Prófkjör verður haldið í janúar

Prófkjör framsóknarmanna í Suðurkjördæmi fer fram 20. janúar 2007. Þetta var ákveðið á kjördæmaþingi framsóknarmanna í Suðurkjördæmi sem haldið var nú um helgina.

Kosið verður um sex efstu sæti framboðslistans og er sú kosning bindandi.

Guðni Ágústsson landbúnaðarráðherra sækist eftir fyrsta sæti listans. Þá sækjast Hjálmar Árnason, formaður þingflokks Framsóknarflokksins, Bjarni Harðarson, Eygló Þóra Harðardóttir og Björn B. Blöndal eftir framboði í annað sætið.