Eyjarnar portúgölsku eru í miðju Atlantshafi og samanstanda af níu eldfjallaeyjum. Ríflega 8.400 manns búa á eyjunni Sao Jorge sem er vinsæll áfangastaður ferðamanna.
Rúmlega 1.800 skjálftar hafa mælst á eyjunum síðustu þrjá daga en hafa ekki valdið tjóni. Óttast er að skjálftavirknin kunni að leiða til enn stærri jarðskjálfta eða eldgoss.
Yfirvöld á Asóreyjum hafa virkjað neyðarstig til öryggis en íbúar eyjanna eru hvattir til að halda ró sinni, segir í frétt Reuters.
