Það er stórt stórra högga á milli í kvennagolfinu því aðeins þremur dögum eftir hið æsispennandi opna bandaríska meistaramót er komið að öðru stóru móti.
Bestu kvenkylfingar heimsins enda árið með keppni á Group Tour Championship mótinu á næstu dögum en fyrsti keppnisdagurinn er í dag. Á mótinu keppa þeir kylfingar sem hafa náð bestum árangri á árinu og sigurvegarinn fær eina og hálfa milljón Bandaríkjadala eða meira en 190 milljónir íslenskra króna.
Mótið verður sýnt beint á Stöð 2 Golf stöðinni en útsendingin hefst klukkan 18.00. Mótið er spilað hjá Tiburón golfklúbbnum í Naples á Flórída.
#Rolex WWGR Updated Top :
— LPGA Media (@LPGAMedia) December 15, 2020
1 Jin Young Ko
2 @SY_KIM_lpga
3 @InbeePark
4 @daniellekang
5 @NellyKorda
6 @BrookeHenderson
7 @nasagolf7355
8 @minjeegolf
9 Hyo Joo Kim
Sung Hyun Park
The top eight are all in this week's @CMEGroupLPGA. pic.twitter.com/waCsejomZF
Það verður örugglega mikil athygli á einum ákveðnum ráshópi á þessu móti en þar spila tvær öflugar konur sem eiga möguleika að fagna tveimur sigrum í lokamóti ársins.
Suður-kóresku kylfingarnir Inbee Park og Sei Young Kim munu ekki aðeins keppa um sigurinn á CME Group Tour Championship mótinu á næstu dögum því gengi þeirra þar mun ráða því hvor þeirra veður Rolex kylfingur ársins.
Inbee Park vann sitt síðasta mót í febrúar eða fyrir kórónuveirufaraldurinn en hún er samt sem áður efst á stigalistanum í baráttunni um CME Globe verðlaunin.
Park hefur ekki unnið mótin en hún hefur sýnt mikinn stöðugleika með því að komast sjö sinnum á topp tíu á mótum ársins. Park átti líka flottan lokahring á opna bandaríska á mánudaginn sem kom henni upp í sjötta sætið.
Inbee Park, the only LPGA Hall of Famer currently playing full-time on tour, said being 2020's Rolex Player of the Year would be a nice souvenir." https://t.co/M5SwfKKWVZ
— Golfweek (@golfweek) December 16, 2020
Park er með sex stiga forskot á löndu sína Sei Young Kim. Sei Young Kim vann vann PGA-risamótið í október og Pelíkanmótið strax á eftir.
Árangur þeirra á Group Tour Championship mótinu mun ráða því hvor endar ofar í baráttunni um að verða besti Rolex kylfingur ársins.
Kim má ekki enda neðar en í fimmta sætið ætli hún að ná Park en það eru einnig möguleiki á að þær endi jafnar og deili verðlaunum.
Þær yrðu þannig jafnar ef Kim yrði í öðru sæti og Park í því fimmta. Alveg eins ef Park yrði áttunda en Kim tæki þriðja sætið og eða Park verður í tíunda sæti og Kim endar í því fjórða.
"It's not really about the results. Just the opportunity that we get is very special."@InbeePark | @CMEGroupLPGA pic.twitter.com/ZdnhZqTN2U
— LPGA (@LPGA) December 17, 2020
Danielle Kang á reyndar líka möguleika en hún er í þriðja sæti á stigalistanum, 25 stigum á eftir Park. Kang tæki titilinn kylfingur ársins ef hún nær að vinna lokamótið á sama tíma og Kim enda í þriðja sætið eða neðar og Park endar í sjötta sæti eða neðar.
Inbee Park hefur unnið þennan titil áður en það gerði hún árið 2013.
The $1.5 million putt @SY_KIM_lpga won the 2019 @CMEGroupLPGA with this clutch birdie putt on the 72nd hole #LPGALookback pic.twitter.com/JXPXAbrIki
— LPGA (@LPGA) December 17, 2020

Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum. Helgarpassa að Stöð 2 Golf má kaupa á kerfum Vodafone.