Pogba veiktist eftir brúðkaup bróður síns

Paul Pogba, leikmaður Manchester United, veiktist eftir brúðkaup bróður síns í Frakklandi á föstudaginn.

Franski miðjumaðurinn fór í skoðun hjá lækni United á laugardaginn og varð svo enn veikari daginn eftir.

Pogba hefur verið frá vegna ökklameiðsla síðan í september. Hann átti að byrja að æfa í þessari viku en endurkomunni seinkaði vegna veikindanna.

Pogba hefur ekki leikið með United síðan í 1-1 jafnteflinu við Arsenal 30. september.

United tekur á móti Colchester United í 8-liða úrslitum enska deildabikarsins annað kvöld.