Segir meiri sátt vera að skapast um tilnefningarnefndir stjórna Rakel Sveinsdóttir skrifar 24. janúar 2020 09:00 ,,Allir virtust sammála um að það væri óheppilegt að þeir hengdu sig alfarið á niðurstöður tilnefningarnefnda" sagði Baldur um lífeyrissjóðina. Vísir/Vilhelm Í síðustu viku stóðu Viðskiptaráð Íslands, Samtök atvinnulífsins og Nasdaq Iceland fyrir lokaðri vinnustofu tilnefningarnefnda. Fundarstjóri var Baldur Thorlacius framkvæmdastjóri sölu og viðskiptatengsla hjá Nasdaq. Aðeins voru boðaðir fulltrúar sem þegar sitja í tilnefninganefndum og segir Baldur að markmiðið hafi verið að fá hugmyndir og innlegg að mögulegum breytingum í næstu útgáfu af góðum stjórnarháttum. ,,Það virðist vera mikil eftirspurn eftir meiri fræðslu og leiðsögn á þessu sviði“ segir Baldur um viðburðinn. ,,Tilnefningarnefndir eru nokkuð nýjar af nálinni hér á landi og því eðlilegt að það taki einhvern tíma að slípa þetta til og mynda sátt um fyrirkomulagið“ segir Baldur. ,,Á fundinum virtust þó allir vera einhuga um að tilnefningarnefndir ættu fyrst og fremst hjálpa viðkomandi fyrirtækjum að ná árangri og skapa verðmæti, sem er mjög jákvætt.“ Að sögn Baldurs eru nokkrar útfærslur á því hvernig tilnefninganefndir starfa. Það sem hentar hluthöfum eins fyrirtækis, þarf ekki að henta hluthöfum annars. Tilfinning Baldurs er þó að meiri sátt sé að skapast um tilurð og starf tilnefninganefnda. ,,Mín tilfinning er að þetta sé að mjakast í átt að meiri sátt, að fólk sé farið að átta sig betur á því hvað tilnefningarnefndir eru og hvað þær eru ekki.“ Einnig: Nefndirnar fara eins og eldur í sinu um Kauphöllina En hvað bar hæst á fundinum? ,, Það voru talsverðar umræður á fundinum um þátttöku stjórnarmanna í tilnefningarnefndum. Á því voru nokkuð skiptar skoðanir, einhverjum fannst það vera óheppilegt fyrirkomulag en öðrum fannst reynslan af því vera góð.“ Baldur segir ekkert skrýtið þótt þetta vefjist fyrir fólki enda sé allur gangur á því erlendis hvernig þessu er háttað þar. Í sumum löndum eru nefndirnar einungis skipaðar stjórnarmönnum en í öðrum sé lagt upp úr því að þær séu óháðar. ,,Hvor leiðin hefur sína kosti og galla. Fyrir mitt leyti tel ég einna mikilvægast að sníða hlutverk nefndanna, og jafnvel einstaka nefndarmanna, að því fyrirkomulagi sem er valið, til þess að draga úr hagsmunaárekstrum og nýta kostina til fulls. Einhver benti á að það þyrfti að binda þannig um hnútana að tilnefningarnefndir myndu ekki fæla fjársterka einstaklinga frá því að gerast hluthafar og sækjast eftir stjórnarsæti. Að það væri mikilvægt að einhverjir í stjórn hefðu sömu hagsmuni og hluthafar og því þyrftu tilnefningarnefndir einnig að horfa til þess. Baldur sagði skiptar skoðanir á því hvort stjórnarmenn ættu að sitja í tilnefningarnefndum. Tilnefninganefndir ráðgefandi Á fundinum var nokkuð rætt um aðkomu lífeyrissjóðanna sem sumir hverjir hafa viljað lúta vali tilnefningarnefnda sem reglu í stjórnarkjöri. Baldur sagði að nokkuð hefði verið rætt um þetta, en fundarmenn hefðu verið sammála um að nefndirnar ættu að vera ráðgefandi og þetta væri því óheppileg afstaða. ,,Allir virtust sammála um að það væri óheppilegt að þeir hengdu sig alfarið á niðurstöður tilnefningarnefnda. Þeir þyrftu einnig að mynda sér sjálfstæða skoðun, með hliðsjón af rökstuðningi nefndanna og öðrum upplýsingum. Annars væri nánast verið að framselja stjórnarvalið til nefndanna.“ Ýmislegt annað var rætt, svo sem kostnaður og greiðslur, hvort tilnefningarnefndir eigi að taka afstöðu til siðferðislegra álitamála, hversu mikinn aðgang þær ættu að hafa að mögulegum innherjaupplýsingum eða hvort þær gætu metið fleiri aðila sem hæfa en væru tilnefndir. Markaðir Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Seðlabankinn hafi ekki önnur úrræði en að lækka vexti Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Verðstríð að hefjast á matvörumarkaði Neytendur Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Að forðast að háma í okkur eftir vinnu Ofuráhersla á umhverfismálin þegar sjálfbærnin snýst í raun um fólk Hugmyndir fyrir tómlega vinnustaði og leiðinlega vinnudaga Sváfu með fullt af evrum undir koddanum fyrir flugmiðum heim ef þyrfti Ástin laðar að: Lúpínugallabuxur markmið næsta árs Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Sjá meira
Í síðustu viku stóðu Viðskiptaráð Íslands, Samtök atvinnulífsins og Nasdaq Iceland fyrir lokaðri vinnustofu tilnefningarnefnda. Fundarstjóri var Baldur Thorlacius framkvæmdastjóri sölu og viðskiptatengsla hjá Nasdaq. Aðeins voru boðaðir fulltrúar sem þegar sitja í tilnefninganefndum og segir Baldur að markmiðið hafi verið að fá hugmyndir og innlegg að mögulegum breytingum í næstu útgáfu af góðum stjórnarháttum. ,,Það virðist vera mikil eftirspurn eftir meiri fræðslu og leiðsögn á þessu sviði“ segir Baldur um viðburðinn. ,,Tilnefningarnefndir eru nokkuð nýjar af nálinni hér á landi og því eðlilegt að það taki einhvern tíma að slípa þetta til og mynda sátt um fyrirkomulagið“ segir Baldur. ,,Á fundinum virtust þó allir vera einhuga um að tilnefningarnefndir ættu fyrst og fremst hjálpa viðkomandi fyrirtækjum að ná árangri og skapa verðmæti, sem er mjög jákvætt.“ Að sögn Baldurs eru nokkrar útfærslur á því hvernig tilnefninganefndir starfa. Það sem hentar hluthöfum eins fyrirtækis, þarf ekki að henta hluthöfum annars. Tilfinning Baldurs er þó að meiri sátt sé að skapast um tilurð og starf tilnefninganefnda. ,,Mín tilfinning er að þetta sé að mjakast í átt að meiri sátt, að fólk sé farið að átta sig betur á því hvað tilnefningarnefndir eru og hvað þær eru ekki.“ Einnig: Nefndirnar fara eins og eldur í sinu um Kauphöllina En hvað bar hæst á fundinum? ,, Það voru talsverðar umræður á fundinum um þátttöku stjórnarmanna í tilnefningarnefndum. Á því voru nokkuð skiptar skoðanir, einhverjum fannst það vera óheppilegt fyrirkomulag en öðrum fannst reynslan af því vera góð.“ Baldur segir ekkert skrýtið þótt þetta vefjist fyrir fólki enda sé allur gangur á því erlendis hvernig þessu er háttað þar. Í sumum löndum eru nefndirnar einungis skipaðar stjórnarmönnum en í öðrum sé lagt upp úr því að þær séu óháðar. ,,Hvor leiðin hefur sína kosti og galla. Fyrir mitt leyti tel ég einna mikilvægast að sníða hlutverk nefndanna, og jafnvel einstaka nefndarmanna, að því fyrirkomulagi sem er valið, til þess að draga úr hagsmunaárekstrum og nýta kostina til fulls. Einhver benti á að það þyrfti að binda þannig um hnútana að tilnefningarnefndir myndu ekki fæla fjársterka einstaklinga frá því að gerast hluthafar og sækjast eftir stjórnarsæti. Að það væri mikilvægt að einhverjir í stjórn hefðu sömu hagsmuni og hluthafar og því þyrftu tilnefningarnefndir einnig að horfa til þess. Baldur sagði skiptar skoðanir á því hvort stjórnarmenn ættu að sitja í tilnefningarnefndum. Tilnefninganefndir ráðgefandi Á fundinum var nokkuð rætt um aðkomu lífeyrissjóðanna sem sumir hverjir hafa viljað lúta vali tilnefningarnefnda sem reglu í stjórnarkjöri. Baldur sagði að nokkuð hefði verið rætt um þetta, en fundarmenn hefðu verið sammála um að nefndirnar ættu að vera ráðgefandi og þetta væri því óheppileg afstaða. ,,Allir virtust sammála um að það væri óheppilegt að þeir hengdu sig alfarið á niðurstöður tilnefningarnefnda. Þeir þyrftu einnig að mynda sér sjálfstæða skoðun, með hliðsjón af rökstuðningi nefndanna og öðrum upplýsingum. Annars væri nánast verið að framselja stjórnarvalið til nefndanna.“ Ýmislegt annað var rætt, svo sem kostnaður og greiðslur, hvort tilnefningarnefndir eigi að taka afstöðu til siðferðislegra álitamála, hversu mikinn aðgang þær ættu að hafa að mögulegum innherjaupplýsingum eða hvort þær gætu metið fleiri aðila sem hæfa en væru tilnefndir.
Markaðir Mest lesið Ósáttur við að fyrrum eigandi Skagans 3X standi í vegi endurreisnar Viðskipti innlent Temu kaupin getu hæglega orðið að fíkn Neytendur Litlu fyrirtækin: Upplifa sjálfbærni sem aukavinnu og vesen Atvinnulíf Telja minni líkur á samdrætti í ferðaþjónustu með aukinni kortaveltu Viðskipti innlent Seðlabankinn hafi ekki önnur úrræði en að lækka vexti Viðskipti innlent Staðreyndum snúið á hvolf til að eigna ríkisstjórninni verðbólguna Viðskipti innlent Verðstríð að hefjast á matvörumarkaði Neytendur Tónleikastöðum fækkar: „Þetta er bara sorgleg þróun“ Viðskipti innlent Google leiðin: Fjögur atvinnuviðtöl yfirdrifið nóg Atvinnulíf Ummæli Trump vekja áhyggjur af sjálfstæði seðlabanka Viðskipti erlent Fleiri fréttir Litlu fyrirtækin: Upplifa sjálfbærni sem aukavinnu og vesen Google leiðin: Fjögur atvinnuviðtöl yfirdrifið nóg Ný tækifæri: Til dæmis skór úr endurunnu sjávarplasti Að lifa af hræðilega þynnku í vinnunni Að forðast að háma í okkur eftir vinnu Ofuráhersla á umhverfismálin þegar sjálfbærnin snýst í raun um fólk Hugmyndir fyrir tómlega vinnustaði og leiðinlega vinnudaga Sváfu með fullt af evrum undir koddanum fyrir flugmiðum heim ef þyrfti Ástin laðar að: Lúpínugallabuxur markmið næsta árs Ævintýralegt líf: Fjárfestirinn bankaði á gluggann á garðkofanum þar sem hann bjó „Ég var búinn að heyra stríðssögur um hvað fyrstu mánuðirnir væru erfiðir“ Að nálgast starfsmann sem líður illa, er reiður eða leiður Nýr 40/40 listi: „Spenntur að sjá hvað þetta fólk gerir í framtíðinni“ Sjá meira