Allt frá klassískum uppstúf, sykurbrúnuðum kartöflum og gljáa á hrygginn yfir í nýjar hugmyndir, líkt og vegan lausnir, Ketó jól, 12 tíma graflax og fleira.
Áherslan er sett á stóru smáatriðin sem fullkomna matinn um hátíðirnar.
Í sjöunda þættinum fer Albert Eiríksson yfir það hvernig maður reiðir fram nýja útgáfu af Risalamande.
Hér að neðan má sjá þáttinn í heild sinni.
Hér að neðan er uppskriftin sjálf:
- 1 1/2 dl grautargrjón
- 1/2 l mjólk
- 1 tsk vanilla
- 2 msk sykur
- 1/2 tsk salt
- 1 peli rjómi þeyttur
- 1 msk möndluflögur
Sveskjumauk:
- 2 b sveskjur
- vatn
- smá salt
- 2 msk Grand Marnier
- ca 20 makkarónukökur
- 1 1/2 dl portvín
- 100 g marsipan
Setjið hrísgrjón, mjólk, vanillu, salt og sykur í pott og sjóðið í um 30 mín. Kælið.
Þeytið rjómann og blandið honum saman við grautinn ásamt möndluflögunum.
Saxið sveskjurnar og setjið í pott ásamt vatni, salti og Grandi. Sjóðið í um 10 mín. Kælið.
Myljið makkarónukökurnar og setjið í botninn, hellið portvíni yfir. Dreifið sveskjumaukinu þar yfir. Skerið marsípanið í sneiðar og leggið yfir. Setjið Riz à l’amande yfir. Skreytið t.d. með jarðarberjum, sveskjum og vínberjum.
Lemon Curd – sítrónusmjör
- 4 stór egg
- 1 1/3 bollar sykur
- 1 bolli ferskur sítrónusafi
- 175 g smjör
- 1 msk rifinn sítrónubörkur
- 1/2 tsk salt
- gulur matarlitur
Þeytið vel saman í hrærivél egg og sykur. Bræðið smjör í potti, hellið eggjahrærunni saman við og loks sítrónusafa, berki, salti og matarlit. Sjóðið við lágan hita, þeytið stanslaust í 10 mínútur. Hellið strax í gegnum fínt sigti í skál, kælið og setjið á krukkur með loki – skrúfið lokið strax á.
