Sömdu við kröfuhafa en næsta greiðsla gæti orðið félaginu að falli Eiður Þór Árnason skrifar 22. september 2021 15:15 Höfuðstöðvar Evergrande eru staðsettar í Hong Kong. Getty/Katherine Cheng Kínverska fasteignafélagið Evergrande Group hefur tekist að semja við kröfuhafa um stóra vaxtagreiðslu sem er gjalddaga á morgun. Stjórnendur hafa varað við því að það gæti verið á leið í gjaldþrot en fasteignaþróunarfélagið er það skuldsettasta í heimi. Umrædd greiðsla nemur 233 milljónum yuan eða um 4,69 milljörðum íslenskra króna. Ekkert hefur verið gefið upp um skilmála sáttarinnar eða hvernig félagið ætlar að standa í skilum á annarri og stærri vaxtagreiðslu í þessari viku. Sú nemur 83,5 milljónum bandaríkjadala eða um 10,85 milljörðum króna. Fjárfestar víða um heim hafa fylgst náið með erfiðri skuldastöðu Evergrande sem er eitt stærsta fasteignaþróunarfélag í Kína og hefur byggt mikið magn íbúða- og atvinnuhúsnæðis þar í landi. Virði hlutabréfa í félaginu hefur hríðfallið á mörkuðum í Hong Kong, New York og víðar, og er talið að áhyggjur fjárfesta af afdrifum félagsins hafi leitt til lækkunar á ótengdum hlutabréfum í Kauphöll Íslands. Ekki liggur fyrir hvort kínversk stjórnvöld hyggist koma félaginu til bjargar með einhverjum hætti en fjárfestar hafa áhyggjur af því að gjaldþrot myndi hafa keðjuverkandi áhrif og smitast út fyrir kínverska markaði. Meðal annars gæti minni kaupmáttur og eftirspurn eftir vörum í Kína haft áhrif á hrávörumarkaði sem eigi mikið undir eftirspurn á kínverskum markaði. Skuldar 39 þúsund milljarða króna Talið er að Evergrande skuldi um 300 milljarða bandaríkjadala eða um 39 þúsund milljarða króna. Stór hluti skuldabréfanna er í eigu kínverskra fjármálastofnana, almennra fjárfesta, húsnæðieigenda og birgðasala Evergrande. Þá er hluti skuldabréfanna í eigu erlendra fjárfesta. Á síðustu vikum hafa forsvarsmenn fasteignafélagsins varað við því að það stefni í gjaldþrot ef ekki tekst að safna miklu fjármagni á skjótum tíma. Óljóst er hvort félagið komi til með að verða úrskurðað gjaldþrota eða kínversk stjórnvöld muni reyna að forða Evergrande frá slíkum örlögum. Talið er að gjaldþrot myndi hafa veigamikil áhrif á kínverskt efnahagslíf og fjármálamarkaði. Að sögn CNN telja margir fjármálagreinendur það ólíklegt að stjórnvöld í Beijing komi til með að bjarga félaginu en mögulega muni þau koma að fjárhagslegri endurskipulagningu til að reyna að verja minni fjárfesta og húsnæðiseigendur. Samkvæmt greiningaraðilum hjá S&P Global Ratings eru kínversk stjórnvöld einungis líkleg til að koma í veg fyrir gjaldþrotið ef talið er að áhrif þess verði fleiri fasteignaþróunarfélögum að falli. Kína Fasteignamarkaður Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Umrædd greiðsla nemur 233 milljónum yuan eða um 4,69 milljörðum íslenskra króna. Ekkert hefur verið gefið upp um skilmála sáttarinnar eða hvernig félagið ætlar að standa í skilum á annarri og stærri vaxtagreiðslu í þessari viku. Sú nemur 83,5 milljónum bandaríkjadala eða um 10,85 milljörðum króna. Fjárfestar víða um heim hafa fylgst náið með erfiðri skuldastöðu Evergrande sem er eitt stærsta fasteignaþróunarfélag í Kína og hefur byggt mikið magn íbúða- og atvinnuhúsnæðis þar í landi. Virði hlutabréfa í félaginu hefur hríðfallið á mörkuðum í Hong Kong, New York og víðar, og er talið að áhyggjur fjárfesta af afdrifum félagsins hafi leitt til lækkunar á ótengdum hlutabréfum í Kauphöll Íslands. Ekki liggur fyrir hvort kínversk stjórnvöld hyggist koma félaginu til bjargar með einhverjum hætti en fjárfestar hafa áhyggjur af því að gjaldþrot myndi hafa keðjuverkandi áhrif og smitast út fyrir kínverska markaði. Meðal annars gæti minni kaupmáttur og eftirspurn eftir vörum í Kína haft áhrif á hrávörumarkaði sem eigi mikið undir eftirspurn á kínverskum markaði. Skuldar 39 þúsund milljarða króna Talið er að Evergrande skuldi um 300 milljarða bandaríkjadala eða um 39 þúsund milljarða króna. Stór hluti skuldabréfanna er í eigu kínverskra fjármálastofnana, almennra fjárfesta, húsnæðieigenda og birgðasala Evergrande. Þá er hluti skuldabréfanna í eigu erlendra fjárfesta. Á síðustu vikum hafa forsvarsmenn fasteignafélagsins varað við því að það stefni í gjaldþrot ef ekki tekst að safna miklu fjármagni á skjótum tíma. Óljóst er hvort félagið komi til með að verða úrskurðað gjaldþrota eða kínversk stjórnvöld muni reyna að forða Evergrande frá slíkum örlögum. Talið er að gjaldþrot myndi hafa veigamikil áhrif á kínverskt efnahagslíf og fjármálamarkaði. Að sögn CNN telja margir fjármálagreinendur það ólíklegt að stjórnvöld í Beijing komi til með að bjarga félaginu en mögulega muni þau koma að fjárhagslegri endurskipulagningu til að reyna að verja minni fjárfesta og húsnæðiseigendur. Samkvæmt greiningaraðilum hjá S&P Global Ratings eru kínversk stjórnvöld einungis líkleg til að koma í veg fyrir gjaldþrotið ef talið er að áhrif þess verði fleiri fasteignaþróunarfélögum að falli.
Kína Fasteignamarkaður Mest lesið Átta sagt upp hjá Arion banka Viðskipti innlent „Myndi alveg segja að hjartað í mér hafi verið í buxunum“ Atvinnulíf Icelandair hækkað um ríflega fjórðung Viðskipti innlent Hagnaður félags Björns Braga dróst verulega saman Viðskipti innlent Sátt Eimskipa við Samkeppniseftirlitið kom Samskipum ekki við Viðskipti innlent Óvíða sem flugstarfsemi er jafn stór þáttur í efnahagslífi þjóðar Viðskipti innlent Rúv tapað nærri hálfum milljarði á árinu Viðskipti innlent Spá verðbólgu undir fjórum prósentum á næsta ári Viðskipti innlent Ummæli seðlabankastjóra „skringileg“ Viðskipti innlent Icelandair fyrsta samstarfsflugfélag bandarísks risa Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira