Fólk hefur helst kvartað yfir umgjörð streymisins en ekki frammistöðu tónlistarfólksins sem kemur fram á tónleikunum. Svo virðist sem tæknilegir örðugleikar hafi gert áhorfið óánægjulegt.
Mikið álag virðist hafa valdið hökti á streyminu og fór það fyrir brjóstið á mörgum sem keyptu aðgang að því fyrir 3.900 krónur.
Er hægt að fá endurgreitt fyrir þetta ömurlega lagg streymi?? #brekkusöngur
— Jónína Bjarnadóttir (@joninabj) August 1, 2021
Einhver önnur með lélegt streymi frá Herjólfsdal eða er ég bara með lélegt net? #brekkusöngur #þjóðhátíð2021 #brekkan2021
— Ármann Ingunnarson (@Armanningunnar) August 1, 2021
Veit engin hjá Senu að allt er í drasli Kannski að láta fólk vita að það eru tæknilegir örðuleikar #brekkusöngur
— Björgvin Guðjónsson (@WeemadDesign) August 1, 2021
Þá eru aðrir ósáttir við að auglýsingahlé séu gerð á streyminu þrátt fyrir að rukkað hafi verið fyrir aðgang að því.
Hérnaaa er ekki tilgangurinn með því að selja inn á tónleikastreymi svo það þurfi ekki að hafa auglýsingahlé á tveggja laga fresti? #brekkusöngur
— Helena Gudjonsdottir (@helenagud) August 1, 2021
Af hverju eru fjölmörg stórfyrirtæki og vörumerki fengin í spons (#pepsimax, #ölgerðin, #redbull, #tuborg, #senalive), áhorfendur kaupa streymi fyrir 3.900 kr. hjá Senu en SAMT eru auglýsingar á milli atriða!? #brekkusöngur #þjóðhátíð2021 (í óspurðum er Ragga Gísla geggjuð! )
— Erling Ormar Vignisson (@erlingvignisson) August 1, 2021
Þrátt fyrir vandræði með streymið og auglýsingar virðist fólk almennt vera ánægt með starf Magnúsar Kjartans Eyjólfssonar sem stýrir brekkusöngnum í fyrsta skipti í ár.
Held að Magnús Kjartan sé kominn með fast job í Brekkusönginn #brekkusöngur
— Ása Fox (@AsaFox77) August 1, 2021
Stendur sig vel nýi brekkusöngvarinn #brekkusöngur #þjóðhátíð
— Heiður Hjaltadóttir (@HeidurH) August 1, 2021
Ég er í sjokki yfir að eftir allt þetta þá er actually einhver sem er betri en Ingó #sjokk #brekkusöngur #þjóðhátíð2021
— Jónína Bjarnadóttir (@joninabj) August 1, 2021
Þá eru sumir sem eru ánægðir með brekkusönginn af öðrum ástæðum.
Er til #brekkusöngur þannig ég geti tweetað hvað trommarinn er sætur ~Karen Glóey
— Eva Rakel Hallsdóttir (@EvaHallsdottir) August 1, 2021
Það er allavega kostur að í þessum brekkusöng getur maður farið á klósettið án þess að lenda í vandræðum með að finna sætið sitt aftur þegar maður kemur til baka #brekkusöngur
— Smári Jökull Jónsson (@smarijokull) August 1, 2021