Olíufyrirtæki skila methagnaði í skugga verðhækkana Eiður Þór Árnason skrifar 5. maí 2022 11:40 Norska ríkisorkufyrirtækið hefur stórgrætt á gashækkunum. Getty/STR/NurPhoto Alþjóðlegir orkurisar hafa stórgrætt á umfangsmiklum hækkunum á mörkuðum fyrir gas og olíu að undanförnu og skiluðu mörg hver methagnaði á fyrsta ársfjórðungi þessa árs. Norska ríkisorkufyrirtækið Equinor skilaði 18 milljarða bandaríkjadala hagnaði fyrir skatta á fyrstu þremur mánuðum ársins og hefur hann aldrei verið hærri á einum ársfjórðungi. Samsvarar upphæðin um 2.352 milljörðum íslenskra króna en til samanburðar nema áætluð heildarútgjöld íslenska ríkisins í fjárlögum þessa árs um 1.218 milljörðum króna. Hagnaður Equinor meira en fjórfaldaðist frá sama tíma í fyrra þegar hann nam 4,1 milljarði bandaríkjadala fyrir skatta. Hagnaður fyrirtækisins eftir skatta á fyrsta ársfjórðungi þessa árs nam 5,18 milljörðum bandaríkjadala. Gasverð Equinor hefur meira en fjórfaldast milli ára og hefur það skilað sér í því að jarðgas hefur nú tekið fram úr hráolíu sem arðvænlegasta söluvara fyrirtækisins. Að mati greindanda spilar þar þátt örvænting Evrópuþjóða sem hafi keppst við að fylla á gasbirgðir sínar en óttast er að stríðsátökin í Úkraínu muni leiða til takmarkaðri aðgangs að rússnesku gasi. Hagnaður Shell þrefaldast Bresk-hollenska orkufyrirtækið Shell skilaði sömuleiðis methagnaði á fyrsta þremur mánuðum ársins og var afkoma félagsins jákvæð um 9,13 milljarða bandaríkjadali, eða jafnvirði um 1.193 milljarða íslenskra króna. Hefur hagnaður Shell þrefaldast milli ára en það skilaði 3,2 milljarða bandaríkjadala hagnaði á sama tímabili árið 2021. Auk Shell og Equinor hefur breska orkufyrirtækið BP og hið franska TotalEnergies greint frá stórauknum hagnaði á síðustu dögum. Shell segir að það hafi kostað félagið 3,9 milljarða bandaríkjadali að enda alla aðild að starfsemi í rússneska olíu- og gasiðnaðinum í ljósi innrásar Rússa í Úkraínu. Stöðugar hækkanir Stríðið í Úkraínu hefur ýtt undir hækkanir á mörkuðum fyrir olíu og gas en Rússlands er eitt af stærstu útflutningsríkjum jarðefnaeldsneytis. Á sama tíma hafa stjórnvöld á Vesturlöndum boðað að þau hyggist draga úr kaupum á rússneskri orku. Olíuverð var byrjað að hækka áður en stríðið hófst þegar efnahagskerfi ríkja byrjuðu að taka við sér eftir heimsfaraldur Covid-19 en innrás Rússa virkaði sem olía á eldinn. Breska ríkisútvarpið BBC hefur eftir Ben van Beurden, forstjóra Shell, að stríðið í Úkraínu hafi valdið miklum truflunum á alþjóðlegum orkumörkuðum. Fréttin hefur verið uppfærð. Bensín og olía Innrás Rússa í Úkraínu Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira
Norska ríkisorkufyrirtækið Equinor skilaði 18 milljarða bandaríkjadala hagnaði fyrir skatta á fyrstu þremur mánuðum ársins og hefur hann aldrei verið hærri á einum ársfjórðungi. Samsvarar upphæðin um 2.352 milljörðum íslenskra króna en til samanburðar nema áætluð heildarútgjöld íslenska ríkisins í fjárlögum þessa árs um 1.218 milljörðum króna. Hagnaður Equinor meira en fjórfaldaðist frá sama tíma í fyrra þegar hann nam 4,1 milljarði bandaríkjadala fyrir skatta. Hagnaður fyrirtækisins eftir skatta á fyrsta ársfjórðungi þessa árs nam 5,18 milljörðum bandaríkjadala. Gasverð Equinor hefur meira en fjórfaldast milli ára og hefur það skilað sér í því að jarðgas hefur nú tekið fram úr hráolíu sem arðvænlegasta söluvara fyrirtækisins. Að mati greindanda spilar þar þátt örvænting Evrópuþjóða sem hafi keppst við að fylla á gasbirgðir sínar en óttast er að stríðsátökin í Úkraínu muni leiða til takmarkaðri aðgangs að rússnesku gasi. Hagnaður Shell þrefaldast Bresk-hollenska orkufyrirtækið Shell skilaði sömuleiðis methagnaði á fyrsta þremur mánuðum ársins og var afkoma félagsins jákvæð um 9,13 milljarða bandaríkjadali, eða jafnvirði um 1.193 milljarða íslenskra króna. Hefur hagnaður Shell þrefaldast milli ára en það skilaði 3,2 milljarða bandaríkjadala hagnaði á sama tímabili árið 2021. Auk Shell og Equinor hefur breska orkufyrirtækið BP og hið franska TotalEnergies greint frá stórauknum hagnaði á síðustu dögum. Shell segir að það hafi kostað félagið 3,9 milljarða bandaríkjadali að enda alla aðild að starfsemi í rússneska olíu- og gasiðnaðinum í ljósi innrásar Rússa í Úkraínu. Stöðugar hækkanir Stríðið í Úkraínu hefur ýtt undir hækkanir á mörkuðum fyrir olíu og gas en Rússlands er eitt af stærstu útflutningsríkjum jarðefnaeldsneytis. Á sama tíma hafa stjórnvöld á Vesturlöndum boðað að þau hyggist draga úr kaupum á rússneskri orku. Olíuverð var byrjað að hækka áður en stríðið hófst þegar efnahagskerfi ríkja byrjuðu að taka við sér eftir heimsfaraldur Covid-19 en innrás Rússa virkaði sem olía á eldinn. Breska ríkisútvarpið BBC hefur eftir Ben van Beurden, forstjóra Shell, að stríðið í Úkraínu hafi valdið miklum truflunum á alþjóðlegum orkumörkuðum. Fréttin hefur verið uppfærð.
Bensín og olía Innrás Rússa í Úkraínu Mest lesið „Enginn kvartað yfir því þegar ég hef skúrað“ Atvinnulíf Frestun sölu Íslandsbanka jákvæð fyrir markaðinn Viðskipti innlent Kormákur og Skjöldur flytja í Brynjuhúsið eftir algjöra yfirhalningu Viðskipti innlent Óljóst hvort breytingarnar bjargi rekstri Play Viðskipti innlent Play í frjálsu falli Viðskipti innlent Sölunni slegið á frest Viðskipti innlent Hagkaup hættir sölu á Sodastream í kjölfar mótmæla Viðskipti innlent Ekki trompast við fólk í vinnu eða á fundum Atvinnulíf „Síðan kemur í ljós að við erum í gjörólíkum störfum“ Atvinnulíf „Opinberi geirinn er að breytast og þar þarf mikinn fjölda verkefnastjóra“ Atvinnulíf Fleiri fréttir Bein útsending: Hver hlýtur hagfræðiverðlaun sænska seðlabankans? United Airlines hefur flug milli New York og Nuuk Viðskiptavinir gjaldþrota rafmyntakauphallar endurheimta milljarða Samþykktu allt að 45 prósent toll á kínverska rafbíla Samið um lok umfangsmikils verkfalls hafnarverkamanna Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Sjá meira