Segir mál meðhöndlarans hafa skemmt mikið fyrir systur sinni Vésteinn Örn Pétursson skrifar 18. janúar 2022 07:01 Málið sem hér er til umfjöllunar er fimmta nauðgunarmálið á hendur Jóhannesi. Hann hefur verið sakfelldur fyrir fjórar nauðganir í Landsrétti og hlaut sex ára fangelsisdóm. Systir brotaþola í fimmta nauðgunarmáli ákæruvaldsins á hendur meðhöndlaranum Jóhannesi Tryggva Sveinbjörnssyni kom fram sem vitni við aðalmeðferð málsins í síðustu viku. Þar bar hún meðal annars um hrakandi líðan systur sinnar eftir að meint ofbeldi átti sér stað og sagðist sem læknir ekki vita til þess að það sem Jóhannesi er gefið að sök geti talist vera meðferð við þeim verkjum sem brotaþoli ætlaði að fá Jóhannes til að meðhöndla. Aðalmeðferð í málinu fyrir Héraðsdómi Reykjaness lauk á föstudag með málflutningi saksóknara og verjanda Jóhannesar. Fyrir það höfðu fjölmörg vitni komið fyrir dóminn og gefið skýrslu. Jóhannes hefur þegar verið sakfelldur fyrir fjórar nauðganir og fékk sex ára dóm í Landsrétti. Jóhannes neitar sök í málinu en hann er ákærður fyrir nauðgun, í starfi sínu sem nuddari dagana 3. og 5. janúar 2012, á meðferðarstofu sinni í Reykjavík, með því að hafa haft önnur kynferðismök en samræði við brotaþola, án hennar samþykkis með því að káfa á kynfærum hennar, rassi og brjóstum og setja fingur inn í leggöng hennar, henni að óvörum, þar sem hún lá léttklædd á nuddbekk. Auk þess er honum gefið að sök að hafa beitt brotaþola ólögmætri nauðung með því að misnota það traust sem hún bar til hans. Meint brot Jóhannesar gætu ekki talist til meðferðar Brotaþoli í málinu, Ragnhildur Eik Árnadóttir, hefur rætt um málið í fjölmiðlum. Fyrir dómi sagðist hún hafa leitað til Jóhannesar árið 2012 eftir ráðleggingum móður sinnar, en hún lenti í árekstri um verslunarmannahelgina árið 2010 og slasaðist. Hér má lesa nánar um vitnisburð Ragnhildar fyrir dómi. Meðal þeirra vitna sem komu fyrir fjölskipaðan héraðsdóm var systir Ragnhildar, sem er læknir. Hún sagði systur sína fyrst hafa sagt sér frá meintu ofbeldi Jóhannesar árið 2015, þegar systurnar voru saman í utanlandsferð. Meðal þess sem þær systur hefðu rætt væru vangaveltur Ragnhildar um hvort það sem Jóhannesi er gefið að sök, gæti á einhvern hátt talist meðferð við þeim meiðslum sem Ragnhildur glímdi við. Systir hennar, sem er læknir, sagði hins vegar fyrir dómi að ekki væri undir neinum kringumstæðum eðlilegt að meðhöndla slíkan verk í gegnum leggöng. Málið hefði skemmt mikið fyrir Ragnhildi Systirin sagði þá að Ragnhildi hefði liðið illa þegar hún opnaði sig um málið, og henni hafi auðsjáanlega þótt erfitt að segja frá upplifun sinni. Hún hafi fyrst um sinn gert lítið úr málinu til þess að brjóta ísinn, en augljóst hafi verið að það hefði hvílt þungt á henni. Þá hafi komið í ljós að Ragnhildur hefði glímt við töluverða vanlíðan vegna málsins, en systir hennar taldi að það hefði getað verið vegna fráfalls afa þeirra, sem lést skömmu áður en Ragnhildur fór í nuddtímana þar sem meint ofbeldi Jóhannesar átti sér stað. Sagði systirin leiðinlegt að sjá hversu mikið málið hefið „skemmt fyrir“ Ragnhildi, og vísaði þar til þess að Ragnhildur hefði vegna vanlíðanar misst úr skóla og vinnu, auk þess sem hún hefði þurft að koma aftur til Íslands frá Kaupmannahöfn, hvar hún bjó, vegna þess. Þær systur hafi þá rætt hvort Ragnhildur ætti að stíga fram og segja frá upplifun sinni, en Ragnhildur hefði ekki treyst sér til þess. Hafði systirin sérstaklega orð á því að Ragnhildur upplifði samviskubit þar sem hún teldi að með því að stíga fram gæti hún mögulega hjálpað konum í sömu stöðu. Áður hafði Ragnhildur sjálf talað um þetta í sínum vitnisburði fyrir dómi. Sagði systur sinni að brotið hefði verið á sér Verjandi Jóhannesar spurði systurina sérstaklega út í lýsingar Ragnhildar á sinni upplifun af nuddtímunum, og hvort hún hefði sérstaklega vitneskju um það sem þar fór fram, umfram það sem Ragnhildur sjálf hefði sagt henni. Systirin svaraði því neitandi, enda hefði hún ekki verið á staðnum þegar meint brot áttu sér stað. Verjandinn spurði einnig út í nánari lýsingar sem Ragnhildur gæti hafa gefið á meintum brotum, þegar hún opnaði sig við systur sína árið 2015. Þá sagðist hún ekki hafa fengið meira en „grundvallarlýsingu á brotinu,“ og að Ragnhildur hefði frosið þegar það hafi átt sér stað, og henni liðið eins og tíminn liði hægar meðan á því stóð. Loks spurði dómari vitnið hvort Ragnhildur hefði, árið 2015, lýst því sem á að hafa gerst í nuddtímanum á þann veg að Jóhannes hefði brotið gegn henni. Systirin játti því, en kvaðst þó ekki muna nákvæmlega hvaða orðalag Ragnhildur hefði notað. Þrátt fyrir það færi ekki á milli mála að hún teldi að á sér hefði verið brotið. Fyrir dómi á fimmtudag þvertók Jóhannes fyrir að hafa snert brjóst eða kynfæri Ragnhildar með óviðeigandi hætti. Skýrslutaka yfir honum tók þó stuttan tíma, þar sem hann kaus að tjá sig ekki frekar umfram það sem fram kom í lögregluskýrslu sem tekin var af honum vegna málsins. Dóms í málinu er að vænta upp úr næstu mánaðamótum. Mál Jóhannesar Tryggva Sveinbjörnssonar Kynferðisofbeldi Dómsmál Tengdar fréttir Lýsti upplifun sinni af nuddtímunum í sögulegu þinghaldi Fjöldi vitna var kallaður til við aðalmeðferð í sakamáli á hendur meðhöndlaranum Jóhannesi Tryggva Sveinbjörnssyni í dag og í gær. Jóhannes hefur verið sakfelldur fyrir fjórar nauðganir en aðalmeðferð í fimmta málinu á hendur honum hófst í Héraðsdómi Reykjaness í gær. Jóhannes neitaði sök fyrir dómi en vildi annars lítið tjá sig og vísaði til lögregluskýrslu sem tekin var af honum vegna málsins. Þinghald í málinu var opið, sem er óvenjulegt fyrir kynferðisbrotamál. 14. janúar 2022 11:03 Brotavilji Jóhannesar talinn bæði sterkur og einbeittur Landsréttur telur að brotavilji Jóhannes Tryggva Sveinbjörnssonar, sem dæmdur var í sex ára fangelsi fyrir kynferðisbrot gegn fjórum konum hafi bæði verið einbeittur og sterkur. Hann hafi framið alvarleg brot gegn konunum, í skjóli trúnaðartrausts sem þær báru til hans. 8. nóvember 2021 20:03 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Kerlingadráttur í 120 ára afmælisveislu í Borgarnesi Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Aðalmeðferð í málinu fyrir Héraðsdómi Reykjaness lauk á föstudag með málflutningi saksóknara og verjanda Jóhannesar. Fyrir það höfðu fjölmörg vitni komið fyrir dóminn og gefið skýrslu. Jóhannes hefur þegar verið sakfelldur fyrir fjórar nauðganir og fékk sex ára dóm í Landsrétti. Jóhannes neitar sök í málinu en hann er ákærður fyrir nauðgun, í starfi sínu sem nuddari dagana 3. og 5. janúar 2012, á meðferðarstofu sinni í Reykjavík, með því að hafa haft önnur kynferðismök en samræði við brotaþola, án hennar samþykkis með því að káfa á kynfærum hennar, rassi og brjóstum og setja fingur inn í leggöng hennar, henni að óvörum, þar sem hún lá léttklædd á nuddbekk. Auk þess er honum gefið að sök að hafa beitt brotaþola ólögmætri nauðung með því að misnota það traust sem hún bar til hans. Meint brot Jóhannesar gætu ekki talist til meðferðar Brotaþoli í málinu, Ragnhildur Eik Árnadóttir, hefur rætt um málið í fjölmiðlum. Fyrir dómi sagðist hún hafa leitað til Jóhannesar árið 2012 eftir ráðleggingum móður sinnar, en hún lenti í árekstri um verslunarmannahelgina árið 2010 og slasaðist. Hér má lesa nánar um vitnisburð Ragnhildar fyrir dómi. Meðal þeirra vitna sem komu fyrir fjölskipaðan héraðsdóm var systir Ragnhildar, sem er læknir. Hún sagði systur sína fyrst hafa sagt sér frá meintu ofbeldi Jóhannesar árið 2015, þegar systurnar voru saman í utanlandsferð. Meðal þess sem þær systur hefðu rætt væru vangaveltur Ragnhildar um hvort það sem Jóhannesi er gefið að sök, gæti á einhvern hátt talist meðferð við þeim meiðslum sem Ragnhildur glímdi við. Systir hennar, sem er læknir, sagði hins vegar fyrir dómi að ekki væri undir neinum kringumstæðum eðlilegt að meðhöndla slíkan verk í gegnum leggöng. Málið hefði skemmt mikið fyrir Ragnhildi Systirin sagði þá að Ragnhildi hefði liðið illa þegar hún opnaði sig um málið, og henni hafi auðsjáanlega þótt erfitt að segja frá upplifun sinni. Hún hafi fyrst um sinn gert lítið úr málinu til þess að brjóta ísinn, en augljóst hafi verið að það hefði hvílt þungt á henni. Þá hafi komið í ljós að Ragnhildur hefði glímt við töluverða vanlíðan vegna málsins, en systir hennar taldi að það hefði getað verið vegna fráfalls afa þeirra, sem lést skömmu áður en Ragnhildur fór í nuddtímana þar sem meint ofbeldi Jóhannesar átti sér stað. Sagði systirin leiðinlegt að sjá hversu mikið málið hefið „skemmt fyrir“ Ragnhildi, og vísaði þar til þess að Ragnhildur hefði vegna vanlíðanar misst úr skóla og vinnu, auk þess sem hún hefði þurft að koma aftur til Íslands frá Kaupmannahöfn, hvar hún bjó, vegna þess. Þær systur hafi þá rætt hvort Ragnhildur ætti að stíga fram og segja frá upplifun sinni, en Ragnhildur hefði ekki treyst sér til þess. Hafði systirin sérstaklega orð á því að Ragnhildur upplifði samviskubit þar sem hún teldi að með því að stíga fram gæti hún mögulega hjálpað konum í sömu stöðu. Áður hafði Ragnhildur sjálf talað um þetta í sínum vitnisburði fyrir dómi. Sagði systur sinni að brotið hefði verið á sér Verjandi Jóhannesar spurði systurina sérstaklega út í lýsingar Ragnhildar á sinni upplifun af nuddtímunum, og hvort hún hefði sérstaklega vitneskju um það sem þar fór fram, umfram það sem Ragnhildur sjálf hefði sagt henni. Systirin svaraði því neitandi, enda hefði hún ekki verið á staðnum þegar meint brot áttu sér stað. Verjandinn spurði einnig út í nánari lýsingar sem Ragnhildur gæti hafa gefið á meintum brotum, þegar hún opnaði sig við systur sína árið 2015. Þá sagðist hún ekki hafa fengið meira en „grundvallarlýsingu á brotinu,“ og að Ragnhildur hefði frosið þegar það hafi átt sér stað, og henni liðið eins og tíminn liði hægar meðan á því stóð. Loks spurði dómari vitnið hvort Ragnhildur hefði, árið 2015, lýst því sem á að hafa gerst í nuddtímanum á þann veg að Jóhannes hefði brotið gegn henni. Systirin játti því, en kvaðst þó ekki muna nákvæmlega hvaða orðalag Ragnhildur hefði notað. Þrátt fyrir það færi ekki á milli mála að hún teldi að á sér hefði verið brotið. Fyrir dómi á fimmtudag þvertók Jóhannes fyrir að hafa snert brjóst eða kynfæri Ragnhildar með óviðeigandi hætti. Skýrslutaka yfir honum tók þó stuttan tíma, þar sem hann kaus að tjá sig ekki frekar umfram það sem fram kom í lögregluskýrslu sem tekin var af honum vegna málsins. Dóms í málinu er að vænta upp úr næstu mánaðamótum.
Mál Jóhannesar Tryggva Sveinbjörnssonar Kynferðisofbeldi Dómsmál Tengdar fréttir Lýsti upplifun sinni af nuddtímunum í sögulegu þinghaldi Fjöldi vitna var kallaður til við aðalmeðferð í sakamáli á hendur meðhöndlaranum Jóhannesi Tryggva Sveinbjörnssyni í dag og í gær. Jóhannes hefur verið sakfelldur fyrir fjórar nauðganir en aðalmeðferð í fimmta málinu á hendur honum hófst í Héraðsdómi Reykjaness í gær. Jóhannes neitaði sök fyrir dómi en vildi annars lítið tjá sig og vísaði til lögregluskýrslu sem tekin var af honum vegna málsins. Þinghald í málinu var opið, sem er óvenjulegt fyrir kynferðisbrotamál. 14. janúar 2022 11:03 Brotavilji Jóhannesar talinn bæði sterkur og einbeittur Landsréttur telur að brotavilji Jóhannes Tryggva Sveinbjörnssonar, sem dæmdur var í sex ára fangelsi fyrir kynferðisbrot gegn fjórum konum hafi bæði verið einbeittur og sterkur. Hann hafi framið alvarleg brot gegn konunum, í skjóli trúnaðartrausts sem þær báru til hans. 8. nóvember 2021 20:03 Mest lesið „Ég hef aldrei séð annan eins viðbjóð“ Innlent Neitaði að borga heita vatnið og slapp með skrekkinn Innlent Skotvopnaleyfi afturkallað og byssa gerð upptæk Innlent „Þetta var bara okkar líf og nú er það farið“ Innlent „Ég veit ekki hvort að ég sé sammála um að rokið sé auðlind“ Innlent Láglaunakonur neiti sér um mat svo að börn þeirra fái að borða Innlent Sagði Pétri Jökli að skipta um síma í snarheitum Innlent Á 110 á gangstétt og ók á lögreglubifhjól Innlent Sérsveitin í útkalli í Hafnarfirði Innlent Kerlingadráttur í 120 ára afmælisveislu í Borgarnesi Innlent Fleiri fréttir „Ég hef aldrei séð annan eins viðbjóð“ „Ég veit ekki hvort að ég sé sammála um að rokið sé auðlind“ Neitaði að borga heita vatnið og slapp með skrekkinn Skotvopnaleyfi afturkallað og byssa gerð upptæk Sérsveitin í útkalli í Hafnarfirði Kerlingadráttur í 120 ára afmælisveislu í Borgarnesi Láglaunakonur neiti sér um mat svo að börn þeirra fái að borða Bjarni skilar jafnréttis- og mannréttindamálunum „Þetta var bara okkar líf og nú er það farið“ „Stórt skref í átt að kolefnislausum flota“ Á 110 á gangstétt og ók á lögreglubifhjól Sagði Pétri Jökli að skipta um síma í snarheitum Starfsfólk í áfalli og kynhlutlaus salerni á barnum Skjálfti af stærðinni 3,0 í Mýrdalsjökli en enginn órói Alma Mjöll ráðin til þingflokks VG Flugfélagið Ernir svipt flugrekstrarleyfi „Það er komið að skuldadögum“ Kvikusöfnun og landris enn á sama hraða Pétur Jökull hljóti að vera einstaklega óheppinn „Algjörlega mistekist að stýra efnahag landsins“ Íbúafundur um uppbyggingu sem ógni flúðunum skilyrði Leita ökumanns sem ók á stúlku og stakk af Meiri tíðindi að stjórnin hafi lifað svo lengi Pottur á eldavél talinn upptök brunans á Amtmannsstíg Láglaunakonur heilsuveilli en konur með hærri laun Krefst að lágmarki sex og hálfs árs fangelsis yfir Pétri Jökli Ójöfnuður meðal kvenna og ríkisstjórnin gagnrýnd Gagnrýnir tvískinnung borgaryfirvalda með orlofsgreiðslur Dags Þriggja daga heitavatnsleysi í næstu viku Tæknileg vandræði hjá Háskóla Íslands Sjá meira
Lýsti upplifun sinni af nuddtímunum í sögulegu þinghaldi Fjöldi vitna var kallaður til við aðalmeðferð í sakamáli á hendur meðhöndlaranum Jóhannesi Tryggva Sveinbjörnssyni í dag og í gær. Jóhannes hefur verið sakfelldur fyrir fjórar nauðganir en aðalmeðferð í fimmta málinu á hendur honum hófst í Héraðsdómi Reykjaness í gær. Jóhannes neitaði sök fyrir dómi en vildi annars lítið tjá sig og vísaði til lögregluskýrslu sem tekin var af honum vegna málsins. Þinghald í málinu var opið, sem er óvenjulegt fyrir kynferðisbrotamál. 14. janúar 2022 11:03
Brotavilji Jóhannesar talinn bæði sterkur og einbeittur Landsréttur telur að brotavilji Jóhannes Tryggva Sveinbjörnssonar, sem dæmdur var í sex ára fangelsi fyrir kynferðisbrot gegn fjórum konum hafi bæði verið einbeittur og sterkur. Hann hafi framið alvarleg brot gegn konunum, í skjóli trúnaðartrausts sem þær báru til hans. 8. nóvember 2021 20:03