöryggi, feimni og jafnvel einmanaleiki í nýju sumarvinnunni Hámarkstími fullorðinna í símanum og góð ráð „Krakkar sem gistu hjá okkur vissu ekki hvað var að gerast!“ Níu manns sagt upp hjá Veitum Leiðtogakulnun: Þegar yfirmaðurinn er alveg búinn á því Að sækja um starf eftir uppsögn Hefur óeðlilega þörf fyrir að strauja allt frá skyrtum í barnasamfellur Að standa upp til að gera eitthvað og muna síðan ekkert hvað það var „Orðið var við aukna umræðu um að vinnan eigi ekki að valda álagi“ Ekkert einkamál: Áhrif vinnustaða á geðheilsu jafn stór og makans „Þú varst aumingi ef þú fórst á hausinn en glæpamaður ef þú græddir“ „Katrín Olga, þetta er eingöngu hálftími af þínu lífi“ Sjá meira