Lögreglan á höfuðborgarsvæðinu hafði afskipti af þremur mönnum í fjölbýlishúsi í Fellahverfi í Breiðholti nú síðdegis. Var það í þágu máls sem lögreglan hefur til rannsóknar að því er fram kemur í tilkynningu frá lögreglu.
Nokkur viðbúnaður var á vettvangi vegna málsins en grunur var um að einn mannanna væri vopnaður. Svo reyndist ekki vera.
Aðgerðum er nú lokið og var enginn handtekinn í þessum aðgerðum lögreglunnar.
