Bríet hlaut fern verðlaun

Tinni Sveinsson skrifar 9. apríl 2021 17:00

Bríet þakkaði upptökustjóranum Pálma Ragnari Ásgeirssyni þegar hún tók við verðlaunum fyrir plötu ársins.

Hlustendaverðlaunin 2021 voru sýnd í beinni útsendingu á Stöð 2 og Vísi í kvöld. Sigurvegari kvöldsins er án efa Bríet sem hlaut fern verðlaun.

Ýmsir tónlistarmenn komu fram á verðlaununum: XXX Rottweiler hundar, Bríet, Power Paladin, Jón Jónsson og GDRN, Páll Óskar og Birnir. Þá frumfluttu bæði Daði Freyr og Herra Hnetusmjör ný lög.

85 þúsund atkvæði

Kosning til verðlaunanna fór fram hér á Vísi og bárust alls um 85 þúsund atkvæði en kosið var í átta flokkum.

Bríet hlaut verðlaun fyrir plötu ársins (Kveðja, Bríet), lag ársins (Esjan) og var valin bæði söngkona og poppflytjandi ársins. Daði Freyr hlaut verðlaun fyrir myndband ársins (Think About Things) og var valinn söngvari ársins. Hljómsveitin Kaleo var valin rokkflytjandi ársins og nýliði ársins var Kristín Sesselja.

Bríet flutti lagið Draumaland í lok þáttar ásamt fríðu föruneyti. Hægt er að horfa á það í spilaranum hér fyrir neðan.

Klippa: Bríet - Draumaland

Hér fyrir neðan má önnur atriði kvöldsins sem voru hvert öðru betra. Sannkölluð tónlistarveisla.

Klippa: Birnir og Páll Óskar - Spurningar

Klippa: Power Paladin - Kraven the Hunter

Klippa: Herra Hnetusmjör - Hlustendaverðlaunin 2021

Klippa: XXX Rottweiler hundar - Best of syrpa

Klippa: Jón Jónsson og GDRN - Ef ástin er hrein

Klippa: Daði Freyr - Hlustendaverðlaunin 2021

Þetta er í áttunda skiptið sem hátíðin fer fram.

Útvarpsstöðvarnar Bylgjan, FM957 og X977 standa í sameiningu að Hlustendaverðlaununum. Markmiðið er að gefa íslenskum útvarpshlustendum og tónlistarunnendum tækifæri að velja og verðlauna íslenskt tónlistarfólk, hljómsveitir og einstaklinga sem sköruðu fram úr í tónlist á síðastliðnu ári.

Hægt er að horfa á verðlaunaþáttinn í heild sinni hér fyrir neðan.

Klippa: Hlustendaverðlaunin 2021

Hér má síðan sjá tilnefningarnar í ár í heild sinni.