Olís-deild karla fór af stað eftir mánaða pásu í dag með tveimur leikjum. Leikurinn í Safamýrinni var jafn og spennandi gegnum gangandi allt þar til FH sýndu klærnar síðustu 5. mínútur leiksins og lönduðu sigri 30-34.
Jafnræði liðanna hófst strax þegar flautað var til leiks og skiptust liðin á að taka eins marks forskot fyrsta korter leiksins.
Andri Már Rúnarsson fór hamförum á fyrstu 15 mínútum leiksins, varnarmenn FH réðu engann vegin við hann, af fyrstu 9 mörkum Fram skoraði Andri Már 5 af þeim úr jafn mörgum skotum.
Það má segja að fyrri hálfleikurinn einkenndist af afbragðs leik tveggja manna. Í sóknarleik FH var Einar Rafn Eiðsson allt í öllu, hann skoraði 5 mörk í fyrri hálfleik en klikkaði á tveimur vítum sem höfnuðu bæði í tréverkinu sem er sjaldséð hjá þessum leikmanni.
Seinni hálfleikurinn var í sama takti og fyrri hálfleikurinn. FH voru þó alltaf með yfirhöndina í seinni hálfleik og komst Fram aldrei yfir heldur jöfnuðu aðeins leikinn annað slagið.
Steini Arndal þjálfari FH tók leikhlé þegar tæpar sjö mínútur voru eftir af leiknum og staðan 28 - 29. FH ingar svöruðu þar kallinu og rúlluðu yfir Fram og endaði leikurinn 30 - 34 gestunum í vil.
Af hverju vann FH?
Sóknarleikur FH var til fyrirmyndar. Línuspil FH inga var frábært sérstaklega í seinni hálfleik þar sem Fram réði ekkert við bæði Jón Bjarna á línunni sem og innleysingar FH.
Í stöðunni 29 - 30 tók Ásbjörn Friðriksson leikinn í sínar hendur og gerði 3 af 4 síðustu mörkum FH sem varð til þess að liðið vann að lokum leikinn.
Hverjir stóðu upp úr?
Einar Rafn Eiðsson lék á alls oddi í leiknum. Fram réði ekkert við Einar sem skoraði 10 mörk, ásamt því að vera skapa færi fyrir liðsfélaga sína.
Ásbjörn Friðriksson mætti til starfa þegar mest á reyndi undir lok leiks þar sem hann tók leikinn í sínar hendur og gerði þrjú mörk á ögur stundu.
Andri Már Rúnarsson var bestur í liði Fram, Andri Már gerði 5 mörk á fyrsta korteri leiksins og átti síðan góðan kafla um miðjan seinni hálfleik. Andri Már endaði leikinn með 7 mörk.
Hvað gekk illa?
Varnarleikur Fram var mjög slæmur, það er sjaldséð í leik Fram að þeir fái á sig 34 mörk og er hægt að skrifa nokkur mörk frá FH á einfaldan klaufaskap hjá varnarmönnum Fram.
Þeir réðu illa við línuspil FH sem þó vantaði sinn besta línumann Ágúst Birgisson. FH átti oft mjög auðveldar sendingar inn á línuna sem Fram réði ekki við.
Vítanýting beggja liða var ekki góð. Alls voru sex víti í leiknum og aðeins tvö af þeim skiluðu marki.
Einar Rafn klikkaði á báðum vítum sínum en Matthías Daðason tók fjögur víti og brenndi af tveimur.
Hvað er frammundan?
Það er leikið ört nú þegar deildinn er loksins farinn af stað á nýjan leik. Næsti leikur Fram er næsta sunnudag þar sem þeir mæta ÍBV á heimavelli klukkan 16:00.
FH fær Stjörnuna í heimsókn næstkomandi föstudag klukkan 18:00.
Sigursteinn Arndal: Þolinmæðin vann leikinn í kvöld
„Þetta var þolinmæðis verk í kvöld. Við biðum eftir augnablikum til að taka yfir leikinn sem kom að lokum, sagði Steini Arndal þjálfari FH kátur eftir leik.
Phil Döhler byrjaði leikinn í marki FH en var tekinn útaf eftir að hafa ekki varið skot, Birkir Fannar Bragason kom inn á í hans stað og skilaði góðu verki.
„Við erum með gott markvarðar par í okkar herbúðum, Birkir gerði góða hluti fyrir okkur í kvöld sem ég var ánægður með."
„Sendingar okkar á línuna og voru að ganga vel, ég var ánægður með þolinmæðina á boltann, við tókum ekki alltaf fyrsta tækifærið sem bauðst sem er jákvæð þróun og er ég ánægður með að FH sé fyrsta liðið til að landa sigri á þessum velli í vetur."
Steini sagði að lokum að Ágúst Birgisson línumaður FH væri meiddur og gat þess vegna ekki spilað í kvöld en ætti að vera klár í næsta verkefni.
Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði en einnig má kaupa útsendingar sem stakan viðburð á 990 krónur.
