Eru Sádar að eyðileggja golfið? Sindri Sverrisson skrifar 16. júní 2022 08:00 Phil Mickelson er einn af stærstu stjörnunum sem skráð hafa sig á LIV-mótaröðina. Hann er þó með á US Open sem hefst í dag. Getty/Warren Little Þó að Sádi-Aröbum hafi ekki tekist að lokka Tiger Woods yfir á hina nýju LIV-mótaröð í golfi, alla vega ekki enn, stendur golfheimurinn nú klofinn eftir að stór hópur kylfinga úr fremstu röð hefur þegið þær himinháu fjárhæðir sem þar eru í boði. Þrátt fyrir klofninginn mætast bestu kylfingar heimsins allir á Opna bandaríska mótinu sem hefst í dag. Enda myndi líklega ekki passa að kalla mót „opið“ ef að menn væru bannaðir þar en ekki er víst að í framtíðinni verði allir þeir bestu með á risamótunum fjórum. Kylfingarnir sem samið hafa við LIV-mótaröðina hafa alla vega þegar verið bannaðir af sterkustu mótaröð heims, hinni amerísku PGA-mótaröð, og ljóst er að forráðamenn risamótanna munu velta því vel fyrir sér að fylgja fordæminu. En þegar jafnvel tugir milljarða eru í boði fyrir að skrifa undir við LIV er það fórn sem kylfingar á borð við Phil Mickelson og Dustin Johnson eru til í að færa. Sextán milljónir fyrir neðsta sætið LIV-mótaröðinni var hleypt af stað með móti nærri London í síðustu viku. Charl Schwartzel vann mótið og tryggði sér meira en 4 milljónir Bandaríkjadala eða nokkuð yfir hálfan milljarð króna. Sem sagt stjarnfræðilega upphæð. Andy Ogletree varð neðstur af kylfingunum 48 en hann fékk samt tæpar 16 milljónir króna í sinn vasa. Charl Schwartzel vann fyrsta mót sögunnar á LIV-mótaröðinni. Hér er hann með Greg Norman, aðaltalsmanni mótaraðarinnar.Getty/Chris Grotman LIV-mótaröðinni (sem heitir svo af því að LIV er 54 í rómverskum tölum og á mótum hennar eru einmitt leiknar 54 holur í stað hinna hefðbundnu 72) hefur verið lýst sem nýjustu tilraun stjórnvalda í Sádi-Arabíu til að nýta íþróttir til hvítþvottar. Kaupin á Newcastle, samstarfið við Formúlu 1 og vináttulandsleikurinn við Ísland í nóvember eru fleiri dæmi. Sádi-arabísk stjórnvöld sjá sér hag í því að nýta vinsælar íþróttir, mögulega til að breiða yfir skelfileg mannréttindabrot sem stunduð eru í landinu. Mannréttindabrot sem að menn eru til í að líta framhjá til að keppa á nýstárlegri mótaröð… og jú til að fá fyrir það ógeðslega mikið af peningum. Vel kunnugt um mannréttindabrotin en fær 26 milljarða Síðustu ár hefur til að mynda verið fjallað um mikinn fjölda dauðarefsinga í Sádi-Arabíu og morðið á blaðamanninum Jamal Khashoggi en einnig að pyntingar séu þar notaðar sem refsing, tjáningarfrelsi sé heft, mótmæli gerð glæpsamleg og konum mismunað með víðtækum hætti, svo eitthvað sé nefnt. „Við vitum að þeir drápu Khashoggi og hafa staðið sig skelfilega í mannréttindamálum. Þeir taka fólk af lífi þarna fyrir að vera samkynhneigt. Vitandi þetta af hverju ætti ég þá einu sinni að vera að velta þessu fyrir mér? Vegna þess að þetta er einstakt tækifæri til að breyta því hvernig PGA-mótaröðin virkar,“ sagði Mickelson við blaðamanninn Alan Shipnuck. Tiger Woods er enn langstærsta stjarna golfsins en getur ekki keppt á US Open vegna meiðsla. Hann hefur ekki þegið boð LIV-mótaraðarinnar.Getty/Christian Petersen Samkvæmt honum skipti þetta „einstaka tækifæri“ öllu máli en ekki þeir 26 milljarðar króna sem samningurinn við LIV er sagður tryggja Mickelson. Þeir sem tóku sömu ákvörðun hafa frekar viljað meina að nýtt fyrirkomulag, þar sem til að mynda enginn niðurskurður er og allir kylfingar hefja leik á sama tíma, á mismunandi brautum, sé ástæðan fyrir vali þeirra en ekki peningar. Tiger voru boðnar enn hærri upphæðir en hann sagði nei, rétt eins og Rory McIlroy sem hefur verið óhræddur við að segja hlutina hreint út og sakað kollega sína um að láta græðgi ráða för. Breytt landslag til frambúðar? Auk Mickelson og Johnson má þar nefna Sergio Garcia, Bryson DeChambeau, Ian Poulter, Lee Westwood, Patrick Reed og Graeme McDowell, og hvíti hákarlinn Greg Norman er talsmaður LIV-mótaraðarinnar. Nú þegar hafa nítján af 100 bestu kylfingum heims keppt eða staðfest þátttöku sína á mótaröðinni. Og eins og McIlroy hefur bent á veit enginn hver langtímaáhrif LIV-mótaraðarinnar verða. Halda kylfingarnir áfram að streyma frá PGA-mótaröðinni, sem vissulega er ekki góðgerðasamtök heldur bara fyrirtæki sem vill græða peninga, yfir í sádi-arabísku seðlana? Fylgja fleiri fordæmi PGA-mótaraðarinnar og banna LIV-kylfinga frá mótum? Mun LIV-mótaröðin endast í tvö ár, tíu eða hundrað? Hver veit nema að LIV-mótaröðin slái í gegn og stuðli að auknum, alþjóðlegum vinsældum sádi-arabískra stjórnvalda? Eitt er víst að golfheimurinn er breyttur og kannski verður hann aldrei samur. Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum. Golf Opna bandaríska LIV-mótaröðin Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti „Mér finnst þessi úrslit ekki eins mikill skandall og fólk talar um“ Fótbolti „Við erum svona fimm prósentum frá þeim stað sem við viljum vera á“ Fótbolti Liverpool afþakkaði boð Newcastle um Gordon fyrir Quansah Enski boltinn Faðir og sonur munu stýra syni og bróður Körfubolti Dagskráin í dag: Formúlan, HM í pílukasti og einn leikur í Bestu deild karla Sport Stelpurnar tryggðu sér sjöunda sætið Handbolti Keane bað Maguire afsökunar: „Ég fór yfir strikið“ Enski boltinn Fleiri fréttir Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Nýkrýndur meistari á Opna bandaríska: „Pirraður og vonsvikinn“ McIlroy tekur sér í frí frá golfi eftir „erfiðasta daginn“ á ferlinum Anna Júlía Íslandsmeistari í holukeppni DeChambeau hljóp um og leyfði áhorfendum að snerta bikarinn DeChambeau leiðir með þremur fyrir lokadaginn Åberg með eins höggs forskot Fór fyrst í stöngina en síðan holu í höggi Rory og Cantlay leiða á US Open Woods segir að Opna bandaríska muni reyna líkamlega á kylfinga „Fylgir því þvílík sæla að koma hingað aftur“ Hætt við að skilja: „Framtíð okkar er best varið saman“ „Loksins koma jákvæðar fréttir frá Grindavík“ Sýking í litlu tá heldur Jon Rahm frá keppni á opna bandaríska „Þurfum að fylgjast betur með andlegri heilsu annarra“ Ótrúlegt gengi Scott í hættu og eina sem hann getur gert er að bíða Masters-sigurvegarinn brotnaði saman þegar hann minntist Murrays Brjálaður út í British Airways fyrir að skilja kylfurnar sínar eftir Vann sitt fyrsta PGA-mót með pabba sinn sem kylfusvein McIlroy fékk löggu til að afhenda konu sinni skilnaðarpappírana Hreinasta martröð hjá þeirri bestu í heimi Málið gegn Scheffler fellt niður: Ber engan kala til löggunnar Minntist Murray eftir sigur á PGA-mótaröðinni: „Sorgardagur fyrir golfið“ Golfstjarnan stytti sér aldur Grayson Murray látinn aðeins þrjátíu ára Sá sem handtók Scheffler fylgdi ekki verkreglum en ákærurnar standa Scottie Scheffler fer fyrir dómstóla í byrjun júní Sjá meira
Þrátt fyrir klofninginn mætast bestu kylfingar heimsins allir á Opna bandaríska mótinu sem hefst í dag. Enda myndi líklega ekki passa að kalla mót „opið“ ef að menn væru bannaðir þar en ekki er víst að í framtíðinni verði allir þeir bestu með á risamótunum fjórum. Kylfingarnir sem samið hafa við LIV-mótaröðina hafa alla vega þegar verið bannaðir af sterkustu mótaröð heims, hinni amerísku PGA-mótaröð, og ljóst er að forráðamenn risamótanna munu velta því vel fyrir sér að fylgja fordæminu. En þegar jafnvel tugir milljarða eru í boði fyrir að skrifa undir við LIV er það fórn sem kylfingar á borð við Phil Mickelson og Dustin Johnson eru til í að færa. Sextán milljónir fyrir neðsta sætið LIV-mótaröðinni var hleypt af stað með móti nærri London í síðustu viku. Charl Schwartzel vann mótið og tryggði sér meira en 4 milljónir Bandaríkjadala eða nokkuð yfir hálfan milljarð króna. Sem sagt stjarnfræðilega upphæð. Andy Ogletree varð neðstur af kylfingunum 48 en hann fékk samt tæpar 16 milljónir króna í sinn vasa. Charl Schwartzel vann fyrsta mót sögunnar á LIV-mótaröðinni. Hér er hann með Greg Norman, aðaltalsmanni mótaraðarinnar.Getty/Chris Grotman LIV-mótaröðinni (sem heitir svo af því að LIV er 54 í rómverskum tölum og á mótum hennar eru einmitt leiknar 54 holur í stað hinna hefðbundnu 72) hefur verið lýst sem nýjustu tilraun stjórnvalda í Sádi-Arabíu til að nýta íþróttir til hvítþvottar. Kaupin á Newcastle, samstarfið við Formúlu 1 og vináttulandsleikurinn við Ísland í nóvember eru fleiri dæmi. Sádi-arabísk stjórnvöld sjá sér hag í því að nýta vinsælar íþróttir, mögulega til að breiða yfir skelfileg mannréttindabrot sem stunduð eru í landinu. Mannréttindabrot sem að menn eru til í að líta framhjá til að keppa á nýstárlegri mótaröð… og jú til að fá fyrir það ógeðslega mikið af peningum. Vel kunnugt um mannréttindabrotin en fær 26 milljarða Síðustu ár hefur til að mynda verið fjallað um mikinn fjölda dauðarefsinga í Sádi-Arabíu og morðið á blaðamanninum Jamal Khashoggi en einnig að pyntingar séu þar notaðar sem refsing, tjáningarfrelsi sé heft, mótmæli gerð glæpsamleg og konum mismunað með víðtækum hætti, svo eitthvað sé nefnt. „Við vitum að þeir drápu Khashoggi og hafa staðið sig skelfilega í mannréttindamálum. Þeir taka fólk af lífi þarna fyrir að vera samkynhneigt. Vitandi þetta af hverju ætti ég þá einu sinni að vera að velta þessu fyrir mér? Vegna þess að þetta er einstakt tækifæri til að breyta því hvernig PGA-mótaröðin virkar,“ sagði Mickelson við blaðamanninn Alan Shipnuck. Tiger Woods er enn langstærsta stjarna golfsins en getur ekki keppt á US Open vegna meiðsla. Hann hefur ekki þegið boð LIV-mótaraðarinnar.Getty/Christian Petersen Samkvæmt honum skipti þetta „einstaka tækifæri“ öllu máli en ekki þeir 26 milljarðar króna sem samningurinn við LIV er sagður tryggja Mickelson. Þeir sem tóku sömu ákvörðun hafa frekar viljað meina að nýtt fyrirkomulag, þar sem til að mynda enginn niðurskurður er og allir kylfingar hefja leik á sama tíma, á mismunandi brautum, sé ástæðan fyrir vali þeirra en ekki peningar. Tiger voru boðnar enn hærri upphæðir en hann sagði nei, rétt eins og Rory McIlroy sem hefur verið óhræddur við að segja hlutina hreint út og sakað kollega sína um að láta græðgi ráða för. Breytt landslag til frambúðar? Auk Mickelson og Johnson má þar nefna Sergio Garcia, Bryson DeChambeau, Ian Poulter, Lee Westwood, Patrick Reed og Graeme McDowell, og hvíti hákarlinn Greg Norman er talsmaður LIV-mótaraðarinnar. Nú þegar hafa nítján af 100 bestu kylfingum heims keppt eða staðfest þátttöku sína á mótaröðinni. Og eins og McIlroy hefur bent á veit enginn hver langtímaáhrif LIV-mótaraðarinnar verða. Halda kylfingarnir áfram að streyma frá PGA-mótaröðinni, sem vissulega er ekki góðgerðasamtök heldur bara fyrirtæki sem vill græða peninga, yfir í sádi-arabísku seðlana? Fylgja fleiri fordæmi PGA-mótaraðarinnar og banna LIV-kylfinga frá mótum? Mun LIV-mótaröðin endast í tvö ár, tíu eða hundrað? Hver veit nema að LIV-mótaröðin slái í gegn og stuðli að auknum, alþjóðlegum vinsældum sádi-arabískra stjórnvalda? Eitt er víst að golfheimurinn er breyttur og kannski verður hann aldrei samur. Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum.
Öll stærstu golfmótin eru á Stöð 2 Golf en upplýsingar um útsendingar má finna hér. Stöð 2 Golf kostar 3.990 krónur á mánuði en er einnig hluti af Sportpakkanum.
Golf Opna bandaríska LIV-mótaröðin Mest lesið Þjálfari Dana mætti reiður með síma í viðtal: „Svona á fótbolti ekki að vera“ Fótbolti Eitt sinn fyrstur í nýliðavali NFL, nú rekinn úr sjálfboðastarfi fyrir fjárdrátt Sport Myndefni af ofsaveðrinu: Þrumur, eldingar, haglél og fossandi rigning á EM Fótbolti „Mér finnst þessi úrslit ekki eins mikill skandall og fólk talar um“ Fótbolti „Við erum svona fimm prósentum frá þeim stað sem við viljum vera á“ Fótbolti Liverpool afþakkaði boð Newcastle um Gordon fyrir Quansah Enski boltinn Faðir og sonur munu stýra syni og bróður Körfubolti Dagskráin í dag: Formúlan, HM í pílukasti og einn leikur í Bestu deild karla Sport Stelpurnar tryggðu sér sjöunda sætið Handbolti Keane bað Maguire afsökunar: „Ég fór yfir strikið“ Enski boltinn Fleiri fréttir Sú besta í heimi bitin af hundi Fór holu í höggi á tveimur holum í röð Rahm brjálaður: „Djöfulsins drónar“ Tiger Woods fær lífstíðarpassa fyrir afrek sín Nýkrýndur meistari á Opna bandaríska: „Pirraður og vonsvikinn“ McIlroy tekur sér í frí frá golfi eftir „erfiðasta daginn“ á ferlinum Anna Júlía Íslandsmeistari í holukeppni DeChambeau hljóp um og leyfði áhorfendum að snerta bikarinn DeChambeau leiðir með þremur fyrir lokadaginn Åberg með eins höggs forskot Fór fyrst í stöngina en síðan holu í höggi Rory og Cantlay leiða á US Open Woods segir að Opna bandaríska muni reyna líkamlega á kylfinga „Fylgir því þvílík sæla að koma hingað aftur“ Hætt við að skilja: „Framtíð okkar er best varið saman“ „Loksins koma jákvæðar fréttir frá Grindavík“ Sýking í litlu tá heldur Jon Rahm frá keppni á opna bandaríska „Þurfum að fylgjast betur með andlegri heilsu annarra“ Ótrúlegt gengi Scott í hættu og eina sem hann getur gert er að bíða Masters-sigurvegarinn brotnaði saman þegar hann minntist Murrays Brjálaður út í British Airways fyrir að skilja kylfurnar sínar eftir Vann sitt fyrsta PGA-mót með pabba sinn sem kylfusvein McIlroy fékk löggu til að afhenda konu sinni skilnaðarpappírana Hreinasta martröð hjá þeirri bestu í heimi Málið gegn Scheffler fellt niður: Ber engan kala til löggunnar Minntist Murray eftir sigur á PGA-mótaröðinni: „Sorgardagur fyrir golfið“ Golfstjarnan stytti sér aldur Grayson Murray látinn aðeins þrjátíu ára Sá sem handtók Scheffler fylgdi ekki verkreglum en ákærurnar standa Scottie Scheffler fer fyrir dómstóla í byrjun júní Sjá meira