Staðan er enn óljós en óróapúls mældist við Fagradalsfjall fyrir hádegi í dag, í um hálftíma áður en hann fjaraði út.
Talið hefur verið líklegast að ef annað gos verði komi kvikan upp á sama stað og gaus stóran hluta ársins. Gos gæti þess vegna hafist nánast fyrirvaralaust .Salome Jórunn Bernharðsdóttir, náttúruvársérfræðingur hjá Veðurstofu Íslands, segir aðeins hægt að bíða og sjá.
Skjálfti upp á 4,5 var var um miðnætti en í morgun fundust vel tveir skjálftar.
„Tveir skjálftar sem fundust svolítið vel núna í morgunsárið, í kringum hálf átta. Sá stærri var 4,2 og sá minni 3,3. Síðan þá hefur þetta verið rólegt miðað við,“ segir Salóme og bætir við að sá stærri hafi líklega fundist á öllu suðvesturhorni landsins.
