Í þættinum, þar sem Gísli Freyr Valdórsson heldur um stjórnartaumana, var farið yfir sigurvegara, tilnefningar og rökstuðning dómnefndar fyrir vali á vinningshöfum.
Innherji og Þjóðmál kynntu nýlega fyrirætlanir sínar um samstarf, en Þjóðmál verður framvegis hægt að nálgast á nýrri hlaðvarpsveitu Sýnar sem ber nafnið Tal. Auk þess er hlaðvarpið aðgengilegt á öllum helstu hlaðvarpsveitum og öllum aðgengilegt án endurgjalds.
Viðskiptaverðlaun Innherja voru veitt í fimm flokkum, auk aðalverðlauna fyrir viðskipti ársins.
Þá var viðskiptamaður ársins útnefndur og sérstök heiðursverðlaun íslensks atvinnulífs afhent.
![](https://www.visir.is/i/3E8D218FD4F46F335E0F725183289B1CAFD1A936AD18378A7366EE9F086C2F6A_713x0.jpg)
Innherji er nýr sjálfstæður áskriftarmiðill innan Vísis sem mun einkum beina kastljósinu að viðskiptalífinu, efnahagsmálum og stjórnmálum. Fyrst um sinn verður efnið endurgjaldslaust og aðgengilegt öllum á Vísi en með tímanum verður einungis hægt að nálgast Innherja gegn greiðslu. Áhersla er lögð á vandaðar fréttir, fréttaskýringar, viðtöl og hlaðvörp auk þess sem Innherja er ætlaður að vera vettvangur skoðanaskipta fólks úr atvinnulífinu og stjórnmálum.