Víðir segir að Víkingur og Breiðablik hafi tekið mjög stórt skref í þróun fótboltans Óskar Ófeigur Jónsson skrifar 20. desember 2021 11:00 Víðir Sigurðsson með nýjustu bókina sína. Íslensk Knattspyrna 2021 var að koma út en þetta er fertugasta bókin sem Víðir kemur að. Vísir/Sigurjón Gaupi fékk Víði Sigurðsson meðal annars til að velja þann besta í 40 ára sögu bókaflokksins Íslenskar knattspyrnu þegar hann hitti reyndasta íþróttafréttamanna Íslands fyrr og síðar. Bókin Íslensk knattspyrna 2021 er komin út. Höfundurinn Víðir Sigurðsson stendur á tímamótum því hann varð á dögunum sá fyrsti í sögu Samtaka íþróttafréttamanna sem nær því að vera meðlimur í fjóra áratugi. Víðir var því að kjósa Íþróttamanns ársins í 41. sinn á dögunum en hann gekk í samtökin árið 1981 og kaus þá í fyrsta sinn. Víðir var þá einn af sjö meðlimum samtakanna en það hefur fjölgað mikið í hópnum síðan þá. Tímamótin eru þó ekki upptalin því á sama tíma er að koma út fertugasta bókin sem hann skrifar í bókaflokknum Íslensk knattspyrna. Bókin var fyrst gefin út árið 1981 en Víðir kom inn 1982 og hefur séð um bókina einn frá árinu 1983. Klippa: Víðir Sigurðsson gefur út bók á stórum tímamótum Guðjón Guðmundsson ræddi við Víði um nýju bókina og um leið um stöðu íslenskar knattspyrnu í dag. Vorum að komast af mölinni inn á grasið af alvöru Það voru ákveðin tímamót í boltanum þegar bókin kom út í fyrsta sinn árið 1981. Víðir Sigurðsson ræðir við Guðjón Guðmundsson.S2 Sport „Þarna upp úr 1980 þá er Ísland að stíga inn á þetta alþjóðlega svið. Hér heima erum við að komast af mölinni inn á grasið af alvöru. Landsliðið er byrjað að ná eftirtektarverðum úrslitum af og til. Við erum líka búin að eignast flotta fulltrúa í Evrópufótboltanum eins og Ásgeir Sigurvinsson, Arnór Guðjohnsen og Atla Eðvaldsson sem dæmi. Þarna eru hlutirnir byrjaði að breytast og þróast,“ sagði Víðir Sigurðsson. „Það er gríðarlega margt búið að gerast. Við höfum séð landsliðin okkar, sérstaklega eftir sem árin hafa liðið, þroskast upp í það að vera að komast í fremstu röð. Kvennalandsliðið fyrst og svo karlalandsliðið óvænt eins og það gerði,“ sagði Víðir. „Við höfum séð alltaf inn á milli áhugaverð úrslit hjá okkar liðum í Evrópuleikjum og svo allt þetta afreksfólk okkar sem hefur náð góðum árangri með félagsliðum erlendis. Það er miðað við höfðatöluna lygilegur fjöldi sem hefur gert það gott þar,“ sagði Víðir. Fótboltann að taka miklum breytingum Karlalandsliðið fer í átta liða úrslit Evrópumótsins og í lokakeppni heimsmeistaramótsins. Það sá líklega enginn fyrir. Íslensk knattspyrna 2021 er komin út.S2 Sport „Við létum okkur dreyma um þetta um tíma Þegar Gaui Þórðar var að næstum því búinn að koma liðinu í úrslitin á EM. Einu sinni áður vorum við líka aðeins farin að finna þef af þessu en ekki á þennan hátt eins síðar gerðist. Það var algjört ævintýri,“ sagði Víðir. Gaupi vildi meina að íslensk knattspyrnu standi á ákveðnum krossgötum i dag og Víðir tók undir það. „Hún gerir það að mörgu leyti, hvort sem að við horfum á fótboltann sjálfan sem er að taka miklum breytingum. Ef við horfum á karlafótboltann hérna heima í ár þá sáum við Víking og Breiðablik vera að taka mjög stórt skref í þróun fótboltans, í að spila annan og betri fótbolta en við höfum kannski séð. Síðan á alþjóðavettvangi þá er mikið að gerast og mikið að breytast,“ sagði Víðir. „Við erum að sjá kvennalandsliðið okkar fara í fjórða sinn á EM. Það er hægt að týna fleira til af þessu. Við erum að sjá gríðarlega endurnýjun hjá karlalandsliðinu okkar. Þar eru miklar breytingar sem urðu að óvæntum ástæðum á þessu ári. Það er margt sem hefur verið að gerast,“ sagði Víðir. Tveir sem standa upp úr og annar örlitlu skrefi á undan Gaupi vildi fá að vita hver sé besti knattspyrnumaður Íslands á þessum fjörutíu árum sem Víðir hefur verið í þessu. „Það er alltaf erfitt að gera upp á milli manna en það eru alltaf tveir sem koma upp í hugann. Að mínu mati er Ásgeir Sigurvinsson númer eitt, örlitlu skrefi á undan Eiði Smára Guðjohnsen, þessum tveimur bestu fótboltamönnum okkar,“ sagði Víðir. Alltaf sú nýjasta En Gaupi vildi líka fá Víði til að gera upp á milli bókanna sinna fjörutíu. „Hvaða bók er best af þessum fjörutíu,“ spurði Guðjón. „Það er alltaf sú nýjasta,“ svaraði Víðir en þrátt fyrir að bækurnar séu líkar í útliti þá eru þær líka mjög ólíkar. „Maður reynir alltaf að finna eitthvað nýtt á hverju ári. Núna eru það Víkingarnir sem eru á kápunni. Stóra myndin er af þeim enda unnu þeir magnað afrek að verða tvöfaldir meistarar í karlaflokki. Bæði Íslands- og bikarmeistarar eftir að hafa beðið í þrjátíu ár eftir Íslandsmeistaratitlinum. Þeir áttu alveg magnaðan endasprett þar sem þeir vinna síðustu tíu leikina og tryggja sér þessa tvo titla á mjög dramatískan hátt,“ sagði Víðir. Það má sjá allt viðtalið hér fyrir ofan. Íslenski boltinn Pepsi Max-deild karla Pepsi Max-deild kvenna Mest lesið Eygló verður síðasti Evrópumeistarinn í sögunni Sport Gummi Ben fór hamförum yfir endurkomu United Fótbolti Fjögurra ára strákur gerði allt brjálað í höllinni Sport Hefði fengið 20 ára bann fyrir samskonar mál og Sinner Sport Max svaraði Marko fullum hálsi Formúla 1 „Maður er náttúrlega bara í pínu sjokki“ Sport „Hér er allt mögulegt“ Fótbolti Van Dijk fær 68 milljónir á viku Enski boltinn Heilinn fer að „borða“ sjálfan sig í maraþonhlaupi Sport Ítalíudvölin tók á andlegu hliðina: „Vil finna gleðina aftur“ Íslenski boltinn Fleiri fréttir Ítalíudvölin tók á andlegu hliðina: „Vil finna gleðina aftur“ Uppgjörið: ÍBV - Víkingur 3-0 | Eyjamenn flugu áfram Mosfellingar fundu markaskóna og Fylkismenn orðnir níu fyrir hálfleik Fimmtán ára og skoraði í fyrsta byrjunarliðsleiknum í efstu deild Segir að öllum hafi verið sama um kvennaliðið í KR Uppbótartíminn: „Draumar eru til þess að stefna hátt“ „Þetta var skrýtinn leikur“ „Höfum afsannað allar spár sem hafa komið og ætlum að halda því áfram“ „Hugur minn er bara hjá henni“ Leik lokið: Valur - FH 0-0 | Markalaust í leik sem litaðist af ljótum meiðslum Viðar Örn að glíma við meiðsli Uppgjörið: Víkingur - Þór/KA 1-4 | Engin hamingja hjá heimakonum Uppgjörið: Tindastóll - FHL 1-0 | Stólarnir sýndu enga miskunn Bærinn seldi tækin úr ræktinni: „Vona að Fjarðabyggð sjái að sér“ Segir vandræðalegt að Valur hafi ekki unnið KR „Skemmtilegt að þroskast þannig sem leikmaður“ „Meira að hugsa um hvort ég geti unnið heilan vinnudag“ Fimmtán ára KR-ingur tók metið af Eiði Smára: Fær hæfileikana frá mömmu Byrjaði sem grín en endaði með því að Römer fór frá Lyngby til Akureyrar „Það sem klikkaði var að þær komust á lagið og gerðu vel“ Uppgjörið: Breiðablik - Stjarnan 6-1 | Meistararnir byrja af krafti „Gott að vera komin heim“ Uppgjörið: Þróttur - Fram 3-1 | Nýliðarnir máttu þola tap í endurkomunni Hin næstum fertuga Sif fær félagaskipti í Víking „Komin ótrúlega langt miðað við hversu stutt er síðan hún átti sitt fyrsta barn“ „Sýna þeim að þau gerðu mistök að segja samningnum upp“ „Það verður alltaf talað um hana“ „KA búið að leggja það í vana sinn að bregðast mjög seint við“ „Taka hringi á jörðinni og öskra eins og þú sért að fæða barn“ Besta spáin 2025: Skjöldurinn fer ekki neitt Sjá meira
Bókin Íslensk knattspyrna 2021 er komin út. Höfundurinn Víðir Sigurðsson stendur á tímamótum því hann varð á dögunum sá fyrsti í sögu Samtaka íþróttafréttamanna sem nær því að vera meðlimur í fjóra áratugi. Víðir var því að kjósa Íþróttamanns ársins í 41. sinn á dögunum en hann gekk í samtökin árið 1981 og kaus þá í fyrsta sinn. Víðir var þá einn af sjö meðlimum samtakanna en það hefur fjölgað mikið í hópnum síðan þá. Tímamótin eru þó ekki upptalin því á sama tíma er að koma út fertugasta bókin sem hann skrifar í bókaflokknum Íslensk knattspyrna. Bókin var fyrst gefin út árið 1981 en Víðir kom inn 1982 og hefur séð um bókina einn frá árinu 1983. Klippa: Víðir Sigurðsson gefur út bók á stórum tímamótum Guðjón Guðmundsson ræddi við Víði um nýju bókina og um leið um stöðu íslenskar knattspyrnu í dag. Vorum að komast af mölinni inn á grasið af alvöru Það voru ákveðin tímamót í boltanum þegar bókin kom út í fyrsta sinn árið 1981. Víðir Sigurðsson ræðir við Guðjón Guðmundsson.S2 Sport „Þarna upp úr 1980 þá er Ísland að stíga inn á þetta alþjóðlega svið. Hér heima erum við að komast af mölinni inn á grasið af alvöru. Landsliðið er byrjað að ná eftirtektarverðum úrslitum af og til. Við erum líka búin að eignast flotta fulltrúa í Evrópufótboltanum eins og Ásgeir Sigurvinsson, Arnór Guðjohnsen og Atla Eðvaldsson sem dæmi. Þarna eru hlutirnir byrjaði að breytast og þróast,“ sagði Víðir Sigurðsson. „Það er gríðarlega margt búið að gerast. Við höfum séð landsliðin okkar, sérstaklega eftir sem árin hafa liðið, þroskast upp í það að vera að komast í fremstu röð. Kvennalandsliðið fyrst og svo karlalandsliðið óvænt eins og það gerði,“ sagði Víðir. „Við höfum séð alltaf inn á milli áhugaverð úrslit hjá okkar liðum í Evrópuleikjum og svo allt þetta afreksfólk okkar sem hefur náð góðum árangri með félagsliðum erlendis. Það er miðað við höfðatöluna lygilegur fjöldi sem hefur gert það gott þar,“ sagði Víðir. Fótboltann að taka miklum breytingum Karlalandsliðið fer í átta liða úrslit Evrópumótsins og í lokakeppni heimsmeistaramótsins. Það sá líklega enginn fyrir. Íslensk knattspyrna 2021 er komin út.S2 Sport „Við létum okkur dreyma um þetta um tíma Þegar Gaui Þórðar var að næstum því búinn að koma liðinu í úrslitin á EM. Einu sinni áður vorum við líka aðeins farin að finna þef af þessu en ekki á þennan hátt eins síðar gerðist. Það var algjört ævintýri,“ sagði Víðir. Gaupi vildi meina að íslensk knattspyrnu standi á ákveðnum krossgötum i dag og Víðir tók undir það. „Hún gerir það að mörgu leyti, hvort sem að við horfum á fótboltann sjálfan sem er að taka miklum breytingum. Ef við horfum á karlafótboltann hérna heima í ár þá sáum við Víking og Breiðablik vera að taka mjög stórt skref í þróun fótboltans, í að spila annan og betri fótbolta en við höfum kannski séð. Síðan á alþjóðavettvangi þá er mikið að gerast og mikið að breytast,“ sagði Víðir. „Við erum að sjá kvennalandsliðið okkar fara í fjórða sinn á EM. Það er hægt að týna fleira til af þessu. Við erum að sjá gríðarlega endurnýjun hjá karlalandsliðinu okkar. Þar eru miklar breytingar sem urðu að óvæntum ástæðum á þessu ári. Það er margt sem hefur verið að gerast,“ sagði Víðir. Tveir sem standa upp úr og annar örlitlu skrefi á undan Gaupi vildi fá að vita hver sé besti knattspyrnumaður Íslands á þessum fjörutíu árum sem Víðir hefur verið í þessu. „Það er alltaf erfitt að gera upp á milli manna en það eru alltaf tveir sem koma upp í hugann. Að mínu mati er Ásgeir Sigurvinsson númer eitt, örlitlu skrefi á undan Eiði Smára Guðjohnsen, þessum tveimur bestu fótboltamönnum okkar,“ sagði Víðir. Alltaf sú nýjasta En Gaupi vildi líka fá Víði til að gera upp á milli bókanna sinna fjörutíu. „Hvaða bók er best af þessum fjörutíu,“ spurði Guðjón. „Það er alltaf sú nýjasta,“ svaraði Víðir en þrátt fyrir að bækurnar séu líkar í útliti þá eru þær líka mjög ólíkar. „Maður reynir alltaf að finna eitthvað nýtt á hverju ári. Núna eru það Víkingarnir sem eru á kápunni. Stóra myndin er af þeim enda unnu þeir magnað afrek að verða tvöfaldir meistarar í karlaflokki. Bæði Íslands- og bikarmeistarar eftir að hafa beðið í þrjátíu ár eftir Íslandsmeistaratitlinum. Þeir áttu alveg magnaðan endasprett þar sem þeir vinna síðustu tíu leikina og tryggja sér þessa tvo titla á mjög dramatískan hátt,“ sagði Víðir. Það má sjá allt viðtalið hér fyrir ofan.
Íslenski boltinn Pepsi Max-deild karla Pepsi Max-deild kvenna Mest lesið Eygló verður síðasti Evrópumeistarinn í sögunni Sport Gummi Ben fór hamförum yfir endurkomu United Fótbolti Fjögurra ára strákur gerði allt brjálað í höllinni Sport Hefði fengið 20 ára bann fyrir samskonar mál og Sinner Sport Max svaraði Marko fullum hálsi Formúla 1 „Maður er náttúrlega bara í pínu sjokki“ Sport „Hér er allt mögulegt“ Fótbolti Van Dijk fær 68 milljónir á viku Enski boltinn Heilinn fer að „borða“ sjálfan sig í maraþonhlaupi Sport Ítalíudvölin tók á andlegu hliðina: „Vil finna gleðina aftur“ Íslenski boltinn Fleiri fréttir Ítalíudvölin tók á andlegu hliðina: „Vil finna gleðina aftur“ Uppgjörið: ÍBV - Víkingur 3-0 | Eyjamenn flugu áfram Mosfellingar fundu markaskóna og Fylkismenn orðnir níu fyrir hálfleik Fimmtán ára og skoraði í fyrsta byrjunarliðsleiknum í efstu deild Segir að öllum hafi verið sama um kvennaliðið í KR Uppbótartíminn: „Draumar eru til þess að stefna hátt“ „Þetta var skrýtinn leikur“ „Höfum afsannað allar spár sem hafa komið og ætlum að halda því áfram“ „Hugur minn er bara hjá henni“ Leik lokið: Valur - FH 0-0 | Markalaust í leik sem litaðist af ljótum meiðslum Viðar Örn að glíma við meiðsli Uppgjörið: Víkingur - Þór/KA 1-4 | Engin hamingja hjá heimakonum Uppgjörið: Tindastóll - FHL 1-0 | Stólarnir sýndu enga miskunn Bærinn seldi tækin úr ræktinni: „Vona að Fjarðabyggð sjái að sér“ Segir vandræðalegt að Valur hafi ekki unnið KR „Skemmtilegt að þroskast þannig sem leikmaður“ „Meira að hugsa um hvort ég geti unnið heilan vinnudag“ Fimmtán ára KR-ingur tók metið af Eiði Smára: Fær hæfileikana frá mömmu Byrjaði sem grín en endaði með því að Römer fór frá Lyngby til Akureyrar „Það sem klikkaði var að þær komust á lagið og gerðu vel“ Uppgjörið: Breiðablik - Stjarnan 6-1 | Meistararnir byrja af krafti „Gott að vera komin heim“ Uppgjörið: Þróttur - Fram 3-1 | Nýliðarnir máttu þola tap í endurkomunni Hin næstum fertuga Sif fær félagaskipti í Víking „Komin ótrúlega langt miðað við hversu stutt er síðan hún átti sitt fyrsta barn“ „Sýna þeim að þau gerðu mistök að segja samningnum upp“ „Það verður alltaf talað um hana“ „KA búið að leggja það í vana sinn að bregðast mjög seint við“ „Taka hringi á jörðinni og öskra eins og þú sért að fæða barn“ Besta spáin 2025: Skjöldurinn fer ekki neitt Sjá meira