Páll hættir sem forstjóri Landspítalans Atli Ísleifsson og Eiður Þór Árnason skrifa 5. október 2021 11:27 Páll Matthíasson hefur gegnt stöðu forstjóra Landspítalans í átta ár. Hann tók á sínum tíma við af Birni Zoëga. Vísir/Egill Páll Matthíasson mun hætta sem forstjóri Landspítalans þann 11. október. Hann hyggst snúa aftur til starfa sem geðlæknir og telur tímabært að skipta um leiðtoga eftir átta ár í embætti. Páll segir í samtali við fréttastofu að um sé að ræða persónulega ákvörðun sem eigi sér ekki rót í ósætti eða óánægju. Ákvörðunin hafi endanlega verið tekin á síðustu dögum en þó hafi það lengi blundað í honum að skipta um starfsvettvang. Guðlaug Rakel Guðjónsdóttir, framkvæmdastjóri meðferðarsviðs spítalans, tekur tímabundið við stöðu forstjóra til áramóta. „Þetta er jákvæð ákvörðun en ekki neikvæð á neinn hátt. Ég var búinn að vera í átta ár í embætti sem forstjóri og þetta er býsna annasamt starf þannig að ég taldi að það væri tímabært að einhver nýr og kraftmikill aðili komi þar inn,“ segir Páll. Spítalinn á tímamótum Páll bætir við að spítalinn standi nú á ákveðnum tímamótum þegar ný ríkisstjórn tekur við og nýr kafli er að hefjast í uppbyggingu spítalans, til að mynda með nýjum Landspítala og breyttu fjármögnunarmódeli stjórnvalda. „Ég tel bara rétt á þessum tímapunkti að það sé skipt um, óskaði því eftir því að láta af störfum og er mjög sáttur við það,“ segir Páll. Ekkert sérstakt atriði hafi orðið til þess að hann hafi ákveðið að segja skilið við forstjórastólinn. Hann hyggst verða Guðlaugu innan handar næstu mánuði en gerir síðan ráð fyrir að hverfa aftur til starfa sem geðlæknir í geðþjónustu Landspítalans. „Það er full þörf á því og mikill skortur á starfsfólki þar.“ Ekki búinn að fá nóg Óhætt er að segja að mikið hafi mætt á Páli í starfi sínu sem forstjóri og mikið verið rætt um erfiða fjárhagsstöðu spítalans. „Þetta er náttúrulega heilmikið verkefni en ég myndi ekki orða það þannig að ég væri búnn að fá nóg. Ég taldi að núna væri rétti tímapunkturinn og lag þegar mjög farsæll ráðherra sem ég hef unnið vel með er að ljúka störfum.“ Páll bætir við að hann hafi ekki fundið fyrir neinum þrýstingi varðandi starfslok og um sé að ræða hans eigin ákvörðun. „Ég er mjög sáttur og fullur þakklætis í garð þessa frábæra starfsfólks spítalans og samstarfsfólks sem ég á.“ Hefur það tekið mikinn toll að vera í þessu starfi? „Ja, stundum. Þetta er náttúrulega annasamt starf þannig að ég held að ég geti fullyrt að fjölskyldan verður mjög fegin að sjá meira af mér, eða ég vona það allavega.“ Varð við ósk Páls Í tilkynningu frá heilbrigðisráðuneytinu segir að Svandís Svavarsdóttir heilbrigðisráðherra hafi orðið við ósk Páls þessa efnis. „Guðlaug Rakel Guðjónsdóttir, framkvæmdastjóri meðferðarsviðs Landspítala, mun að beiðni ráðherra taka við stöðu forstjóra tímabundið til áramóta, þar til skipað hefur verið í embættið að nýju. Páll mun verða nýjum forstjóra innan handar næstu mánuði. Páll hefur gegnt starfi forstjóra Landspítala í átta ár en þar á undan var hann í rúm fjögur ár framkvæmdastjóri geðsviðs spítalans,“ segir í tilkynningunni. Guðlaug Rakel Guðjónsdóttir, framkvæmdastjóri meðferðarsviðs Landspítala, mun að beiðni ráðherra taka við stöðu forstjóra tímabundið til áramóta.Landspítalinn Haft er eftir Svandísi að hún þakki Páli fyrir samstarfið: „Landspítali er risavaxinn vinnustaður þar sem fengist er við öll flóknustu verkefnin sem á reynir í heilbrigðisþjónustu við landsmenn. Það er gríðarmikið verkefni að stjórna þessum spítala við venjulegar aðstæður, hvað þá við einhverjar erfiðustu aðstæður sem hugsast getur eins og í heimsfaraldri“ segir ráðherra. Þakklátur Haft er eftir Pál að þakklæti sé sér efst í huga á tímamótunum, gagnvart starfsfólki spítalans og fjölmörgum samstarfsstofnunum. „Spítalinn hefur aldrei verið öflugri en nú með skýra heilbrigðisstefnu og reynsluna af baráttunni við heimsfaraldur í farteskinu. Framundan eru áskoranir á næstu árum, samfara gríðarlegri uppbyggingu sem þarf að haldast í hendur við trygga mönnun. Á þessum tímapunkti tel ég því viðeigandi að nýr forstjóri taki við stjórn spítalans,“ segir Páll. Um Guðlaugu Rakel Guðjónsdóttur segir að hún hafi verið framkvæmdastjóri meðferðarsviðs frá hausti 2019. „Guðlaug Rakel er fædd árið 1961. Hún brautskráðist sem hjúkrunarfræðingur árið 1986 og starfaði sem slíkur í 10 ár. Í kjölfarið sinnti hún ýmsum stjórnunarstörfum, meðal annars í lyfjageiranum, en einnig sem hjúkrunarforstjóri á St. Jósefsspítala og sviðsstjóri hjúkrunar á Landspítala. Guðlaug Rakel hefur lokið MBA-gráðu og bætt við sig þekkingu í lýðheilsuvísindum. Hún tók við starfi framkvæmdastjóra bráðasviðs við stofnun þess árið 2009 og gegndi síðan starfi framkvæmdastjóra flæðisviðs frá 2014 til 2019,“ segir á vef heilbrigðisráðuneytisins. Fréttin hefur verið uppfærð. Landspítalinn Heilbrigðismál Vistaskipti Mest lesið Snorri sagður spúa hatri og trumpísku yfir heimsbyggðina Innlent Ekkert spurst til Sólrúnar á Spáni í nokkra daga Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Tóku mið af viðskiptahalla en ekki tollum Erlent „Kokkurinn“ í Bandidos látinn Erlent Býst við kolsvartri skýrslu Innlent „Af hverju var það sem var sagt á fimmtudegi svikið á mánudegi?“ Innlent Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Innlent Fleiri fréttir Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Tré úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Stöðug og jöfn jarðskjálftavirkni Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Erlendir ferðamenn gripnir glóðvolgir Harma að upplýsingar hafi verið sendar út fyrir mistök Tveimur sleppt og þrír eftir í haldi Sjá meira
Páll segir í samtali við fréttastofu að um sé að ræða persónulega ákvörðun sem eigi sér ekki rót í ósætti eða óánægju. Ákvörðunin hafi endanlega verið tekin á síðustu dögum en þó hafi það lengi blundað í honum að skipta um starfsvettvang. Guðlaug Rakel Guðjónsdóttir, framkvæmdastjóri meðferðarsviðs spítalans, tekur tímabundið við stöðu forstjóra til áramóta. „Þetta er jákvæð ákvörðun en ekki neikvæð á neinn hátt. Ég var búinn að vera í átta ár í embætti sem forstjóri og þetta er býsna annasamt starf þannig að ég taldi að það væri tímabært að einhver nýr og kraftmikill aðili komi þar inn,“ segir Páll. Spítalinn á tímamótum Páll bætir við að spítalinn standi nú á ákveðnum tímamótum þegar ný ríkisstjórn tekur við og nýr kafli er að hefjast í uppbyggingu spítalans, til að mynda með nýjum Landspítala og breyttu fjármögnunarmódeli stjórnvalda. „Ég tel bara rétt á þessum tímapunkti að það sé skipt um, óskaði því eftir því að láta af störfum og er mjög sáttur við það,“ segir Páll. Ekkert sérstakt atriði hafi orðið til þess að hann hafi ákveðið að segja skilið við forstjórastólinn. Hann hyggst verða Guðlaugu innan handar næstu mánuði en gerir síðan ráð fyrir að hverfa aftur til starfa sem geðlæknir í geðþjónustu Landspítalans. „Það er full þörf á því og mikill skortur á starfsfólki þar.“ Ekki búinn að fá nóg Óhætt er að segja að mikið hafi mætt á Páli í starfi sínu sem forstjóri og mikið verið rætt um erfiða fjárhagsstöðu spítalans. „Þetta er náttúrulega heilmikið verkefni en ég myndi ekki orða það þannig að ég væri búnn að fá nóg. Ég taldi að núna væri rétti tímapunkturinn og lag þegar mjög farsæll ráðherra sem ég hef unnið vel með er að ljúka störfum.“ Páll bætir við að hann hafi ekki fundið fyrir neinum þrýstingi varðandi starfslok og um sé að ræða hans eigin ákvörðun. „Ég er mjög sáttur og fullur þakklætis í garð þessa frábæra starfsfólks spítalans og samstarfsfólks sem ég á.“ Hefur það tekið mikinn toll að vera í þessu starfi? „Ja, stundum. Þetta er náttúrulega annasamt starf þannig að ég held að ég geti fullyrt að fjölskyldan verður mjög fegin að sjá meira af mér, eða ég vona það allavega.“ Varð við ósk Páls Í tilkynningu frá heilbrigðisráðuneytinu segir að Svandís Svavarsdóttir heilbrigðisráðherra hafi orðið við ósk Páls þessa efnis. „Guðlaug Rakel Guðjónsdóttir, framkvæmdastjóri meðferðarsviðs Landspítala, mun að beiðni ráðherra taka við stöðu forstjóra tímabundið til áramóta, þar til skipað hefur verið í embættið að nýju. Páll mun verða nýjum forstjóra innan handar næstu mánuði. Páll hefur gegnt starfi forstjóra Landspítala í átta ár en þar á undan var hann í rúm fjögur ár framkvæmdastjóri geðsviðs spítalans,“ segir í tilkynningunni. Guðlaug Rakel Guðjónsdóttir, framkvæmdastjóri meðferðarsviðs Landspítala, mun að beiðni ráðherra taka við stöðu forstjóra tímabundið til áramóta.Landspítalinn Haft er eftir Svandísi að hún þakki Páli fyrir samstarfið: „Landspítali er risavaxinn vinnustaður þar sem fengist er við öll flóknustu verkefnin sem á reynir í heilbrigðisþjónustu við landsmenn. Það er gríðarmikið verkefni að stjórna þessum spítala við venjulegar aðstæður, hvað þá við einhverjar erfiðustu aðstæður sem hugsast getur eins og í heimsfaraldri“ segir ráðherra. Þakklátur Haft er eftir Pál að þakklæti sé sér efst í huga á tímamótunum, gagnvart starfsfólki spítalans og fjölmörgum samstarfsstofnunum. „Spítalinn hefur aldrei verið öflugri en nú með skýra heilbrigðisstefnu og reynsluna af baráttunni við heimsfaraldur í farteskinu. Framundan eru áskoranir á næstu árum, samfara gríðarlegri uppbyggingu sem þarf að haldast í hendur við trygga mönnun. Á þessum tímapunkti tel ég því viðeigandi að nýr forstjóri taki við stjórn spítalans,“ segir Páll. Um Guðlaugu Rakel Guðjónsdóttur segir að hún hafi verið framkvæmdastjóri meðferðarsviðs frá hausti 2019. „Guðlaug Rakel er fædd árið 1961. Hún brautskráðist sem hjúkrunarfræðingur árið 1986 og starfaði sem slíkur í 10 ár. Í kjölfarið sinnti hún ýmsum stjórnunarstörfum, meðal annars í lyfjageiranum, en einnig sem hjúkrunarforstjóri á St. Jósefsspítala og sviðsstjóri hjúkrunar á Landspítala. Guðlaug Rakel hefur lokið MBA-gráðu og bætt við sig þekkingu í lýðheilsuvísindum. Hún tók við starfi framkvæmdastjóra bráðasviðs við stofnun þess árið 2009 og gegndi síðan starfi framkvæmdastjóra flæðisviðs frá 2014 til 2019,“ segir á vef heilbrigðisráðuneytisins. Fréttin hefur verið uppfærð.
Landspítalinn Heilbrigðismál Vistaskipti Mest lesið Snorri sagður spúa hatri og trumpísku yfir heimsbyggðina Innlent Ekkert spurst til Sólrúnar á Spáni í nokkra daga Innlent Ók yfir á rangan helming og lést átta dögum síðar Innlent Meint hræðsla dómara ekki næg ástæða til að taka málið fyrir Innlent „Ásthildur Lóa var kjöldregin í öllum fjölmiðlum heims“ Innlent Tóku mið af viðskiptahalla en ekki tollum Erlent „Kokkurinn“ í Bandidos látinn Erlent Býst við kolsvartri skýrslu Innlent „Af hverju var það sem var sagt á fimmtudegi svikið á mánudegi?“ Innlent Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Innlent Fleiri fréttir Leggur 380 milljónir í nýtt félag um samgöngur Töflurnar tuttugu þúsund falsaðar og innihéldu annað hættulegt efni Tekur við starfi þingmanns í leyfi frá borginni Veðurstofan ekki búin að afskrifa gosið með öllu Bein útsending: Evrópsk öryggis- og varnarmál í breytilegum heimi Ekkert spurst til Sólrúnar á Spáni í nokkra daga „Af hverju var það sem var sagt á fimmtudegi svikið á mánudegi?“ Rafrettur hafi langvarandi afleiðingar á lungu, heila og hjarta Tré úr Öskjuhlíð skipað frá Hafnarfirði Býst við kolsvartri skýrslu Frumvarp um gæludýrahald skerði sjálfsögð réttindi fólks til heilsu Meint hræðsla dómara ekki næg ástæða til að taka málið fyrir „Ásthildur Lóa var kjöldregin í öllum fjölmiðlum heims“ Tollastríð Trumps hefur áhrif víða Ók yfir á rangan helming og lést átta dögum síðar Bókun 35 þokast nær afgreiðslu Sló mann með glerglasi í höfuðið á Strandgötunni Snorri sagður spúa hatri og trumpísku yfir heimsbyggðina Ákærður fyrir að áreita barn í búningsklefa Stöðug og jöfn jarðskjálftavirkni Funduðu aftur fram að miðnætti: „Vont að þingmenn stjórnarandstöðunnar séu móðgaðir“ Kvikugangur talinn ná langleiðina að flugvallarstæði Hvassahrauns Alþingi hafi átt að vera upplýst Stöðvuðu smygl á tuttugu þúsund Oxycontin-töflum Hinir handteknu alveg ótengdir Stjórnarformaður vísisjóðs nýr forseti Félagsvísindasviðs HÍ Engin virkni í sprungunni og umfangsmikil lögregluaðgerð Erlendir ferðamenn gripnir glóðvolgir Harma að upplýsingar hafi verið sendar út fyrir mistök Tveimur sleppt og þrír eftir í haldi Sjá meira