Saga oddaleikjanna: Óskin um oddaleik rættist en ekki fleiri rassskelli, takk fyrir Óskar Ófeigur Jónsson skrifar 18. maí 2022 11:01 Jón Arnór Stefánsson kyssir Íslandsbikarinn eftir sigur á ÍR í síðasta oddaleik um titilinn. Jón Arnór vann þrjá oddaleiki um titilinn á sínum ferli, 2009, 2017 og 2019. Vísir/Daníel Þór Þrír af síðustu fjórum oddaleikjum um Íslandsmeistaratitilinn í körfubolta hafa verið einstefna hjá öðru liðinu en ef eitt jafnasta úrslitaeinvígi sögunnar gefur einhver fyrirheit þá verður langþráð breyting á því í kvöld. Valur og Tindastóll leika í kvöld hreinan úrslitaleik um Íslandsmeistaratitilinn í körfubolta en bæði lið hafa unnið tvo leiki í einvíginu til þessa. Þrír oddaleikir á undanförum tólf árum hafa ekki verið þeir spennuleikir sem úrslitaeinvígið á undan hafði boðið upp. Oddaleikir um Íslandsmeistaratitilinn í körfubolta: 1985: Njarðvík 67-61 Haukar 1988: Njarðvík 91-92 (66-66, 79-79) Haukar 1989: Keflavík 89-72 KR 1991: Njarðvík 84-75 Keflavík 1992: Keflavík 77-68 Valur 1994: Grindavík 67-68 Njarðvík 1999: Keflavík 88-82 Njarðvík 2009: KR 84-83 Grindavík 2010: Keflavík 69-105 Snæfell 2013: Grindavík 79-74 Stjarnan 2017: KR 95-56 Grindavík 2019: KR 98-70 ÍR 2022: Valur ??-?? Tindastóll Við erum þar að tala um þegar KR-ingar unnu ÍR-inga með 28 stigum 2019 eða þegar KR-ingar unnu Grindvíkinga með 39 stigum árið 2017. Árið 2010 þá mættu Snæfellingar síðan í Keflavík og yfirspiluðu heimamenn í 36 stiga sigri. Við viljum auðvitað sjá leiki eins og þann árið 2009 þegar KR vann Grindavík með aðeins einu stigi eða þegar Grindvíkingar unnu Stjörnuna með fimm stigum fjórum árum síðar. Grindvíkingar töpuðu líka með einu stigi á heimavelli á móti Njarðvík árið 1994 í mögnuðum baráttuleik. Þá lifir oddaleikurinn frá 1988 enn í manna minnum en Haukarnir urðu þá Íslandsmeistarar eftir tvíframlengdan oddaleik í Ljónagryfjunni. Fyrsti oddaleikurinn um titilinn var árið 1985 þegar Njarðvík vann Hauka í sama húsi. En aftur af þessum oddaleikjum á síðustu árum. Síðasti hreini úrslitaleikur um titilinn fór fram í Vesturbænum vorið 2019. ÍR-ingum hafði þá mistekist að tryggja sér titilinn í fjórða leiknum á heimavelli en höfðu unnið tvo fyrstu leiki úrslitaeinvígsins í Frostaskjóli. ÍR-liðið varð hins vegar fyrir miklu áfalli þegar bandaríski leikmaðurinn Kevin Capers meiddist og gat ekki spilað þennan oddaleik. ÍR-ingar máttu ekki við því ekki frekar en að vera að mæta liðinu sem hafði unnið fimm Íslandsmeistaratitla í röð. KR-ingar voru reyndar bara tveimur stigum yfir eftir fyrsta leikhluta, 22-20, en stungu endanlega af með því að skora tíu fyrstu stigin í öðrum leikhluta. Forystan jókst jafnt og þétt og endaði í 28 stigum, 98-70. Aðeins tveimur árum fyrr höfðu KR-ingar tapað tveimur leikjum í röð á móti Grindvíkingum þegar kom að oddaleiknum í Vesturbænum. Grindvíkingar voru reyndar 10-6 yfir í upphafi leiks en KR-liðið vann síðustu fimmtán mínútur fyrri hálfleiksins 43-8 og leit ekki til baka eftir það. Á endanum munaði heilum 39 stigum á liðunum sem er stærsti sigurinn í oddaleik frá upphafi. Grindvíkingum gekk mun betur í oddaleiknum 2013 þegar þeir höfðu tryggt sér annan leik með sigri í fjórða leiknum í Garðabæ þegar Stjörnumenn gátu tryggt sér titilinn á heimavelli. Grindvíkingar voru með frumkvæðið stærsta hluta leiksins en Garðbæingar urðu fyrir áfalli þegar bandaríski leikmaður liðsins, Jarrid Frye, meiddist í öðrum leikhluta. Stjörnumenn gáfust þó ekki upp, tókst að vinna upp fjórtán stiga forskot heimamanna og komast yfir um miðjan fjórða leikhlutann. Grindavíkurliðið með Aaron Broussard í fararbroddi tókst hins vegar að komast aftur yfir og tryggja sér titilinn. Oddaleikurinn í Keflavík vorið 2010 varð aldrei spennandi þökk sér einni svakalegustu skotsýningu sem hefur sést í upphafi leiks. Snæfellingar unnu fyrstu sjö mínútur leiksins 32-11 og voru komnir 26 stigum yfir í hálfleik, 56-30. Eftir það var aldrei spurning um það að Snæfellingar voru þarna að fara að vinna sinn fyrsta Íslandsmeistaratitil. Ári fyrr hafði þó farið einn svakalegasti oddaleikur sögunnar þegar KR vann Grindavík með einu stigi, 84-83. Grindvíkingar höfðu fengið tækifæri til að vinna titilinn á heimavelli í fjórða leiknum en KR tryggði sér þar oddaleik. Grindavík fékk líka síðustu sóknina í oddaleiknum en Helgi Jónas Guðfinnsson hætti við að skjóta og sóknin rann út í sandinn. Úrslitaleikur Vals og Tindastóls hefst klukkan 20.15 í kvöld og verður sýndur beint á Stöð 2 Sport. Upphitun Subway Körfuboltakvölds hefst klukkan 19.15. Subway-deild karla Valur Tindastóll Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Albert kynntur til leiks í Flórens Fótbolti Gull, silfur og brúðkaup Handbolti Fleiri fréttir Cailtin Clark áritaði kornabarn Barkley gaf eftir hundrað milljónir til að halda tryggð við TNT Tróð yfir LeBron James og dreymir um að komast í NBA Kaupir hlut í PSG eftir sigur Bandaríkjanna í París Kallaði liðsfélaga sinn tík í beinni Ótrúleg tölfræði Nikola Jokic á Ólympíuleikunum Yfirburðir Bandaríkjanna halda áfram en tæpt var það „Þegar þú gerir ekkert í hópverkefninu en færð samt A“ Allt fallið í ljúfa löð hjá Bogdanovic og Melo Curry skaut Frakka í kaf í lokin Katarzyna Trzeciak til Grindavíkur Bandaríkin í úrslit eftir þægilegan sigur á Ástralíu Stjörnuleikur Curry bjargaði Bandaríkjamönnum Frakkar í úrslit eftir spennuleik Þóttist ekki skilja ensku til að losna við ruslatalið í Garnett Durant með falleg skilaboð til Leslie Bandaríkjamenn unnu stórsigur og mæta Serbum í undanúrslitum Serbar með sigur í framlengingu og gætu mætt Bandaríkjunum næst Draymond Green gagnrýnir eigin þjálfara Hneykslast á bandaríska körfuboltalandsliðinu Anthony Edwards í stuði í stórsigri Bandaríkjamanna Mikil ánægja með nýju styttuna af Kobe og Gigi Bryant Dóttir LeBrons dauðskammaðist sín fyrir dansspor pabba gamla Þýska vörnin skellti í lás og Schröder og Wagner drógu sóknarvagninn Þjálfar litla bróður á Egilsstöðum Spánverjar sitja eftir Giannis forðaði Grikkjum frá heimsendingu Stytta af Kobe og dóttur hans afhjúpuð á morgun Wembanyama mætti 57 sentímetra minni manni Fyrrum leikmaður Indiana State og DePaul samdi við Hött Sjá meira
Valur og Tindastóll leika í kvöld hreinan úrslitaleik um Íslandsmeistaratitilinn í körfubolta en bæði lið hafa unnið tvo leiki í einvíginu til þessa. Þrír oddaleikir á undanförum tólf árum hafa ekki verið þeir spennuleikir sem úrslitaeinvígið á undan hafði boðið upp. Oddaleikir um Íslandsmeistaratitilinn í körfubolta: 1985: Njarðvík 67-61 Haukar 1988: Njarðvík 91-92 (66-66, 79-79) Haukar 1989: Keflavík 89-72 KR 1991: Njarðvík 84-75 Keflavík 1992: Keflavík 77-68 Valur 1994: Grindavík 67-68 Njarðvík 1999: Keflavík 88-82 Njarðvík 2009: KR 84-83 Grindavík 2010: Keflavík 69-105 Snæfell 2013: Grindavík 79-74 Stjarnan 2017: KR 95-56 Grindavík 2019: KR 98-70 ÍR 2022: Valur ??-?? Tindastóll Við erum þar að tala um þegar KR-ingar unnu ÍR-inga með 28 stigum 2019 eða þegar KR-ingar unnu Grindvíkinga með 39 stigum árið 2017. Árið 2010 þá mættu Snæfellingar síðan í Keflavík og yfirspiluðu heimamenn í 36 stiga sigri. Við viljum auðvitað sjá leiki eins og þann árið 2009 þegar KR vann Grindavík með aðeins einu stigi eða þegar Grindvíkingar unnu Stjörnuna með fimm stigum fjórum árum síðar. Grindvíkingar töpuðu líka með einu stigi á heimavelli á móti Njarðvík árið 1994 í mögnuðum baráttuleik. Þá lifir oddaleikurinn frá 1988 enn í manna minnum en Haukarnir urðu þá Íslandsmeistarar eftir tvíframlengdan oddaleik í Ljónagryfjunni. Fyrsti oddaleikurinn um titilinn var árið 1985 þegar Njarðvík vann Hauka í sama húsi. En aftur af þessum oddaleikjum á síðustu árum. Síðasti hreini úrslitaleikur um titilinn fór fram í Vesturbænum vorið 2019. ÍR-ingum hafði þá mistekist að tryggja sér titilinn í fjórða leiknum á heimavelli en höfðu unnið tvo fyrstu leiki úrslitaeinvígsins í Frostaskjóli. ÍR-liðið varð hins vegar fyrir miklu áfalli þegar bandaríski leikmaðurinn Kevin Capers meiddist og gat ekki spilað þennan oddaleik. ÍR-ingar máttu ekki við því ekki frekar en að vera að mæta liðinu sem hafði unnið fimm Íslandsmeistaratitla í röð. KR-ingar voru reyndar bara tveimur stigum yfir eftir fyrsta leikhluta, 22-20, en stungu endanlega af með því að skora tíu fyrstu stigin í öðrum leikhluta. Forystan jókst jafnt og þétt og endaði í 28 stigum, 98-70. Aðeins tveimur árum fyrr höfðu KR-ingar tapað tveimur leikjum í röð á móti Grindvíkingum þegar kom að oddaleiknum í Vesturbænum. Grindvíkingar voru reyndar 10-6 yfir í upphafi leiks en KR-liðið vann síðustu fimmtán mínútur fyrri hálfleiksins 43-8 og leit ekki til baka eftir það. Á endanum munaði heilum 39 stigum á liðunum sem er stærsti sigurinn í oddaleik frá upphafi. Grindvíkingum gekk mun betur í oddaleiknum 2013 þegar þeir höfðu tryggt sér annan leik með sigri í fjórða leiknum í Garðabæ þegar Stjörnumenn gátu tryggt sér titilinn á heimavelli. Grindvíkingar voru með frumkvæðið stærsta hluta leiksins en Garðbæingar urðu fyrir áfalli þegar bandaríski leikmaður liðsins, Jarrid Frye, meiddist í öðrum leikhluta. Stjörnumenn gáfust þó ekki upp, tókst að vinna upp fjórtán stiga forskot heimamanna og komast yfir um miðjan fjórða leikhlutann. Grindavíkurliðið með Aaron Broussard í fararbroddi tókst hins vegar að komast aftur yfir og tryggja sér titilinn. Oddaleikurinn í Keflavík vorið 2010 varð aldrei spennandi þökk sér einni svakalegustu skotsýningu sem hefur sést í upphafi leiks. Snæfellingar unnu fyrstu sjö mínútur leiksins 32-11 og voru komnir 26 stigum yfir í hálfleik, 56-30. Eftir það var aldrei spurning um það að Snæfellingar voru þarna að fara að vinna sinn fyrsta Íslandsmeistaratitil. Ári fyrr hafði þó farið einn svakalegasti oddaleikur sögunnar þegar KR vann Grindavík með einu stigi, 84-83. Grindvíkingar höfðu fengið tækifæri til að vinna titilinn á heimavelli í fjórða leiknum en KR tryggði sér þar oddaleik. Grindavík fékk líka síðustu sóknina í oddaleiknum en Helgi Jónas Guðfinnsson hætti við að skjóta og sóknin rann út í sandinn. Úrslitaleikur Vals og Tindastóls hefst klukkan 20.15 í kvöld og verður sýndur beint á Stöð 2 Sport. Upphitun Subway Körfuboltakvölds hefst klukkan 19.15.
Oddaleikir um Íslandsmeistaratitilinn í körfubolta: 1985: Njarðvík 67-61 Haukar 1988: Njarðvík 91-92 (66-66, 79-79) Haukar 1989: Keflavík 89-72 KR 1991: Njarðvík 84-75 Keflavík 1992: Keflavík 77-68 Valur 1994: Grindavík 67-68 Njarðvík 1999: Keflavík 88-82 Njarðvík 2009: KR 84-83 Grindavík 2010: Keflavík 69-105 Snæfell 2013: Grindavík 79-74 Stjarnan 2017: KR 95-56 Grindavík 2019: KR 98-70 ÍR 2022: Valur ??-?? Tindastóll
Subway-deild karla Valur Tindastóll Mest lesið „Við erum bikarmeistarar þannig það skiptir ekki máli“ Fótbolti Cailtin Clark áritaði kornabarn Körfubolti „Blikaleikir eru aldrei búnir fyrr en það er búið að flauta af“ Fótbolti Zirkzee hetjan í sínum fyrsta leik Enski boltinn „Það sjá allir hve mikilvægir varamenn eru“ Enski boltinn KR kærir og segir KSÍ mismuna félögum Íslenski boltinn Uppgjörið: Sanngjarnt þegar Valskonur tryggðu sér bikarinn Íslenski boltinn „Gefur okkur bara meiri eld í það að taka stóra bikarinn“ Fótbolti Albert kynntur til leiks í Flórens Fótbolti Gull, silfur og brúðkaup Handbolti Fleiri fréttir Cailtin Clark áritaði kornabarn Barkley gaf eftir hundrað milljónir til að halda tryggð við TNT Tróð yfir LeBron James og dreymir um að komast í NBA Kaupir hlut í PSG eftir sigur Bandaríkjanna í París Kallaði liðsfélaga sinn tík í beinni Ótrúleg tölfræði Nikola Jokic á Ólympíuleikunum Yfirburðir Bandaríkjanna halda áfram en tæpt var það „Þegar þú gerir ekkert í hópverkefninu en færð samt A“ Allt fallið í ljúfa löð hjá Bogdanovic og Melo Curry skaut Frakka í kaf í lokin Katarzyna Trzeciak til Grindavíkur Bandaríkin í úrslit eftir þægilegan sigur á Ástralíu Stjörnuleikur Curry bjargaði Bandaríkjamönnum Frakkar í úrslit eftir spennuleik Þóttist ekki skilja ensku til að losna við ruslatalið í Garnett Durant með falleg skilaboð til Leslie Bandaríkjamenn unnu stórsigur og mæta Serbum í undanúrslitum Serbar með sigur í framlengingu og gætu mætt Bandaríkjunum næst Draymond Green gagnrýnir eigin þjálfara Hneykslast á bandaríska körfuboltalandsliðinu Anthony Edwards í stuði í stórsigri Bandaríkjamanna Mikil ánægja með nýju styttuna af Kobe og Gigi Bryant Dóttir LeBrons dauðskammaðist sín fyrir dansspor pabba gamla Þýska vörnin skellti í lás og Schröder og Wagner drógu sóknarvagninn Þjálfar litla bróður á Egilsstöðum Spánverjar sitja eftir Giannis forðaði Grikkjum frá heimsendingu Stytta af Kobe og dóttur hans afhjúpuð á morgun Wembanyama mætti 57 sentímetra minni manni Fyrrum leikmaður Indiana State og DePaul samdi við Hött Sjá meira