Mikill viðbúnaður var á Móskarðshnúkum vegna slyssins, en beiðni um aðstoð barst frá tveimur göngukonum á þriðja tímanum. Björgunarsveitir, slökkvilið og lögregla voru á staðnum, auk gæslunnar og stóðu aðgerðir yfir í rúman klukkutíma. Viðbragðsaðilar hafa nú snúið aftur frá Móskarðshnúkum.
Tveir fluttir með þyrlu á Landspítalann
Þyrla Landhelgisgæslunnar hefur flutt tvo göngumenn, sem slösuðust á Móskarðshnúkum á þriðja tímanum í dag, á Landspítalann í Fossvoginn og lenti þar fyrir skömmu. Þetta staðfestir Ásgeir Erlendsson, upplýsingafulltrúi Landhelgisgæslunnar í samtali við fréttastofu.
Tengdar fréttir
Þyrla Landhelgisgæslunnar kölluð út vegna slyss í Móskarðshnúkum
Þyrla Landhelgisgæslunnar var kölluð út nú á þriðja tímanum eftir að tilkynning barst um að slys hefði orðið í Móskarðshnúkum.
