„Eins og maður sé orðinn tíu kílóum léttari“ Sindri Sverrisson skrifar 9. mars 2022 08:01 Jón Daði Böðvarsson er farinn að fá að spila fótbolta á nýjan leik, skorar mörk og nýtur lífsins í Bolton. Getty/David Horton „Frá fyrsta degi hefur þetta verið frábært,“ segir Jón Daði Böðvarsson, landsliðsmaður í fótbolta, sem hefur upplifað algjöran viðsnúning í sínu fótboltalífi í vetur eftir komuna í fótboltabæinn Bolton þar sem Íslendingar eru í miklum metum. Jón Daði gekk í gegnum martröð fótboltamannsins fyrri hluta vetrar þar sem hann var hreinlega hafður í frystikistunni hjá enska B-deildarliðinu Millwall. Hann varð að komast á nýjan og betri stað og það gekk eftir þegar Bolton keypti hann um miðjan janúar. Núna syngja krakkarnir í Bolton söngva um þennan 29 ára Selfyssing (sjá neðar), fólkið í stúkunni tekur víkingaklappið og bæjarbúar vilja taka af sér myndir með Jóni Daða og spjalla við hann um fótboltann. „Það er eins og maður sé orðinn tíu kílóum léttari á vellinum, bæði líkamlega og andlega, og maður hefur fundið það mjög vel síðustu vikur. Mér líður mjög vel hérna,“ segir Jón Daði við Vísi. Hann skoraði sitt þriðja mark í 12 leikjum í ensku C-deildinni þegar hann var hetja Bolton gegn Morecambe í gærkvöld. „Ég var ekki neitt inni í myndinni hjá þjálfara Millwall og var bara tilkynnt það, á þriðja tímabili mínu hjá liðinu, að ég væri bara ekki partur af þeirri leiktíð. Það sem þeir gera er að þeir reyna að þrýsta manni í burtu, sem er eðlilegur en ekki skemmtilegur gangur fótboltans,“ segir Jón Daði sem fór því á stúfana og varð strax mjög spenntur þegar Bolton kom inn í myndina: Vildi svo mikið spila og komast frá Millwall sem fyrst „Þetta er stór klúbbur sem maður man alveg eftir frá því að maður var krakki og fylgdist mikið með honum; öllum þessum gæjum sem voru þarna og þar á meðal Íslendingunum. Eðlilega var maður því spenntur og þrátt fyrir að þeir væru í deild neðar en Championship-deildin þá vildi ég svo mikið fá að spila, og komast í burtu frá Millwall sem fyrst. Ef ég hefði ekki gert það hefði þetta orðið heilt ár án keppnisfótbolta, sem er alls ekki gott. Mér fannst líka áhugavert að þeir vissu nákvæmlega hvernig leikmaður ég væri, þjálfarinn heyrði í mér og seldi mér þetta mjög vel, og frá fyrsta degi hefur þetta verið frábært.“ Á samfélagsmiðlum hefur mátt sjá krakka í Bolton syngja söngva um Jón Daða, eins og sjá má hér að neðan. @jondadi @OfficialBWFC #bwfc Started something now @SamSantley pic.twitter.com/KrUkm6p2ub— Andy Bingham (@AndyBingham7) February 19, 2022 „Það er ótrúlega gaman að þessu. Maður finnur líka hvað þetta er ótrúlega þéttur og mikill fótboltabær. Þetta er stór klúbbur í samfélaginu hérna og ef maður labbar út í búð kemur fólk alveg upp að manni og segir kannski: „Vel gert um daginn,“ og fer bara að spjalla um fótbolta eða vill taka mynd. Það er virkilega gaman og mikil hlýja frá fólki, og mér líður mjög vel hérna,“ segir Jón Daði. Íslenski fáninn og víkingaklapp á leikjum Hann bætist í hóp Íslendinga sem hafa gert það afar gott í Bolton, eins og Eiður Smári Guðjohnsen, Guðni Bergsson, Grétar Rafn Steinsson og Arnar Gunnlaugsson. Íslendingar eru því sérstaklega vel liðnir í Bolton: „Maður tekur alveg vel eftir því. Stuðningsmenn eru með íslenska fánann á leikjum og eru að taka víkingaklappið á leikjum og slíkt. Þeir tóku manni mjög opnum örmum frá fyrsta degi og það hjálpar manni mikið að koma sér fyrir og líða vel inni á vellinum. Um leið fann maður líka fyrir hollri pressu. Ég vissi að ég þyrfti að standa mig eins vel og ég gæti og hingað til hefur það gengið vel,“ segir Jón Daði. Jón Daði hefur slegið í gegn hjá stuðningsmönnum Bolton og skoraði sitt þriðja mark í gærkvöld eftir að hafa komið til félagsins um miðjan janúar.Getty/David Horton Bolton er á uppleið og stefnir aftur til fornfrægra tíma en liðið féll úr úrvalsdeildinni árið 2012 og rambaði svo á barmi gjaldþrots fyrir fáeinum árum. Allt í einu farinn að sjá markið talsvert meira en hornfánann Eftir komu Jóns Daða hefur liðið rakað inn stigum og er nú í 11. sæti af 24 liðum ensku C-deildarinnar þegar níu umferðir eru eftir. „Ég er mjög hrifinn af þessu liði. Félagið lenti í fjárhagslegu veseni fyrir nokkrum árum síðan og náði rétt svo að bjarga sér með nýjum eiganda. Liðið komst upp úr 2. deildinni [D-deild] í fyrra og markmiðið er strax að komast upp í Championship-deildina. Klúbburinn er þannig bæði mjög metnaðarfullur en um leið auðmjúkur eftir allt sem gekk á,“ segir Jón Daði sem fær að njóta sín mun betur en hjá Millwall síðustu ár: „Fótboltinn sem liðið spilar er svo mjög góður, þjálfarinn vill að liðið haldi boltanum og maður er að fá mikið fleiri færi en áður fyrr. Þetta er mikið áferðarfallegri fótbolti en ég spilaði hjá Millwall til dæmis og manni líður loksins eins og maður geti tjáð sig inni á vellinum, spilað með ákveðnu sjálfstrausti og farið í leiki með jákvæða tilfinningu um að hlutirnir séu að fara að smella Maður er mikið meira í boltanum og týnist ekki í leikjum, eins og það var oft á tíðum í Millwall. Við erum rosalega sóknarþenkjandi lið og sem sóknarmaður vill maður vera í þannig fótbolta. Maður er allt í einu farinn að sjá markið talsvert meira en hornfánann,“ segir Jón Daði og á við að nú sé honum ætlað að skapa mörk í stað þess að halda boltanum úti við hornfána til að láta leiktímann renna út. Enski boltinn Fótbolti Mest lesið Íslenska íþróttafólkið fékk gefins síma og smokka Sport „Ég varð fyrir vonbrigðum með Gylfa“ Íslenski boltinn Þórir fékk gleðifréttir í gær Handbolti Uppgjörið: Drita - Breiðablik 1-0 | Evrópusumarið á enda runnið Fótbolti Anton Sveinn komst áfram í undanúrslit Sport Gylfi ekki með Val til Skotlands Fótbolti Fagnaði sigri á Ólympíuleikunum komin sjö mánuði á leið Sport Áfrýja stigafrádrættinum en ekki leikbanni þjálfarans fyrrverandi Fótbolti Skilur ekkert í skipuleggjendum: „Alveg út í hött“ Sport Hringdi strax í ömmu sína og sýndi henni Ólympíugullið Sport Fleiri fréttir Fulham kaupir Smith Rowe og skilur Liverpool eitt eftir Skytturnar kynna Calafiori til leiks Man. Utd vill hundrað þúsund manna leikvang fyrir árið 2030 Phillips vill fara frá Man City Segir að Liverpool muni spila með „alvöru framherja“ í vetur Meiðslamartröð Man Utd heldur áfram Thiago meiddur og setur félagaskipti Toney í hættu Fulham gerir Smith Rowe að dýrasta leikmanni í sögu félagsins Réðst á leikmann Wrexham eftir tvær mínútur í æfingaleik Kvennalið Man. Utd. býr og starfar á æfingasvæði enska landsliðsins Tottenham að fá landa Sons Aston Villa eyðir mest af öllum félögum í Evrópu Ederson spilaði æfingaleik en Pep veit ekki hvort hann verði áfram Aldrei eins margar ábendingar um mismunun á einu tímabili Danny Drinkwater fjárfesti illa og starfar nú sem iðnaðarmaður „Það verða engin vandræði“ þegar Enzo mætir aftur til Chelsea Ætlar að þagga niður í þeim sem segja ljóta hluti um sig á veraldarvefnum PSG sýnir Sancho óvænt áhuga Leikmaður Man City neitar sök í eiturlyfjamáli Guardiola: Nei, Kevin er ekkert að fara Státar sig af gengi United liðsins undir hans stjórn Ákærður Barton segir Bretland verðandi bananalýðveldi Sá leikjahæsti tekur skóna óvænt fram á nýjan leik Onana leysir Luiz af hólmi á Villa Park Chelsea kaupir Kana Grínuðust með nýja varabúning Arsenal Ten Hag vill halda McTominay Kóngurinn Cantona: „Þarft að njóta leiksins og hafa ástríðu fyrir honum“ Íslendingar aftur til Englands: Hver er næstur? Segir Rangnick hafa haft rétt fyrir sér varðandi vandamál Man Utd Sjá meira
Jón Daði gekk í gegnum martröð fótboltamannsins fyrri hluta vetrar þar sem hann var hreinlega hafður í frystikistunni hjá enska B-deildarliðinu Millwall. Hann varð að komast á nýjan og betri stað og það gekk eftir þegar Bolton keypti hann um miðjan janúar. Núna syngja krakkarnir í Bolton söngva um þennan 29 ára Selfyssing (sjá neðar), fólkið í stúkunni tekur víkingaklappið og bæjarbúar vilja taka af sér myndir með Jóni Daða og spjalla við hann um fótboltann. „Það er eins og maður sé orðinn tíu kílóum léttari á vellinum, bæði líkamlega og andlega, og maður hefur fundið það mjög vel síðustu vikur. Mér líður mjög vel hérna,“ segir Jón Daði við Vísi. Hann skoraði sitt þriðja mark í 12 leikjum í ensku C-deildinni þegar hann var hetja Bolton gegn Morecambe í gærkvöld. „Ég var ekki neitt inni í myndinni hjá þjálfara Millwall og var bara tilkynnt það, á þriðja tímabili mínu hjá liðinu, að ég væri bara ekki partur af þeirri leiktíð. Það sem þeir gera er að þeir reyna að þrýsta manni í burtu, sem er eðlilegur en ekki skemmtilegur gangur fótboltans,“ segir Jón Daði sem fór því á stúfana og varð strax mjög spenntur þegar Bolton kom inn í myndina: Vildi svo mikið spila og komast frá Millwall sem fyrst „Þetta er stór klúbbur sem maður man alveg eftir frá því að maður var krakki og fylgdist mikið með honum; öllum þessum gæjum sem voru þarna og þar á meðal Íslendingunum. Eðlilega var maður því spenntur og þrátt fyrir að þeir væru í deild neðar en Championship-deildin þá vildi ég svo mikið fá að spila, og komast í burtu frá Millwall sem fyrst. Ef ég hefði ekki gert það hefði þetta orðið heilt ár án keppnisfótbolta, sem er alls ekki gott. Mér fannst líka áhugavert að þeir vissu nákvæmlega hvernig leikmaður ég væri, þjálfarinn heyrði í mér og seldi mér þetta mjög vel, og frá fyrsta degi hefur þetta verið frábært.“ Á samfélagsmiðlum hefur mátt sjá krakka í Bolton syngja söngva um Jón Daða, eins og sjá má hér að neðan. @jondadi @OfficialBWFC #bwfc Started something now @SamSantley pic.twitter.com/KrUkm6p2ub— Andy Bingham (@AndyBingham7) February 19, 2022 „Það er ótrúlega gaman að þessu. Maður finnur líka hvað þetta er ótrúlega þéttur og mikill fótboltabær. Þetta er stór klúbbur í samfélaginu hérna og ef maður labbar út í búð kemur fólk alveg upp að manni og segir kannski: „Vel gert um daginn,“ og fer bara að spjalla um fótbolta eða vill taka mynd. Það er virkilega gaman og mikil hlýja frá fólki, og mér líður mjög vel hérna,“ segir Jón Daði. Íslenski fáninn og víkingaklapp á leikjum Hann bætist í hóp Íslendinga sem hafa gert það afar gott í Bolton, eins og Eiður Smári Guðjohnsen, Guðni Bergsson, Grétar Rafn Steinsson og Arnar Gunnlaugsson. Íslendingar eru því sérstaklega vel liðnir í Bolton: „Maður tekur alveg vel eftir því. Stuðningsmenn eru með íslenska fánann á leikjum og eru að taka víkingaklappið á leikjum og slíkt. Þeir tóku manni mjög opnum örmum frá fyrsta degi og það hjálpar manni mikið að koma sér fyrir og líða vel inni á vellinum. Um leið fann maður líka fyrir hollri pressu. Ég vissi að ég þyrfti að standa mig eins vel og ég gæti og hingað til hefur það gengið vel,“ segir Jón Daði. Jón Daði hefur slegið í gegn hjá stuðningsmönnum Bolton og skoraði sitt þriðja mark í gærkvöld eftir að hafa komið til félagsins um miðjan janúar.Getty/David Horton Bolton er á uppleið og stefnir aftur til fornfrægra tíma en liðið féll úr úrvalsdeildinni árið 2012 og rambaði svo á barmi gjaldþrots fyrir fáeinum árum. Allt í einu farinn að sjá markið talsvert meira en hornfánann Eftir komu Jóns Daða hefur liðið rakað inn stigum og er nú í 11. sæti af 24 liðum ensku C-deildarinnar þegar níu umferðir eru eftir. „Ég er mjög hrifinn af þessu liði. Félagið lenti í fjárhagslegu veseni fyrir nokkrum árum síðan og náði rétt svo að bjarga sér með nýjum eiganda. Liðið komst upp úr 2. deildinni [D-deild] í fyrra og markmiðið er strax að komast upp í Championship-deildina. Klúbburinn er þannig bæði mjög metnaðarfullur en um leið auðmjúkur eftir allt sem gekk á,“ segir Jón Daði sem fær að njóta sín mun betur en hjá Millwall síðustu ár: „Fótboltinn sem liðið spilar er svo mjög góður, þjálfarinn vill að liðið haldi boltanum og maður er að fá mikið fleiri færi en áður fyrr. Þetta er mikið áferðarfallegri fótbolti en ég spilaði hjá Millwall til dæmis og manni líður loksins eins og maður geti tjáð sig inni á vellinum, spilað með ákveðnu sjálfstrausti og farið í leiki með jákvæða tilfinningu um að hlutirnir séu að fara að smella Maður er mikið meira í boltanum og týnist ekki í leikjum, eins og það var oft á tíðum í Millwall. Við erum rosalega sóknarþenkjandi lið og sem sóknarmaður vill maður vera í þannig fótbolta. Maður er allt í einu farinn að sjá markið talsvert meira en hornfánann,“ segir Jón Daði og á við að nú sé honum ætlað að skapa mörk í stað þess að halda boltanum úti við hornfána til að láta leiktímann renna út.
Enski boltinn Fótbolti Mest lesið Íslenska íþróttafólkið fékk gefins síma og smokka Sport „Ég varð fyrir vonbrigðum með Gylfa“ Íslenski boltinn Þórir fékk gleðifréttir í gær Handbolti Uppgjörið: Drita - Breiðablik 1-0 | Evrópusumarið á enda runnið Fótbolti Anton Sveinn komst áfram í undanúrslit Sport Gylfi ekki með Val til Skotlands Fótbolti Fagnaði sigri á Ólympíuleikunum komin sjö mánuði á leið Sport Áfrýja stigafrádrættinum en ekki leikbanni þjálfarans fyrrverandi Fótbolti Skilur ekkert í skipuleggjendum: „Alveg út í hött“ Sport Hringdi strax í ömmu sína og sýndi henni Ólympíugullið Sport Fleiri fréttir Fulham kaupir Smith Rowe og skilur Liverpool eitt eftir Skytturnar kynna Calafiori til leiks Man. Utd vill hundrað þúsund manna leikvang fyrir árið 2030 Phillips vill fara frá Man City Segir að Liverpool muni spila með „alvöru framherja“ í vetur Meiðslamartröð Man Utd heldur áfram Thiago meiddur og setur félagaskipti Toney í hættu Fulham gerir Smith Rowe að dýrasta leikmanni í sögu félagsins Réðst á leikmann Wrexham eftir tvær mínútur í æfingaleik Kvennalið Man. Utd. býr og starfar á æfingasvæði enska landsliðsins Tottenham að fá landa Sons Aston Villa eyðir mest af öllum félögum í Evrópu Ederson spilaði æfingaleik en Pep veit ekki hvort hann verði áfram Aldrei eins margar ábendingar um mismunun á einu tímabili Danny Drinkwater fjárfesti illa og starfar nú sem iðnaðarmaður „Það verða engin vandræði“ þegar Enzo mætir aftur til Chelsea Ætlar að þagga niður í þeim sem segja ljóta hluti um sig á veraldarvefnum PSG sýnir Sancho óvænt áhuga Leikmaður Man City neitar sök í eiturlyfjamáli Guardiola: Nei, Kevin er ekkert að fara Státar sig af gengi United liðsins undir hans stjórn Ákærður Barton segir Bretland verðandi bananalýðveldi Sá leikjahæsti tekur skóna óvænt fram á nýjan leik Onana leysir Luiz af hólmi á Villa Park Chelsea kaupir Kana Grínuðust með nýja varabúning Arsenal Ten Hag vill halda McTominay Kóngurinn Cantona: „Þarft að njóta leiksins og hafa ástríðu fyrir honum“ Íslendingar aftur til Englands: Hver er næstur? Segir Rangnick hafa haft rétt fyrir sér varðandi vandamál Man Utd Sjá meira