Andy Murray kom til baka eftir erfiða byrjun og tryggði sér sæti í úrslitaleiknum á opna ástralska mótinu í tennis.
Andy Murray vann Tomas Berdych 6-7 (6-8) 6-0 6-3 og 7-5 og mætir annaðhvort Novak Djokovic eða Stan Wawrinka í úrslitaleiknum.
Murray tapaði fyrsta settinu en svaraði því með frábærum 6-0 sigri í öðru setti. Hann vann síðan tvö síðustu settin og þar með leikinn.
Þetta er í fjórða sinn sem Andy Murray kemst í titilleikinn á opna ástralska og í áttunda sinn sem hann spilar til úrslita á risamóti.
Andy Murray komst ekki í úrslitaleik á neinu risamóti árið 2014 en spilaði síðasta til úrslita á Wimbledon-mótinu þegar hann vann það árið 2013.
Andy Murray hefur aldrei unnið opna ástralska mótið en tapaði í úrslitaleik 2010 (á móti Roger Federer), 2011 (á móti Novak Djokovic) og 2013 (á móti Novak Djokovic).
Novak Djokovic og Stan Wawrinka mætast í hinum undanúrslitaleiknum á morgun og Murray fær því einn dag í meiri hvíld fyrir úrslitaleikinn.
Andy Murray í úrslitaleikinn á opna ástralska
Tengdar fréttir
Serena Williams og Sharapova mætast í úrslitaleiknum
Það verður einvígi á milli Bandaríkjanna og Rússlands í úrslitaleik í einliðaleik kvenna á opna ástralska mótinu í tennis en þær Serena Williams og Maria Sharapova tryggðu sér sæti í úrslitaleiknum í nótt.
Djokovic í undanúrslit á 25. risamótinu á ferlinum | "Áfram pabbi“
Novak Djokovic er kominn alla leið í undanúrslitin á opna ástralska mótinu í tennis en hann hefur ekki enn tapað einu einasta setti á fyrsta risamóti ársins.
