Innlent

Grunaður um nauðgun, ráns­til­raunir og líkams­á­rásir

Eiður Þór Árnason skrifar
Úrskurður Héraðsdóms Reykjavíkur hefur verið kærður Landsréttar.
Úrskurður Héraðsdóms Reykjavíkur hefur verið kærður Landsréttar. Vísir/Vilhelm

Karlmaður á fertugsaldri sem grunaður er um mörg brot á undanförnum vikum, þar á meðal nauðgun, ránstilraunir og líkamsárásir, var í dag úrskurðaður í fjögurra vikna gæsluvarðhald til 8. júní, að kröfu lögreglunnar á höfuðborgarsvæðinu.

Úrskurðurinn féll í Héraðsdómi Reykjavíkur en að sögn lögreglunnar var síðasta brotið framið í austurborginni í gærmorgun þar sem maðurinn var handtekinn á vettvangi. Gæsluvarðhaldið grundvallist meðal annars á því að nauðsynlegt sé að verja aðra fyrir árásum hans.

Þetta kemur fram í tilkynningu frá lögreglunni en gæsluvarðhaldsúrskurðurinn hefur verið kærður til Landsréttar. Lögreglan hyggst ekki veita frekari upplýsingar um málið að svo stöddu.

Lögreglumál Dómsmál Kynferðisofbeldi

Mest lesið


Fleiri fréttir

Sjá meira


×

Mest lesið