Hrunið gerði ekki öll lán ólögleg Stígur Helgason skrifar 10. desember 2012 17:07 Þórður Bogason hæstaréttarlögmaður. „Hrun íslensks efnahagslífs breytti ekki öllum lánveitingum í ólögmæta gerninga," sagði Þórður Bogason, verjandi Guðmundar Hjaltasonar, í málflutningsræðu sinni í Vafningsmálinu sem hann lauk við í Héraðsdómi Reykjavíkur fyrir stundu. Þórður talaði í tæpar tvær klukkustundir. Guðmundur, sem var framkvæmdastjóri fyrirtækjasviðs Glitnis, er ákærður ásamt Lárusi Welding, fyrrverandi forstjóra bankans, fyrir umboðssvik með því að hafa veitt Milesteone tíu milljarða ólögmætt lán í febrúar 2008. Þórður tók undir það sem fram kom í ræðu Óttars Pálssonar, verjanda Lárusar, og vísaði til hennar. Í ræðu sinni fór hann hins vegar, líkt og Óttar, afar hörðum orðum um rannsókn málsins. „Fyrir viku síðan hafði sækjandi þessa máls ekki hugmynd um hvað kæmi fram í vitnaleiðslum yfir tíu vitnum," sagði hann, með vísan til þeirra tíu vitna sem gáfu skýrslu í málinu í fyrsta sinn fyrir dómi í síðustu viku. Þórður sagði ljóst að skýringar skjólstæðings hans hefðu aldrei verið teknar til greina við rannsókn málsins. Hann hefði skilað ábendingum í greinargerðarformi en að þeim hefði verið stungið undir stól. „Það þýðir ekki að misbjóða virðulegum héraðsdómi með því að halda öðru fram," sagði Þórður. Enn fremur sagði Þórður að engin gögn í málinu bentu til þess að útborgun peningamarkaðsláns til Milestone 8. febrúar 2008 hefði verið borin undir ákærðu, og raunar ekki útborgun Vafningslánsins eftir helgina heldur. „Þetta bara gerist – algjörlega átómatískt," sagði hann.Bjuggu til glæp sem aldrei var framinn Þórður velti fyrir sér hversu trúverðugt það væri að hinir áhrifamiklu sakborningar í málinu hafi viljað fela lánveitingu til Milestone þegar fyrir liggi að þeir hefðu getað afgreitt slíkt mál sjálfir í fullu samræmi við lög. Sú fullyrðing rímar reyndar ekki við málatilbúnað ákæruvaldsins, sem telur að svo hátt lán til Milestone hefði verið ólöglegt á þessum tíma. „Hvers vegna í ósköpunum ættu þessir einstaklingar að vilja framkvæma eitthvað sem kallar á fimm ár í fangelsi? Þessi saga stenst ekki," sagði Þórður um upplegg sérstaks saksóknara. Hann bætti því við að svo virtist sem ákæruvaldið hefði eytt drjúgum tíma í að búa til glæp sem ekki hafi verið framinn. „Og langur rannsóknartími er auðvitað refsing í sjálfu sér," sagði hann. Hann sagði rannsóknina alla bera með sér að ákærðu væri í raun gert að sanna sakleysi sitt, sem bryti gegn reglunni um réttláta málsmeðferð. „Ég held að það sé alveg ljóst að við ákærðu er ekki að sakast í þessu máli," sagði Þórður, sem færði rök fyrir því að útilokað væri að Guðmundur Hjaltason hefði tekið ákvörðun um lánveitinguna til Milestone. „Ákæruvaldið er að etja saman fólki," sagði Þórður um þau orð Hólmsteins Gauta Sigurðssonar saksóknara að Lárus og Guðmundur hefðu sakað fyrrverandi undirmenn sína um falsanir. Vitnin hefðu mátt þola lítilsvirðandi yfirheyrslur fyrir dómi vegna þess í hve miklu skötulíki rannsóknin hefði verið. Að síðustu sagði Þórður refsikröfur saksóknara mjög ósanngjarnar. Saksóknari fór fram á fimm ára fangelsi yfir Guðmundi og fimm og hálft ár yfir Lárusi. Þórður telur að brotið – ef um brot sé að ræða – rúmist innan refsirammans utan um léttvægari umboðssvik. Réttast teldi hann að skilorðsbinda refsinguna ef til hennar kæmi. Hann sagði málið allt mjög sérstakt og reyna á ýtrasta þanþol réttarríkisins. Nú gefst saksóknara og verjendum kostur á andsvörum. Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Tóku mið af viðskiptahalla en ekki tollum Erlent Býst við kolsvartri skýrslu Innlent Fleiri fréttir Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Sjá meira
„Hrun íslensks efnahagslífs breytti ekki öllum lánveitingum í ólögmæta gerninga," sagði Þórður Bogason, verjandi Guðmundar Hjaltasonar, í málflutningsræðu sinni í Vafningsmálinu sem hann lauk við í Héraðsdómi Reykjavíkur fyrir stundu. Þórður talaði í tæpar tvær klukkustundir. Guðmundur, sem var framkvæmdastjóri fyrirtækjasviðs Glitnis, er ákærður ásamt Lárusi Welding, fyrrverandi forstjóra bankans, fyrir umboðssvik með því að hafa veitt Milesteone tíu milljarða ólögmætt lán í febrúar 2008. Þórður tók undir það sem fram kom í ræðu Óttars Pálssonar, verjanda Lárusar, og vísaði til hennar. Í ræðu sinni fór hann hins vegar, líkt og Óttar, afar hörðum orðum um rannsókn málsins. „Fyrir viku síðan hafði sækjandi þessa máls ekki hugmynd um hvað kæmi fram í vitnaleiðslum yfir tíu vitnum," sagði hann, með vísan til þeirra tíu vitna sem gáfu skýrslu í málinu í fyrsta sinn fyrir dómi í síðustu viku. Þórður sagði ljóst að skýringar skjólstæðings hans hefðu aldrei verið teknar til greina við rannsókn málsins. Hann hefði skilað ábendingum í greinargerðarformi en að þeim hefði verið stungið undir stól. „Það þýðir ekki að misbjóða virðulegum héraðsdómi með því að halda öðru fram," sagði Þórður. Enn fremur sagði Þórður að engin gögn í málinu bentu til þess að útborgun peningamarkaðsláns til Milestone 8. febrúar 2008 hefði verið borin undir ákærðu, og raunar ekki útborgun Vafningslánsins eftir helgina heldur. „Þetta bara gerist – algjörlega átómatískt," sagði hann.Bjuggu til glæp sem aldrei var framinn Þórður velti fyrir sér hversu trúverðugt það væri að hinir áhrifamiklu sakborningar í málinu hafi viljað fela lánveitingu til Milestone þegar fyrir liggi að þeir hefðu getað afgreitt slíkt mál sjálfir í fullu samræmi við lög. Sú fullyrðing rímar reyndar ekki við málatilbúnað ákæruvaldsins, sem telur að svo hátt lán til Milestone hefði verið ólöglegt á þessum tíma. „Hvers vegna í ósköpunum ættu þessir einstaklingar að vilja framkvæma eitthvað sem kallar á fimm ár í fangelsi? Þessi saga stenst ekki," sagði Þórður um upplegg sérstaks saksóknara. Hann bætti því við að svo virtist sem ákæruvaldið hefði eytt drjúgum tíma í að búa til glæp sem ekki hafi verið framinn. „Og langur rannsóknartími er auðvitað refsing í sjálfu sér," sagði hann. Hann sagði rannsóknina alla bera með sér að ákærðu væri í raun gert að sanna sakleysi sitt, sem bryti gegn reglunni um réttláta málsmeðferð. „Ég held að það sé alveg ljóst að við ákærðu er ekki að sakast í þessu máli," sagði Þórður, sem færði rök fyrir því að útilokað væri að Guðmundur Hjaltason hefði tekið ákvörðun um lánveitinguna til Milestone. „Ákæruvaldið er að etja saman fólki," sagði Þórður um þau orð Hólmsteins Gauta Sigurðssonar saksóknara að Lárus og Guðmundur hefðu sakað fyrrverandi undirmenn sína um falsanir. Vitnin hefðu mátt þola lítilsvirðandi yfirheyrslur fyrir dómi vegna þess í hve miklu skötulíki rannsóknin hefði verið. Að síðustu sagði Þórður refsikröfur saksóknara mjög ósanngjarnar. Saksóknari fór fram á fimm ára fangelsi yfir Guðmundi og fimm og hálft ár yfir Lárusi. Þórður telur að brotið – ef um brot sé að ræða – rúmist innan refsirammans utan um léttvægari umboðssvik. Réttast teldi hann að skilorðsbinda refsinguna ef til hennar kæmi. Hann sagði málið allt mjög sérstakt og reyna á ýtrasta þanþol réttarríkisins. Nú gefst saksóknara og verjendum kostur á andsvörum.
Mest lesið Ekkert spurst til Sólrúnar á Spáni í nokkra daga Innlent Snorri sagður spúa hatri og trumpísku yfir heimsbyggðina Innlent Hrina gikkskjálfta við Trölladyngju Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent „Af hverju var það sem var sagt á fimmtudegi svikið á mánudegi?“ Innlent „Kokkurinn“ í Bandidos látinn Erlent Tóku mið af viðskiptahalla en ekki tollum Erlent Býst við kolsvartri skýrslu Innlent Fleiri fréttir Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Trjám úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Sjá meira