Bræður heita í alvöru Kaktus og Bambus og vita ekki af hverju Snorri Másson skrifar 8. maí 2021 16:36 Bambus og Kaktus í Kaupmannahöfn um árið. Aðsend mynd Bræður, annar fæddur 1992 og hinn 1999, ólust upp í Vesturbæ og síðan Grafarvogi, fóru í Borgó annars vegar og Kvennó hins vegar, sá eldri verður tónlistarmaður og sá yngri fer í LHÍ í arkítektúr. Aldur og fyrri störf væru hér ekki í frásögur færandi nema að því leyti að þessir íslensku bræður heita í þjóðskrá Kaktus og Bambus. Bókstaflega: Sá eldri heitir Hrafnkell Flóki Kaktus Einarsson og sá yngri Kolbeinn Hringur Bambus Einarsson. Bræðurnir eru ekki sammála blaðamanni um að þessi eiginnöfn séu í frásögur færandi: „Þetta eru bara plöntur í plönturíkinu,“ segir Kaktus. „Sjáðu bara Sóleyju, Birki og Víði. Það er bara sama þema, nema að okkar plöntur vaxa ekki á Íslandi.“ Nöfn Bambusar og Kaktusar eru auðvitað engar fréttir fyrir þeim. „Svona hefur þetta verið síðan ég man eftir mér og maður veit auðvitað ekkert alveg nákvæmlega hvaðan þetta kemur,“ segir Bambus. Kaktus: „Áður en við vorum Hrafnkell Flóki og Kolbeinn Hringur vorum við alltaf Kaktus og Bambus, alveg frá því áður en við fæddumst. Það er það sem við vorum kallaðir.“ Bambus: „Já, ég man ekki svo langt aftur, en má ekki segja að þetta hafi verið eins konar vinnuheiti?“ Kaktus: „Nei, Bambus, þetta eru engin vinnuheiti. Þetta voru bara heiti. Þetta er miklu einfaldara en fólk virðist líta á þetta.“ Aldrei spurt af hverju Kaktus og Bambus hafa frá því á barnsaldri verið kallaðir þessum nöfnum, segja þeir. Eins og vangaveltur Bambusar um vinnuheiti bera með sér, bera foreldrarnir auðvitað upprunalega ábyrgðina. Foreldrar drengjanna eru Einar Örn Benediktsson Sykurmoli og Sigrún Guðmundsdóttir dansari. Af hverju Kaktus og Bambus? Bræðurnir segjast ekki hafa spurt. Kaktus: „Ég hef leyft þessu að vera bara mysteríu. Mig hefur ekki vantað þessi svör sem þig vantar.“ (beint að blaðamanni) Bambus: „Ekki mig heldur. Ég hef aldrei leitast eftir svörum eða yfirleitt spurt út í þetta. Ekki heldur um Kolbein, ef út í það er farið. Hefur þú spurt foreldra þína um þitt nafn?“ (beint að blaðamanni) Kaktus: „Þetta eru ekki hefðbundin nöfn en af hverju má til dæmis heita Lind en ekki Foss á Íslandi? Er þetta ekki bara spurning um hversu vítt fólk hugsar og hvað þeim finnst fallegt?“ Jú, það er greinilega ekki gefið að menn gangi sérstaklega á eftir skýringum á nöfnum sínum og enn síður gefið að slík eftirgrennslan sé þeim mun meira áríðandi sem nöfnin eru sjaldgæfari. Engu nafni var breytt Hrafnkell varð Kaktus í þjóðskrá árið 2010 og Kolbeinn varð Bambus í þjóðskrá árið 2018, hvor um sig átján ára. Bræðurnir þvertaka fyrir að þar hafi verið um nafnbreytingu að ræða og kalla þetta öllu fremur staðfestingu á nafngiftinni. Það er þeim hjartans mál að hér sé rétt með farið: „Við breyttum aldrei neinu, við bara staðfestum. Síðan vorum við vorum ekki skírðir við fæðingu, þannig að þessi staðfesting var í raun og veru bara okkar ferming,“ eins og Kaktus útskýrir. Mannanafnanefnd leyfði hans nafn af öðru tilefni en hans eigin árið 2006 en nafn Bambusar hlaut náð fyrir augum nefndarinnar eftir að hann hafði sótt um það sjálfur vorið 2018. Bambus var ánægður að geta staðfest nafn sitt í stjórnsýslulegum skilningi áður en hann útskrifaðist úr Kvennó 2018, af því að fullt nafn hans var þá lesið upp við útskriftina við tilheyrandi fliss viðstaddra: Kolbeinn Hringur Bambus Einarsson. Hjá Kaktusi var annað og meira í húfi árið 2010, af því að aðrir menn voru á kreiki sem gengu undir sama nafni. „Ég óttaðist að þetta nafn yrði það algengt að á endanum gæti það verið hjá mér eins og ég væri bara að kalla mig Hrafnkel Flóka Gumma, eða eitthvað þannig út í loftið. Ég varð því að festa það í sessi áður en þetta væri komið út um allt,“ segir Kaktus. Þriðji bróðirinn, Lotus Undir lokin skal nefndur yngsti bróðir þeirra bræðra: Arngrímur Broddi Einarsson. Hann hefur fengið nafnið Lotus, sem er þó ekki samþykkt af mannanafnanefnd með o-i. Hann hefur ekki staðfest nafnið í þjóðskrá, þannig að enn um sinn er hann óformlegur lokahlekkur í þríeyki þeirra bræðra Kaktusar, Bambusar og Lotusar. Kaktus, Lotus og Bambus í sveitinni.Aðsend mynd Kaktus Einarsson er tónlistarmaður og er aldrei kallaður annað á vettvangi tónlistarinnar. Hér er ekki úr vegi að geta þess að væntanleg er fyrsta sólóplata hans, Kick The Ladder. Bróðir hans Bambus er sömuleiðis vart kallaður annað en Bambus í Prag, þar sem hann er búsettur núna í skiptinámi. Bambus er auðvitað fyrir sitt leyti aðgengilegra en nokkru sinni Kolbeinn Hringur. Og ef Bambus fer að sakna bróður síns er hendi næst að hringja bara heim til Íslands. Tengiliðurinn er hjá K í símaskránni: Kaktus. Að lokum er rétt að með fylgi skjáskot frá 2019 frá grunlausum brandarakalli á Facebook, til þess að gera þeim það ljóst sem ímynda sér að þeim hafi dottið fyrstum í hug líkindi nafna Kaktusar og Bambusar við Karíus og Baktus, að þeir voru ekki fyrstir. Íslendingar gera að gamni sínu um Kaktus og Bambus án þess að vita yfirleitt af bræðrunum. Frá 2019.Skjáskot/Facebook Mannanöfn Íslendingar erlendis Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent SFS hafi skrópað á fund ráðuneytisins Innlent Enn skjálftahrina við Trölladyngju Innlent Langflestir telja afsögn Ásthildar rétta ákvörðun Innlent Fleiri fréttir Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Sjá meira
Aldur og fyrri störf væru hér ekki í frásögur færandi nema að því leyti að þessir íslensku bræður heita í þjóðskrá Kaktus og Bambus. Bókstaflega: Sá eldri heitir Hrafnkell Flóki Kaktus Einarsson og sá yngri Kolbeinn Hringur Bambus Einarsson. Bræðurnir eru ekki sammála blaðamanni um að þessi eiginnöfn séu í frásögur færandi: „Þetta eru bara plöntur í plönturíkinu,“ segir Kaktus. „Sjáðu bara Sóleyju, Birki og Víði. Það er bara sama þema, nema að okkar plöntur vaxa ekki á Íslandi.“ Nöfn Bambusar og Kaktusar eru auðvitað engar fréttir fyrir þeim. „Svona hefur þetta verið síðan ég man eftir mér og maður veit auðvitað ekkert alveg nákvæmlega hvaðan þetta kemur,“ segir Bambus. Kaktus: „Áður en við vorum Hrafnkell Flóki og Kolbeinn Hringur vorum við alltaf Kaktus og Bambus, alveg frá því áður en við fæddumst. Það er það sem við vorum kallaðir.“ Bambus: „Já, ég man ekki svo langt aftur, en má ekki segja að þetta hafi verið eins konar vinnuheiti?“ Kaktus: „Nei, Bambus, þetta eru engin vinnuheiti. Þetta voru bara heiti. Þetta er miklu einfaldara en fólk virðist líta á þetta.“ Aldrei spurt af hverju Kaktus og Bambus hafa frá því á barnsaldri verið kallaðir þessum nöfnum, segja þeir. Eins og vangaveltur Bambusar um vinnuheiti bera með sér, bera foreldrarnir auðvitað upprunalega ábyrgðina. Foreldrar drengjanna eru Einar Örn Benediktsson Sykurmoli og Sigrún Guðmundsdóttir dansari. Af hverju Kaktus og Bambus? Bræðurnir segjast ekki hafa spurt. Kaktus: „Ég hef leyft þessu að vera bara mysteríu. Mig hefur ekki vantað þessi svör sem þig vantar.“ (beint að blaðamanni) Bambus: „Ekki mig heldur. Ég hef aldrei leitast eftir svörum eða yfirleitt spurt út í þetta. Ekki heldur um Kolbein, ef út í það er farið. Hefur þú spurt foreldra þína um þitt nafn?“ (beint að blaðamanni) Kaktus: „Þetta eru ekki hefðbundin nöfn en af hverju má til dæmis heita Lind en ekki Foss á Íslandi? Er þetta ekki bara spurning um hversu vítt fólk hugsar og hvað þeim finnst fallegt?“ Jú, það er greinilega ekki gefið að menn gangi sérstaklega á eftir skýringum á nöfnum sínum og enn síður gefið að slík eftirgrennslan sé þeim mun meira áríðandi sem nöfnin eru sjaldgæfari. Engu nafni var breytt Hrafnkell varð Kaktus í þjóðskrá árið 2010 og Kolbeinn varð Bambus í þjóðskrá árið 2018, hvor um sig átján ára. Bræðurnir þvertaka fyrir að þar hafi verið um nafnbreytingu að ræða og kalla þetta öllu fremur staðfestingu á nafngiftinni. Það er þeim hjartans mál að hér sé rétt með farið: „Við breyttum aldrei neinu, við bara staðfestum. Síðan vorum við vorum ekki skírðir við fæðingu, þannig að þessi staðfesting var í raun og veru bara okkar ferming,“ eins og Kaktus útskýrir. Mannanafnanefnd leyfði hans nafn af öðru tilefni en hans eigin árið 2006 en nafn Bambusar hlaut náð fyrir augum nefndarinnar eftir að hann hafði sótt um það sjálfur vorið 2018. Bambus var ánægður að geta staðfest nafn sitt í stjórnsýslulegum skilningi áður en hann útskrifaðist úr Kvennó 2018, af því að fullt nafn hans var þá lesið upp við útskriftina við tilheyrandi fliss viðstaddra: Kolbeinn Hringur Bambus Einarsson. Hjá Kaktusi var annað og meira í húfi árið 2010, af því að aðrir menn voru á kreiki sem gengu undir sama nafni. „Ég óttaðist að þetta nafn yrði það algengt að á endanum gæti það verið hjá mér eins og ég væri bara að kalla mig Hrafnkel Flóka Gumma, eða eitthvað þannig út í loftið. Ég varð því að festa það í sessi áður en þetta væri komið út um allt,“ segir Kaktus. Þriðji bróðirinn, Lotus Undir lokin skal nefndur yngsti bróðir þeirra bræðra: Arngrímur Broddi Einarsson. Hann hefur fengið nafnið Lotus, sem er þó ekki samþykkt af mannanafnanefnd með o-i. Hann hefur ekki staðfest nafnið í þjóðskrá, þannig að enn um sinn er hann óformlegur lokahlekkur í þríeyki þeirra bræðra Kaktusar, Bambusar og Lotusar. Kaktus, Lotus og Bambus í sveitinni.Aðsend mynd Kaktus Einarsson er tónlistarmaður og er aldrei kallaður annað á vettvangi tónlistarinnar. Hér er ekki úr vegi að geta þess að væntanleg er fyrsta sólóplata hans, Kick The Ladder. Bróðir hans Bambus er sömuleiðis vart kallaður annað en Bambus í Prag, þar sem hann er búsettur núna í skiptinámi. Bambus er auðvitað fyrir sitt leyti aðgengilegra en nokkru sinni Kolbeinn Hringur. Og ef Bambus fer að sakna bróður síns er hendi næst að hringja bara heim til Íslands. Tengiliðurinn er hjá K í símaskránni: Kaktus. Að lokum er rétt að með fylgi skjáskot frá 2019 frá grunlausum brandarakalli á Facebook, til þess að gera þeim það ljóst sem ímynda sér að þeim hafi dottið fyrstum í hug líkindi nafna Kaktusar og Bambusar við Karíus og Baktus, að þeir voru ekki fyrstir. Íslendingar gera að gamni sínu um Kaktus og Bambus án þess að vita yfirleitt af bræðrunum. Frá 2019.Skjáskot/Facebook
Mannanöfn Íslendingar erlendis Mest lesið Það sem við vitum og vitum ekki um manndrápið hrottalega Innlent Sólrún fundin á Spáni Innlent Sendi Dönum tóninn Erlent Mátti binda barn á höndum og fótum og kitla það Innlent Prestur sakar oddvita um ólýðræðislega hallarbyltingu í veiðifélagi Innlent Stoppaður af vegfaranda sem spurði: „Hvað er þetta?“ Innlent Rannsaka dráp á sjúkraliðum en neita að þeir hafi verið teknir af lífi Erlent SFS hafi skrópað á fund ráðuneytisins Innlent Enn skjálftahrina við Trölladyngju Innlent Langflestir telja afsögn Ásthildar rétta ákvörðun Innlent Fleiri fréttir Arndís Bára lögreglustjóri næsta árið Fyrstu samtöl við Rubio lofi góðu Innan við helmingur barna segir frá kynferðisofbeldinu Gefa út ferðaleiðbeiningar fyrir hinsegin fólk Hafi fullan stuðning til að auka útgjöld til varnarmála Mátti binda barn á höndum og fótum og kitla það SFS hafi skrópað á fund ráðuneytisins Langflestir telja afsögn Ásthildar rétta ákvörðun Ný könnun um viðhorf til veiðigjalda Það sem við vitum og vitum ekki um manndrápið hrottalega Vaka jók við meirihlutann í stúdentaráði Dregur úr skjálftavirkni í kvikugangi en hrina í Trölladyngju fannst víða Prestur sakar oddvita um ólýðræðislega hallarbyltingu í veiðifélagi Enn skjálftahrina við Trölladyngju Tólf mánaða fangelsi fyrir að bera sig og áreita börn Segir borgstjórn ekki bjóða neinar lausnir - bara óvissu Sólrún fundin á Spáni Viðbúnaður í Vesturbæ vegna leitar Airbus var lengi búið að ganga á eftir Icelandair Stoppaður af vegfaranda sem spurði: „Hvað er þetta?“ Fresta umræðu um fjármálaáætlun eftir athugasemdir stjórnarandstöðunnar Sendiherra, lektor og sviðsstjórar sækja um embætti skrifstofustjóra Sorgmæddur og hissa vegna ásakana um njósnir Forseti féllst á kröfu stjórnarandstöðunnar um hlé vegna athugasemda við fjármálaáætlun Tuttugu og átta sóttu um stöðu dagskrárstjóra Hrina gikkskjálfta við Trölladyngju Tollar Trumps, njósnir og Ungfrú Ísland Þyngdu refsingu karlmanns fyrir vændiskaup af barni Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Sjá meira