Ýmir Örn Gíslason stóð í ströngu í íslensku vörninni gegn Slóveníu í dag. Eftir kaflaskiptan leik tapaði Ísland með þremur mörkum, 27-30.
„Við náðum góðum kafla í fyrri hálfleik og vorum á góðu skriði í vörninni. Mér fannst þeir ekki eiga auðvelt með að komast í gegnum okkur þegar við náðum að stilla upp. Vörnin datt svo aðeins niður í seinni hálfleik og þetta er grautfúlt,“ sagði Ýmir við Vísi eftir leik.
En hvað fannst honum skilja liðin að í dag? „Ég veit það ekki. Það eru litlu hlutirnir,“ sagði Ýmir.
Hann segir að það hafi verið krefjandi að spila vörnina gegn klókum leikmönnum Slóvena.
„Þetta var skemmtilegur leikur varnarlega, nóg af mönnum að glíma við og máta sig við. Mér fannst það takast ágætlega,“ sagði Ýmir.
Ísland hefur nú tapað tveimur leikjum í röð á EM eftir að hafa unnið fyrstu tvo.
„Það verður ekkert mál að rífa sig upp. Það er bara upp með hausinn og við ætlum að vinna næsta leik. Það er ekkert flóknara,“ sagði Ýmir.
„Við eigum enn möguleika á að komast í Ólympíuumspilið og það er markmiðið. Við þurfum að vinna alla leikina sem við eigum eftir.“
Ýmir Örn: Markmiðið að komast í Ólympíuumspilið
Tengdar fréttir
Leik lokið: Ísland - Slóvenía 27-30 | Tap í fyrsta leik í milliriðli
Íslendingar áttu ekki nógu góðan leik gegn Slóvenum í fyrsta leik sínum í milliriðli.
Vranjes: Þeir spila maður á mann vörn og verða þreyttir
Ljubomir Vranjes, þjálfari slóvenska landsliðsins, segir að góð markvarsla hafi skilað sigrinum gegn Íslandi í dag.
Aron: Því miður hef ég ekki náð að fylgja því eftir
Aron Pálmarsson, stórskytta Íslands, var súr og svekktur eftir tap Íslands gegn Slóveníu í fyrsta leik liðsins í milliriðli.
Twitter eftir tapið: „Mætti halda að Íslendingar hafi dottið í það en ekki Svíar“
Íslenska karlalandsliðið í handbolta tapaði sínum öðrum leik í röð er liðið tapaði sínum fyrsta leik í milliriðli gegn Slóveníu í dag, 30-27.
Janus Daði: Agalega svekktur með þetta tap
Leikstjórnandinn snjalli var vonsvikinn í leikslok.
Guðmundur: Við megum ekki mála allt svart
Guðmundur Guðmundsson, landsliðsþjálfari, segir að Ísland hafi einfaldlega tapað fyrir betri lið í dag er liðið tapaði fyrir Slóvenum.
Topparnir í tölfræðinni á móti Slóveníu: Réðu ekkert við Bombac og Ferlin
Íslenska karlalandsliðið í handbolta tapaði með þremur mörkum á móti Slóvenum, 27-30, í fyrsta leik sínum í milliriðli á Evrópumótinu 2020 sem fer fram í Svíþjóð, Noregi og Austurríki.
Viktor Gísli: Hef aldrei varið svona mörg víti áður
Viktor Gísli Hallgrímsson, markvörður Íslands, segir að landsliðinu vanti meiri stöðugleika og það gangi ekki endalaust að lenda nokkrum mörkum undir.
