Fjölskylduvæn borg fyrir fjölbreytt fólk – mannréttindi og lýðræði Ellen Jacqueline Calmon skrifar 11. febrúar 2022 17:00 Reykjavíkurborg hefur verið í örri þróun síðastliðin ár og á kjörtímabilinu sem bráðum líður undir lok höfum við sett okkur stefnu í ýmsum málum má þar meðal annarra nefna Lýðræðisstefnu, Menningarstefnu, Menntastefnu, Lýðheilsustefnu og Græna planið. Þær stefnur eins og aðrar snúa að því að gera góða borg enn betri fyrir borgarbúa alla. Ég hef verið ötul talskona mannréttinda og lýðræðis í þeirri aðkomu sem ég hef haft að stefnumótunarvinnu borgarinnar. Hugmyndafræði algildrar hönnunar og inngilding eru að verða okkur tungutamari í stefnumótun, verkefnum og ákvarðanatöku í borginni, sem er vel en þó má gera betur. Þegar okkur hefur tekist að fá þessi hugtök og hugmyndafræði til að fléttast við alla þræði í þjónustu og umhverfi borgarinnar þá á samfélagið að verða aðgengilegra öllum óháð aldri, fötlun, kyni, kynvitund, uppruna og líkamsgerð eða annarri stöðu. Ég vil að Reykjavíkurborg sé fjölskylduvæn, barnvæn og aldursvæn borg þar sem allar gerðir fjölskyldna fá að blómstra, njóta stuðnings og þjónustu sem þær þurfa til að geta tekið fullan þátt í samfélaginu, þar sem hugað er að fjölbreyttum fjölskyldugerðum og tekið er tillit til margbreytileikans. Barnvænt sveitarfélag og barnamenning Í fjölskylduvænni borg fá börn og ungmenni tækifæri til að hafa áhrif á mál er þau varða eins og fram kemur í Lýðræðisstefnunni. Þá er mikilvægt að innleiða hugmyndafræði Barnasáttmáli Sameinuðu þjóðanna á öll svið borgarinnar. Í menningarstefnu borgarinnar er meðal annars lögð áhersla á mikilvægi barnamenningar og að henni verðum við að hlúa. Með barnamenningu fá börnin fleiri tækifæri til að tjá tilfinningar sínar, finna leiðir til túlkunar á þeim og opna hugann fyrir nýjum víddum og sköpun. Þau eru listafólk og listneytendur framtíðarinnar. Eins og við flest vitum þá auðga listir og menning samfélagið með margvíslegum hætti og eru uppspretta nýsköpunar. Barnavernd Því miður hefur tilkynningum til barnaverndar fjölgað svo um munar á síðastliðnum tveimur árum og er því brýnna nú en nokkurn tíma áður að tryggja öryggi og velferð barna og koma í veg fyrir hverslags ofbeldi eða vanrækslu gagnvart þeim. Ég þreytist ekki á að minna á að okkur ber öllum skylda til að tilkynna til barnaverndaryfirvalda ef við verðum vís að hvers konar vanrækslu eða ofbeldi gagnavart barni. Ef við látum slík tilvik viðgangast þá berum við ábyrgð á því að barnið fái ekki að þroskast og dafna eins og það á rétt á. Að búa við vanrækslu eða ofbeldi hefur áhrif á einstaklinginn lífið út og getur gert það að verkum að hann verður aldrei fyllilega virkur samfélagsþegn. Menntastefna Reykjavíkurborgar Stefnan byggir á grunnstefjum Barnasáttmála Sameinuðu þjóðanna og er í innleiðingarferli. Á tímum faraldursins hefur reynst geigvænleg áskorun að halda uppi óskertu skólastarfi. Í því sambandi ber að þakka miklu og óeigingjörnu starfi starfsfólks í leik-, grunnskóla- og frístundastarfi borgarinnar. Mér finnst mikilvægt að styðja enn betur við fagfólkið okkar á skóla- og frístundasviði svo hægt sé að halda þétt utan um verkefnið þannig menntastefnan verði að fullu innleidd og nái fram að ganga börnum í borginni til heilla. Aldursvæn borg Fjölskylduborgin Reykjavík er aldursvæn borg þar sem hvatt er til virkni eldri borgara með öflugum tækifærum til heilsueflingar og samfélagsþátttöku eins og fram kemur í Lýðheilsustefnunni. Þá er ekki síður mikilvægt að tryggja æ betri þjónustu svo fólk geti búið sem lengst heima hjá sér og hafa verið tekin fjölmörg skref í þá átt á þessu kjörtímabili. Þá hefur orðið ör þróun í velferðartækni sem snýr meðal annars að þjónustu við eldri borgara og fjölmörg tilraunaverkefni farin af stað í þeim efnum sem áfram verður haldið með. Markmiðið með þeirri vinnu er að auka lífsgæði fólks sem er að eldast. Jafnlaunastefna og jafnvirði starfa Ég á sæti í stýrihópi sem er að endurskoða jafnlaunastefnu Reykjavíkurborgar um þessar mundir, en á kjörtímabilinu hefur náðst góður árangur í því að draga úr launamun kynjanna. Mér finnst mikilvægt að halda áfram því góða starfi og að horft sé til fleiri breyta en einungis kynjabreytunnar þegar kemur að launamun starfsfólks. Þá er mikilvægt að og tryggja að jöfn laun séu greidd fyrir jafnverðmæt störf óháð kyni eða annarri stöðu. Loftslagsmálin Eru stærstu mannréttindmál nútímans og þarf að taka tillit til þeirra í allri ákvarðanatöku í málefnum borgarinnar. Græna planið er sóknaráætlun Reykjavíkurborgar sem leggur línurnar í fjármálum, fjárfestingum og grænum lykilverkefnum og eru fjölmargir þættir Græna plansins komnir vel af stað. Má þar meðal annars nefna stafræna umbreytingu í þjónustu borgarinnar en nýr vefur Reykjavíkurborgar hefur litið dagsins ljós. Á nýjum vef borgarinnar hefur verið lögð áhersla á einföldun texta þar sem einnig er notast meira við myndmál og táknmyndir en áður. Einfaldari texti og myndir eru liður í að uppfylla hugmyndafræði algildrar hönnunar og hentar meðal annars fólki með annað móðurmál en íslensku, börnum, fólki með þroskahömlun og er bara almennt þægilegra fyrir okkur öll. Höfundur er borgarfulltrúi sækist eftir 4. sæti á lista Samfylkingarinnar í rafrænu flokksvali sem fer fram núna um helgina 12.-13. febrúar á xs.is Heimasíða framboðsins er https://ellencalmon.is/ Viltu birta grein á Vísi? Sendu okkur póst. Senda grein Ellen Jacqueline Calmon Samfylkingin Skoðun: Kosningar 2022 Reykjavík Mest lesið Les(mis)skilningur Miðflokksmanna Helgi Brynjarsson Skoðun Kennarinn sem breytti lífi þínu Þorbjörg Sigríður Gunnlaugsdóttir Skoðun Tölum endilega íslensku, takk Ólafur Guðsteinn Kristjánsson Skoðun Tímabært að stokka spilin og gefa upp á nýtt Maarten Haijer Skoðun Þegar kennarinn verður dómari Pawel Bartoszek Skoðun Cut The Crap! Davíð Bergmann Skoðun 466 milljarðir í vasa norskra eldisrisa Gunnlaugur Stefánsson Skoðun Velur þú að loka barnið þitt inni í herbergi með barnaníðingi? Álfhildur Leifsdóttir Skoðun Hvað finnst þér? Bryndís Víglundsdóttir Skoðun Til fyrirmyndar? Sverrir Björnsson Skoðun Skoðun Skoðun Til fyrirmyndar? Sverrir Björnsson skrifar Skoðun Tölum endilega íslensku, takk Ólafur Guðsteinn Kristjánsson skrifar Skoðun Les(mis)skilningur Miðflokksmanna Helgi Brynjarsson skrifar Skoðun Kennarinn sem breytti lífi þínu Þorbjörg Sigríður Gunnlaugsdóttir skrifar Skoðun Tímabært að stokka spilin og gefa upp á nýtt Maarten Haijer skrifar Skoðun Cut The Crap! Davíð Bergmann skrifar Skoðun Hvað finnst þér? Bryndís Víglundsdóttir skrifar Skoðun Víðátta og margbreytni hins sjötta skilningarvits Matthildur Björnsdóttir skrifar Skoðun Þegar kennarinn verður dómari Pawel Bartoszek skrifar Skoðun Tíminn vinnur ekki með þeim Hjörtur J. Guðmundsson skrifar Skoðun Frestun á afgreiðslu Samgönguáætlunar er fagnaðarefni Björn Bjarki Þorsteinsson skrifar Skoðun Tvíeggja tækni: Hvernig má nýta stafræna tækni í kennslu? Halldóra Lillý Jóhannsdóttir skrifar Skoðun Blekking goðsagna Matthildur Björnsdóttir skrifar Skoðun Í sambandi við Suðurnesin Steinunn Þorsteinsdóttir skrifar Skoðun Fyrirhyggja er besta vörnin - vegna CrowdStrike atviksins 19. júlí 2024 Arnar Freyr Guðmundsson skrifar Skoðun 466 milljarðir í vasa norskra eldisrisa Gunnlaugur Stefánsson skrifar Skoðun Opið bréf til ráðherra Kristján Hreinsson skrifar Skoðun Flestir barðir til bana með steini eða skotnir í tætlur með haglabyssu Ole Anton Bieltvedt skrifar Skoðun Eflum Mjódd sem miðstöð almenningssamgangna fyrir landið allt Sara Björg Sigurðardóttir skrifar Skoðun Utanbæjarmaður eða útlendingur… stjórnaðu þér Arnrún María Magnúsdóttir skrifar Skoðun Velur þú að loka barnið þitt inni í herbergi með barnaníðingi? Álfhildur Leifsdóttir skrifar Skoðun Samgöngur - Ekki eftir neinu að bíða Hafsteinn Gunnarsson skrifar Skoðun Á undan áætlun í ríkisfjármálum Bjarni Benediktsson skrifar Skoðun Framtíðin? Reynir Böðvarsson skrifar Skoðun Verndum Yazan og Barnasáttmálann Askur Hrafn Hannesson,Kristbjörg Arna E. Þorvaldsdóttir skrifar Skoðun Fólkið sem ætti að hlusta meira Diljá Mist Einarsdóttir skrifar Skoðun Samgöngur - Ekki eftir neinu að bíða Hafsteinn Gunnarsson skrifar Skoðun Hver ber ábyrgð á nýjum gluggum sem leka? Þórunn Sigurðardóttir skrifar Skoðun Fimmtán ár – nýtum tímann betur Þorgerður Katrín Gunnarsdóttir skrifar Skoðun Tufti og Bríet á Seftjörn eru í liði náttúrunnar Elva Björg Einarsdóttir skrifar Sjá meira
Reykjavíkurborg hefur verið í örri þróun síðastliðin ár og á kjörtímabilinu sem bráðum líður undir lok höfum við sett okkur stefnu í ýmsum málum má þar meðal annarra nefna Lýðræðisstefnu, Menningarstefnu, Menntastefnu, Lýðheilsustefnu og Græna planið. Þær stefnur eins og aðrar snúa að því að gera góða borg enn betri fyrir borgarbúa alla. Ég hef verið ötul talskona mannréttinda og lýðræðis í þeirri aðkomu sem ég hef haft að stefnumótunarvinnu borgarinnar. Hugmyndafræði algildrar hönnunar og inngilding eru að verða okkur tungutamari í stefnumótun, verkefnum og ákvarðanatöku í borginni, sem er vel en þó má gera betur. Þegar okkur hefur tekist að fá þessi hugtök og hugmyndafræði til að fléttast við alla þræði í þjónustu og umhverfi borgarinnar þá á samfélagið að verða aðgengilegra öllum óháð aldri, fötlun, kyni, kynvitund, uppruna og líkamsgerð eða annarri stöðu. Ég vil að Reykjavíkurborg sé fjölskylduvæn, barnvæn og aldursvæn borg þar sem allar gerðir fjölskyldna fá að blómstra, njóta stuðnings og þjónustu sem þær þurfa til að geta tekið fullan þátt í samfélaginu, þar sem hugað er að fjölbreyttum fjölskyldugerðum og tekið er tillit til margbreytileikans. Barnvænt sveitarfélag og barnamenning Í fjölskylduvænni borg fá börn og ungmenni tækifæri til að hafa áhrif á mál er þau varða eins og fram kemur í Lýðræðisstefnunni. Þá er mikilvægt að innleiða hugmyndafræði Barnasáttmáli Sameinuðu þjóðanna á öll svið borgarinnar. Í menningarstefnu borgarinnar er meðal annars lögð áhersla á mikilvægi barnamenningar og að henni verðum við að hlúa. Með barnamenningu fá börnin fleiri tækifæri til að tjá tilfinningar sínar, finna leiðir til túlkunar á þeim og opna hugann fyrir nýjum víddum og sköpun. Þau eru listafólk og listneytendur framtíðarinnar. Eins og við flest vitum þá auðga listir og menning samfélagið með margvíslegum hætti og eru uppspretta nýsköpunar. Barnavernd Því miður hefur tilkynningum til barnaverndar fjölgað svo um munar á síðastliðnum tveimur árum og er því brýnna nú en nokkurn tíma áður að tryggja öryggi og velferð barna og koma í veg fyrir hverslags ofbeldi eða vanrækslu gagnvart þeim. Ég þreytist ekki á að minna á að okkur ber öllum skylda til að tilkynna til barnaverndaryfirvalda ef við verðum vís að hvers konar vanrækslu eða ofbeldi gagnavart barni. Ef við látum slík tilvik viðgangast þá berum við ábyrgð á því að barnið fái ekki að þroskast og dafna eins og það á rétt á. Að búa við vanrækslu eða ofbeldi hefur áhrif á einstaklinginn lífið út og getur gert það að verkum að hann verður aldrei fyllilega virkur samfélagsþegn. Menntastefna Reykjavíkurborgar Stefnan byggir á grunnstefjum Barnasáttmála Sameinuðu þjóðanna og er í innleiðingarferli. Á tímum faraldursins hefur reynst geigvænleg áskorun að halda uppi óskertu skólastarfi. Í því sambandi ber að þakka miklu og óeigingjörnu starfi starfsfólks í leik-, grunnskóla- og frístundastarfi borgarinnar. Mér finnst mikilvægt að styðja enn betur við fagfólkið okkar á skóla- og frístundasviði svo hægt sé að halda þétt utan um verkefnið þannig menntastefnan verði að fullu innleidd og nái fram að ganga börnum í borginni til heilla. Aldursvæn borg Fjölskylduborgin Reykjavík er aldursvæn borg þar sem hvatt er til virkni eldri borgara með öflugum tækifærum til heilsueflingar og samfélagsþátttöku eins og fram kemur í Lýðheilsustefnunni. Þá er ekki síður mikilvægt að tryggja æ betri þjónustu svo fólk geti búið sem lengst heima hjá sér og hafa verið tekin fjölmörg skref í þá átt á þessu kjörtímabili. Þá hefur orðið ör þróun í velferðartækni sem snýr meðal annars að þjónustu við eldri borgara og fjölmörg tilraunaverkefni farin af stað í þeim efnum sem áfram verður haldið með. Markmiðið með þeirri vinnu er að auka lífsgæði fólks sem er að eldast. Jafnlaunastefna og jafnvirði starfa Ég á sæti í stýrihópi sem er að endurskoða jafnlaunastefnu Reykjavíkurborgar um þessar mundir, en á kjörtímabilinu hefur náðst góður árangur í því að draga úr launamun kynjanna. Mér finnst mikilvægt að halda áfram því góða starfi og að horft sé til fleiri breyta en einungis kynjabreytunnar þegar kemur að launamun starfsfólks. Þá er mikilvægt að og tryggja að jöfn laun séu greidd fyrir jafnverðmæt störf óháð kyni eða annarri stöðu. Loftslagsmálin Eru stærstu mannréttindmál nútímans og þarf að taka tillit til þeirra í allri ákvarðanatöku í málefnum borgarinnar. Græna planið er sóknaráætlun Reykjavíkurborgar sem leggur línurnar í fjármálum, fjárfestingum og grænum lykilverkefnum og eru fjölmargir þættir Græna plansins komnir vel af stað. Má þar meðal annars nefna stafræna umbreytingu í þjónustu borgarinnar en nýr vefur Reykjavíkurborgar hefur litið dagsins ljós. Á nýjum vef borgarinnar hefur verið lögð áhersla á einföldun texta þar sem einnig er notast meira við myndmál og táknmyndir en áður. Einfaldari texti og myndir eru liður í að uppfylla hugmyndafræði algildrar hönnunar og hentar meðal annars fólki með annað móðurmál en íslensku, börnum, fólki með þroskahömlun og er bara almennt þægilegra fyrir okkur öll. Höfundur er borgarfulltrúi sækist eftir 4. sæti á lista Samfylkingarinnar í rafrænu flokksvali sem fer fram núna um helgina 12.-13. febrúar á xs.is Heimasíða framboðsins er https://ellencalmon.is/
Skoðun Tvíeggja tækni: Hvernig má nýta stafræna tækni í kennslu? Halldóra Lillý Jóhannsdóttir skrifar
Skoðun Fyrirhyggja er besta vörnin - vegna CrowdStrike atviksins 19. júlí 2024 Arnar Freyr Guðmundsson skrifar
Skoðun Flestir barðir til bana með steini eða skotnir í tætlur með haglabyssu Ole Anton Bieltvedt skrifar
Skoðun Eflum Mjódd sem miðstöð almenningssamgangna fyrir landið allt Sara Björg Sigurðardóttir skrifar
Skoðun Velur þú að loka barnið þitt inni í herbergi með barnaníðingi? Álfhildur Leifsdóttir skrifar
Skoðun Verndum Yazan og Barnasáttmálann Askur Hrafn Hannesson,Kristbjörg Arna E. Þorvaldsdóttir skrifar